Attestation dans les corpus textuels   Attestation de dessoulz dans 7FMR  5 attestations   Page 1/1  [1] Et, après que ledit de Bourgongne ot esté porté audit lieu de Nancy et ilec lavé, emondé et netyé, il fut mis en une chambre bien close, où il n'y avoit point de clarté, laquelle fut tendue de veloux noir, et estendu le corps dessus une table, habillé d'un vestement de toile depuis le col jusques aux piez, et dessoulz sa teste ung orillier de veloux noir, et dessus le corps ung poile de veloux noir. (ROYE, Chron. scand., II, 1460-1483, 42) [2] Les chevaulx ployent dessoubz eulx, la terre tremble de celluy bruyt en celle prayrie dessoulz Murimonde, chescun l'espee en la main. (BAGNYON, Hist. Charlem. K., c.1465-1470, 52) [3] et recongnurent et confesserent les dictes parties, de leurs bons grez, bonnes volentez, sanz aucune force ou contrainte, et pour le cler et evident proufit d'une chascune partie, sicomme il disoient, avoir fait, traictié et accordé entre eulx le bail, prinse et adcensement qui cy aprés s'ensuit, c'est assavoir la dicte Jehanne avoir baillié et delaissié a droit croiz de cenz ou rente, desmaintenant a touz jours, et promis a garantir, delivrer et deffendre envers et contre touz, toutes et quantes foiz que mestier en sera, de touz troubles, debtes, obligacions, arrerages, engaigemens et autres empeschemens quiexconques, a la charge cy dessoulz devisee, aus diz Jehan et Sedille, sa femme, et yceux Jehan et sa femme avoir prins et retenu a droit croiz de cens ou de rente de la dicte Jehanne, desmaintenant a touz jours, pour eulx, pour leurs hoirs et pour ceulx qui d'eulx auront cause, une maison ou masure, sicomme tout se comporte, en haut, en bas, en lonc, en lé et en parfont, avecques ses entrees, yssues, aigouz, veues, aisances et appartenances quiexconques, que la dicte Jehanne se disoit avoir et a elle estre venue et adjugiee par decret, par vertu des previlleges ottroiez aus bourgois de Paris, assise en la rue du Bourc l'Abbé, tenant, d'une part, a la maison qui fu Gillet le Paticier et, d'autre part, a la maison qui fu Symon Lombart, aboutissant par derrieres, d'un costé, a Denisot Poincet, et, d'autre, a Jehan Fichepié, en la censive Saint Magloire de Paris, chargiee avant ce bail en six soulz et quatre den. par. tant pour fons de terre comme pour croiz de cens ou rente deuz et paiez chascun an, c'est assavoir a l'abbé dudit Saint Magloire les quatre deniers pour le fons de terre au jour Saint Remy, et les six soulz au couvent dudit lieu au terme de Pasques, cest adcensement fait sur le tout et pour toutes charges pour et parmy dix huit soulz et quatre den. par. que les diz preneurs en gaigerent et promistrent, chascun pour le tout, par eulx et leurs hoirs, rendre et paier en et sur le dit lieu adcensé, c'est assavoir aus diz abbé et couvent les six soulz et quatre deniers de premiere charge aus termesdessus diz, et a la dicte Jehanne douze soulz par., a ses hoirs et aianz cause, chascun an egalment pour les quatre termes a Paris acoustumez, a comencier pour le premier terme et premier paiement a Noël prouchain venant, et pour et parmy douze livrez par. que les diz preneurs, chascun pour le tout, promistrent mettre, convertir et emploier en amendement en la dicte maison et appartenances dedanz quatre ans prouchains venans, toutes reparacions comptees pour amendement. (Chartes Abb. St-Magl. T.F., t.3, 1330-1436, 353) [4] Et pourront iceuls preneurs, se il leur plaist, faire tant et de telles veues conme il leur plaira ou mur qui est pardevers eulz par si que icelles veues y seront faites au dessoulz de douze piez. (Chartes Abb. St-Magl. T.F., t.3, 1330-1436, 371) [5] , et Edelot la Picarde, femme feu Gioffroy le Picart, demourans a Charronne, confessent avoir vendu a tousjours et promis garentir, chascun pour sa portion, a Pierre de la Porte et Agnés, sa femme etc., demourans a Charronne, une maison, masure et jardin, sicomme tout le lieu se comporte, contenant un quartier ou environ, que du propre heritage des dictes femmes ilz avoient pour indivis, assis en la dicte ville de Charronne, au dessoulz du moustier de la dicte ville, tenant, d'une part, aus dis acheteurs et, d'autre part, a Jehanne la Morelle, aboutissant au chemin par ou l'en va au moustier et du costé devers la fontainne, et aboutissant, au bout d'en hault, au chemin par ou l'en va a Baignolet, en la censive des religieux de Saint Magloire, chargé en trois ob. de cens acoustumé, et la part de ladicte Eudeline chargé en deux s. pour une messe par an a tousjours etc., ceste vente faicte pour dix frans et demi etc. d'argent. (Chartes Abb. St-Magl. T.F., t.3, 1330-1436, 591) Fermer la fenêtre