| [1] | donnens et ottroyens a leurs devant diz procureurs, ensemble et a chascun par soy pour le tout, plain povoir, auttorité et mandement especial de demander pour eulz et en leur nom, de estre pour eulz en jugement et hors, de plaidier, de plait ou plais entamer, de eulz deffendre et essoignier, de leurs essoignes proposer et dire, de demander jour d'avis et absence de conseil, de convenir, de reconvenir, de reppliquier, de duppliquier, de trippliquier, de excepter, de paceffier, de transigier, de compromettre, de compromis faire valoir par foy, parpleges et par peine, de jurer en l'ame de eulz de dire la verité, et de faire toutes autres manieres de seremens appartenans a ordre de droit, de faire posicions, de respondre aus posicions, d'amener tesmoings, de veoir jurer tesmoings et de dire contre tesmoings, d'oÿr drois, interloqutoires et sentences diffinitives, d'appeller, de poursivre et renouveller leurs appel ou appiaulz jusques a fin, et especialment de vendre, transporter et aliener, frans d'obligacion, pour eulz et en leurs noms, perpetuelment a tous jours, troiz arpens que prez que terres qui sont aus diz mariez, et aussi tous leurs cens que il ont ou parrochage de Machiau et ou terrouoir du Chappuis en Brye et tout ce qui en deppent, a religieuses personnes et honestes l'abbé et le couvent de Saint Magloire de Paris, des quieux religieux les diz cens, terres et prez sont tenuz et meuvent, sicomme les diz mariez le confesserent et tesmoignerent pardevant nous ; (Chartes Abb. St-Magl. T.F., t.3, 1330-1436, 132) |
|
|
Attestation de 