| [1] | Ses gens noblement si porterent Et tant ferirent et hurterent Que les Babilons desconfirent En la fin et fuir les firent Vers leur cité hastivement, Et ceulx les chacierent drument, Qui jusques ens les embatirent ; (CHR. PIZ., M.F., II, 1400-1403, 180) | | [2] | et si comme il est escript es croniques, du vaillant .Ve. roy de France, Cloudovée le grant, tres vaillant, avint une fois que ses ostz s'embatirent sus les crestiens, et, comme, entre les autres despoilles et proiez par eulz ravies, prensissent un vaissel d'argent d'eglise, que ilz appellent orcheul, saint Remi, qui lors estoit archevesque de Reins, manda au roy qu'il lui feist rendre son vaissel ; (CHR. PIZ., Faits meurs Ch. V, S., I, 1404, 68) | | [3] | 13) Ou li Decien, qui, vouez leurs corps, s'embatirent brivant dedenz les ennemis? (BERS., I, 9, c.1354-1359, 32) | | [4] | 3) Et sachiez que illueques avint double terreur aus Rommainz, car d'une partie vindrent Samnicien, qui avoient assemblé grant oust pour delivrer leurs compaingnons du siege, qui se logierent prez des tentes rommainnes, et de l'autre part ceulz de la cité saillirent hors a grant tumulte a portes ouvertes et s'embatirent es stacions rommainnes; (BERS., I, 9, c.1354-1359, 39) | | [5] | 15) Si s'embatirent li chevalier dedenz les ennemis et troublerent leurs banieres de premiere venue. (BERS., I, 9, c.1354-1359, 43) | | [6] | et lors leurs chevaucheurs pristrent une traverse entre les deux batailles et s'embatirent en la bataille en lieu de leurs peons; (BERS., I, 9, c.1354-1359, 50) | | [7] | et lors s'embatirent il par les coustez et tout au travers des ennemis. (BERS., I, 9, c.1354-1359, 74) | | [8] | si avint par avanture que ilz s'embatirent ou moustier Saint Jehan et la apparçurent Berinus lez la tumbe sa mere, ou il plouroit et se dementoit et maudissoit lui et sa vie et l'eure qu'il avoit esté nez, et sur toutes choses il regretoit souvent Agea sa mere. (Bérinus, I, c.1350-1370, 32) | | [9] | Dont se pena chascuns efforcieement de la nef retourner, mais chose qu'il peüssent faire ne leur ot mestier ne aidier ne leur pot, ains s'embatirent tout droit, voulsissent ou non, vers les beuees, et, quant il y furent, si reclamerent tuit Dieu et ses Sains, ne en leurs vies n'orent fiance ne seürté. (Bérinus, I, c.1350-1370, 210) | | [10] | Et advint ainsi, comme ilz s'en aloient decoste un bois, qu'ilz se embatirent en une bruyere, et Achars le fel si portoit par devant soy un escrin que la damoiselle Melia lui avoit baillié, auquel estoient tous ses joyaulx. (Bérinus, I, c.1350-1370, 320) |
|
|
Attestation de 