| [1] | Lors que ceste dame regarda cellui seigneurieux edifice et maison royal pres que de cheoir, elle, qui leans avoit esté nourrie en abondance de biens et d'onneurs, descouvry de dessoubz son mantel l'un de ses bras, couvert et paré de fleurs de lis et de daulphins en quartiers, et estaioit le costé qui plus penchoit et par pesanteur s'enclinoit et tiroit grant partie du sourplus a tendre en ruyne, et contretenoit de cellui bras le plus principal pan de mur et qui portoit le branle du seurplus, et neantmoins se desmentoit et decrevoit en pluseurs lieux et des principaulx piliers s'enclinoient aux fais des aucuns. (CHART., Q. inv., 1422, 9) | | [2] | Car leurs glaives espandirent le sang innocent des martirs, ouquel fut destrempé le mortier du hault edifice de sainte Eglise. (CHART., L. Esp., c.1429-1430, 32) | | [3] | O sainte mere Eglise, tu fus fondee sur humilité, qui est la premiere pierre de l'edifice de Jhesu Crist, et par humilité gardee soubz la cremeur de Dieu es eslevee en exaltation sur le monde. (CHART., L. Esp., c.1429-1430, 56) | | [4] | Tant est ouvré par grant malice Que moult semble fort edifice Et tant est de beau maçonnage Qu'a peine ou monde est il si sage, S'il n'estoit par trop pourveü, Qui ne deïst qu'onques veü N'oÿ parler n'ot de si bel, Non fist nul puis le temps Abel Et si est si tres bien taillez, Si dorez et si esmaillez, Plain de pommiaulx et de banieres De plus de cent mille manieres, Si qu'on ne le peüst voir a l'ueil, Quant contre rayoit le souleil, Qui faisoit l'or contre son luire Plus de cent lieues loing reluire; (CHR. PIZ., M.F., I, 1400-1403, 62) | | [5] | Ne vous diroye la deïsme De la force et de la deffence, Qui est en ce lieu, par semblance, Ne du chastel les grans merveilles, Car oncques ne furent pareilles, Ne veü si fait edifice (Trop fu soubtil l'ouvrier qui fist ce! (CHR. PIZ., M.F., I, 1400-1403, 63) | | [6] | Et la est le mur si tres bas Et l'edifice si au bas Qu'a trop grant peine se soustient Et par pieces, souvent avient, Chiet le mur, grosses et menues; (CHR. PIZ., M.F., I, 1400-1403, 102) | | [7] | Ci dit de l'edifice sus la .IIIIe. face. (CHR. PIZ., M.F., I, 1400-1403, 128) | | [8] | Aprés Zorobabel vint Neemias, ! tant que regnoit Artaxersés en Perse et en Medee, ! et cestui Neemias acheva l'edifice du temple, que ! avoit commencié Zorobabel. (CHR. PIZ., M.F., II, 1400-1403, 168) | | [9] | Pour sa force et pour sa beauté, Bien dobt avoir principaulté, Car de haultes tours et murs fors Fu environnee dehors, Et dedens ert si maçonneeQu'onques mais creature nee Plus bel, ne plus riche edifice Ne pot veoir, ne plus propice. (CHR. PIZ., M.F., II, 1400-1403, 258) | | [10] | Ainsi m'aloit asseurant Sebille ce chemin durant, Tant qu'en la cité grant et noble Qu'on appelle Constantinoble, Qui jadis fu le chief de Grece, Sanz avoir chose qui nous griece Arrivasmes pour ens entrer, Car toutes me vouloit monstrer Les merveilles de la cité, Comme en maint lieu est recité : De marbre vi l'encaint des murs De grant circuit, haulz et durs, Maint hault palais, mainte maison Y vi qui de marbre ot cloison, Maint edifice grant et bel, Maint hault pilier et maint chambel Ouvré de moult soubtil ouvrage, Maint bel et maint estrange ymage Merveillable, je vous affie, Et l'eglise Sainte Sophie, La quelle est moult grant a merveilles, Ou l'en puet veoir maintes merveilles,Ou je prenoie grant plaisir De tout visiter a loisir, Car ce bien semble estre edifice Fait de puissant gent, non pas nice. (CHR. PIZ., Chem. estude P., 1402-1403, 52) |
|
|
Attestation de 