| [1] | et recongnurent avoir fait entre elles et l'une partie avecques l'autre, de bonne foy, sans aucune fraude ou decevance, mais pour l'evident prouffit d'une chascunne partie, sur ce bien advisees, sicomme elles disoient, les bail et prinse soubx les condicions, fourmes et manieres qui ensuivent : c'est assavoir le dit Jehan lui avoir baillié, cedé, transporté et delaissié et promis a garantir a ses coux contre et envers tous, en jugement et hors, toutes foiz et quantes que mestier en sera, a la charge cy dessoulx escripte et divisee, quitte et delivre de toutes autres charges, debtes, arrerages, obligacions et empeschemens quelconques, aux diz Richart et sa femme et leurs hoirs, et yceulx Richart et sa femme et chascun pour le tout eulx avoir prins et retenu, pour eulx, leurs hoirs et pour ceulx qui d'eulx auront cause, du dit bailleur, desmaintenant a tousjours, a croix de cens ou rente annuelle et perpetuelle, une maison, jardin, galleries, avec plusieurs louages appartenans a ycelle, et deux puys dont l'un est motoyen, sicomme tout se comporte et extent de toutes pars, en long, en lé, hault, bas, devant, derriere, avec tous leurs droiz et appartenances quelconques, que le dit bailleur avoit de son conquest, assise aParis, en la rue de Dernestal, tenant a Yvon Troullon, d'une part, et, d'autre, aboutissant au cymeutiere de la Trinité, en la censive des religieux de Saint Magloire de Paris, chargiee avant ce bail en treize deniers de fons de terre et en une corvee par an aux diz religieux et en quatre livres et deux solz par. de rente ou croix de cens par an paiez a certains censiers qui les y prennent aux IIII termes a Paris acoustumez, pour douze livres par. de rente ou croix de cens annuelle et perpetuelle par an avecques la dicte charge, que les diz preneurs et chascun pour le tout en sont, seront tenuz et promistrent rendre et paier par eulx, leurs hoirs et par ceulx qui d'eulx auront cause, chascun an, c'est assavoir (c'est assavoir) la dicte premiere charge aux diz religieux et censiers, et les douze livres par. de rente annuelle et perpetuelle par an audit bailleur, a ses hoirs et a ceulx qui cause auront de lui, a commencier a la Saint Remi prochaine venant, egalment par les diz IIII termes. (Chartes Abb. St-Magl. T.F., t.3, 1330-1436, 466) |
|
|
Attestation de 