| [1] | Et incontinent, par plusieurs et divers messages, fut mandé par le roy mondit seigneur de Bourbon venir à lui, et enfin l'envoya querir par monseigneur l'evesque de Mande,par lequel ledit seigneur de Bourbon avoit envoyé au roy le seellé dudit monseigneur le connestable des choses devantdictes. (ROYE, Chron. scand., I, 1460-1483, 334) | | [2] | Car, jà cessans les fictions, Très mauvaises conjonctions Des devantdictes sept Planètes Alors venues et eschéetes En la maison ou domicile De Saturnus tout inutile, Furent de fait occasion De si dure corruption Qu'avint en l'air, en cellui temps, Que bestes mouroient ès champsPar l'inspirer tant seulement, Pour quoy je croy certainement Convénient et chose digne De translater ceste doctrine Tant en mémoire et remembrance De si grant fait et pestillence Que pour aucune instruction Contre tele corruption Ou temps présent et à venir, Qui la doctrine veult tenir. (LA HAYE, P. peste, 1426, 40) | | [3] | Comme, a l'occasion des grans divisions qui puis certain temps ença ont regné en cestui royaume, aucunes suspicions se sont engendrees es cueurs de nous et de pluseurs de noz officiers, serviteurs et vassaulx les ungs envers les autres, par quoy et pour pluseurs ymaginacions que a celle cause avons conceues avons esté empeschiez ou moins diligemment affectez de concordamment vacquer et entendre aux grans faiz et besoingnes touchans mondit seigneur le roy et sondit royaume et de ensemble resister a la dampnable entreprinse de ses ennemis enciens et nostres, les Anglois, qui soubz umbre et par le moyen des devantdictes divisions se sont enhardiz de eulx ainsi avant bouter en cedit royaume, et de fait y ont conquesté et de present y occupent et usurpent une bien grant partie de la seigneurie, et pourroient encores plus faire se les choses estoient en telle ou semblable disposicion, savoir faisons que nous, considerans et attendans les tant grans et innumerables maulx et inconveniens qui par le fait desdictes divisions, se appaisees n'estoient, se pourroient encores plus ensuir, a la grant fole ou, par avanture, perdicion totale de cestedicte seigneurie, qui nous redonderoit et a chascun de nous, a qui la chose puet plus toucher aprés mondit seigneur que a nul autre, a tres grant charge et deshonneur, desirans de toute affection, ainsi que tant tenuz y sommes, y remedier et pourveoir, et pour ce a ceste fin, aprés pluseurs traictemens sur ce euz ou pourparlez entre aucuns des nostres d'une part et d'autre, nous soyons puis nagueres assemblez et aujourd'uy dereschief convenuz et assemblez ensemble, avons d'un commun accord et assentement, pour honneur et reverence de Dieu principalment, aussi pour le bien de paix auquel un chascun bon catholique doit estre enclin, et pour relever le pouvre peuple des grans et si dures oppressions que a la cause dessusdicte a eue a ssoufrir, promis, juré et enconvenancé es mains de reverend pere en Dieu, Alain, evesque de Leon, legat envoyé devers nous par nostre saint pere le pape pour le fait de ladicte union et paix de cedit royaume, sur la vraye croiz et les sains Evvangiles de Dieu pour ce manuelment touchez de noz mains, par la foy et serment de noz corps pour ce prestez l'un a l'autre sur nostre part de paradis, en parole de prince et autrement, le plus avant que faire se peut, les choses cy aprés declarees : (8205, fol. 155) | | [4] | Et pour greigneur seurté et confirmacion et a ce que ne doyons avoir aucune ymaginacion sur les officiers et serviteurs l'un de l'autre, avons voulu et ordonné que noz plus principaulx officiers jurent, et de fait en nostre presence es mains dudit evesque de Leon ont juré tenir de leur part, et en tant que a eulx pourra toucher, les choses devantdictes et espicialment que de tout leur povoir ilz nous entretiendront en bonne et vraye amour l'un envers l'autre, ne ne feront ou procureront chose qui se doye empescher, mais, s'aucun empeschement y appartenoient, nous en advertiront et de ce et de toutes les choses devantdictes feront leur leal devoir et en bailleront leur seellé ; (8205, fol. 156) | | [5] | Et pour greigneur seurté et confirmacion et a ce que ne doyons avoir aucune ymaginacion sur les officiers et serviteurs l'un de l'autre, avons voulu et ordonné que noz plus principaulx officiers jurent, et de fait en nostre presence es mains dudit evesque de Leon ont juré tenir de leur part, et en tant que a eulx pourra toucher, les choses devantdictes et espicialment que de tout leur povoir ilz nous entretiendront en bonne et vraye amour l'un envers l'autre, ne ne feront ou procureront chose qui se doye empescher, mais, s'aucun empeschement y appartenoient, nous en advertiront et de ce et de toutes les choses devantdictes feront leur leal devoir et en bailleront leur seellé ; (8205, fol. 156) | | [6] | de faire faire toutes excusacions et contrainctes sur nosdictes finances, mesmement sur ceulx qui lui seront desobeïssans es choses devantdictes tout ainsi qu'il est acoustumé de faire pour noz propres debtes ; (8205, fol. 164) | | [7] | Si donnons en mandement par cesdictes presentes ausdiz generaulx conseillers et commissaires, audit Havart et ausdiz receveurs generaulx et particuliers, grenetiers, maistres de pors et autres officiers dessusdiz, tant presens que a venir, et a chascun d'eulx endroit soy si comme a lui touchera, que audit seigneur de Mirandol et a ses lettres et mandemens sur les choses devantdictes, leurs circunstances et deppendences facent et donnent telle et semblable obeïssance comme faire devroient a nous et aux nostres lettres, en gardant sans aucune transgression ceste nostre ordonnance sur peinne de privacion de leurs offices, d'encourir nostre indignacion et d'en estre pugni en corps et en biens selon l'exigence du cas. (8205, fol. 164) |
|
|
Attestation de 