| [1] | Si vont tant par champs et sillons Qu'elz viennent a leurs pavillons, Ou demainent grant joye et feste, A grant honneur et grant conqueste. (CHR. PIZ., M.F., II, 1400-1403, 208) | | [2] | Mais affin que je mieulx perface Mon oeuvre, si qu'errer ne face Les lisans, qui pourroient dire Qu'en mon dit aroit a redire, Parce que ci endroit devise Le commencement et la guise Comment les Amasones vindrent, Et comment leur royaume tindrent De ligne en ligne, sanz faillir, N'en estrange main tressaillir, Jusqu'a la preux Panthaselee, Qui d'Ector mort fu adoulee, Et si n'ay fait narracion De Thamaris, dont mencion Ja pieça je feys ci dessus, Qui de Cirrus vint au dessus, Sembleroit aux non entendens Que Thamaris quantité d'ansEust esté, ains qu'Amasonie Commençast, mais a ceulx le nye, Car Cirrus, qu'elle mist a ffin, Fu depuis grant temps, mais, a ffin Me couvient l'une istoire traire, Ains que une autre preigne a retraire, Car je ne puis pas, ce me semble, Tres toutes deviser ensemble, Et tout en un temps maintes choses, Quoyque de renc soient descloses, En diverses marches aviennent, Si ne peut on, si comme elz viennent, Dire ensemble, tout en un mont, Ce qu'en un temps vient par le mond. (CHR. PIZ., M.F., III, 1400-1403, 12) | | [3] | A toy ne vueil que soit celee La maniere dont tel savoir Acquis que disoie le voir De ce qui ert a avenir : De toutes pars veist on venir Gent pour savoir et pour enquerre Ou fust de paix ou fust de guerre : Tout ce qui avenir devoit Autre de moy ne le savoitEn mon temps, ne le dis pour vent, Combien qu'eussent esté devant Six femmes sages si parfaites Que par grace de Dieu prophetes Furent et du secret haultiesme Parlerent, et moy la septiesme Fus, trois autres puis moy nasquirent, Prophetisans tant qu'elz vesquirent. (CHR. PIZ., Chem. estude P., 1402-1403, 22) | | [4] | Si passasmes maintes contrees Diverses et fins et entrees, Mais tout fussent elz merveilleuses, A moy ne furent perilleuses Pour le conduit qui me menoit. (CHR. PIZ., Chem. estude P., 1402-1403, 59) | | [5] | Cestes yci le monde ordonnent, Mal et bien, joie et dueil y donnent, Selon qu'il leur est commandé Du hault cours du ciel et mandé, Dont elz recoivent, je n'en mens, Les singuliers commandemens, Puis au monde jus les envoient. (CHR. PIZ., Chem. estude P., 1402-1403, 92) | | [6] | Entr'eulx parlerent longuement, Et moult dura leur parlement, Mais pour abrigier leur langage, Sanz dire qui mieux y langage, J'en diray trestout en un mont : Yla se debatirent moult, En disant chascun son avis, Mais aincois que fust assouvis Leur parlement, elz ont trouvé Et par vive raison prouvé Que la plus grant cause qui soit Ou monde, qui l'omme decoit, C'est convoitise de regner L'un sus l'autre et de gouverner. (CHR. PIZ., Chem. estude P., 1402-1403, 130) | | [7] | Adont dist Sagece : Ma dame, Je me merveil moult, par mon ame, De ce que j'ay yci oi, Pou s'en est mon cuer esjoi, De ces dames cy qui conseillent Tel chose qu'il s'emble qu'elz vueillentDu monde la destruction, Quant selon leur affection Louent eslire gouverneur Ou vous ariez petit honneur. (CHR. PIZ., Chem. estude P., 1402-1403, 144) | | [8] | Si vueil par argumens prouver Comment, pour richece trouver,Vint noblece premierement Et chevalerie ensement, Et ne sont fors mes droites serves, Quoy qu'elz racontent si grans verves. (CHR. PIZ., Chem. estude P., 1402-1403, 165) | | [9] | Et s'ordonnent mieulx qu'elles puent De leurs habis, et la se juent Aussi les laides com les belles, Et scevent bien parler entrelles, Et aux hommes dire et moustrer Que l'en ne les doit eschuer, Pour ce qu'elz ont noire coulour, Et qu'il ist bien bonne savour De poivre plus que du blanc pois. (DESCH., M.M., c.1385-1403, 135) | | [10] | Encore treuve on es croniques Qu'en faisant les guerres puniques, D'un prince fut Aste assaillie, Prinse, gastée et essillie, Mais les .II. filles du seigneur, Quant elles virent la doleur, Prindrent estat de deux baisselles Et mistrent desoubz leurs aisselles Char de poules qu'elz ont plumées. (DESCH., M.M., c.1385-1403, 336) |
|
|
Attestation de 