Attestation dans les corpus textuels   Attestation de consail dans 7FMR  1 attestations   Page 1/1  [1] Sachent tuit que nous, veue laditte enqueste et tout ce qui s'en depent, le memorial pris a oÿr droit en diffinitive, comme dit est, et tout ce qui en faisoit a veoir, consideré tout ce qui enfaisoit a considerer et qui de raison et de coustume nous povoit et devoit mouvoir a droit faire, eu seur ce consail avecques sages, deismes et prononçames, disons et prononçons en ceste maniere : veu le memorial par lequel les religieus de Saint Maglore sic, d'une part, et Jehan de Mareul et monseigneur Adam, curé de Mareul sous Montfort, ou leurs procureurs, d'autre part, ont pris jour a oÿr droit en la diffinitive sus l'enqueste faite par Pierre de Lieuviller, Jehan Harpin et Phelippe Lerart, veu l'enqueste faite par eulz (et les deposicions des tesmoings amenez de par les diz religieus), consideré les confessions faites par le dit Jehan et [le dit] curé et les deposicions des tesmoings amenez de par les diz religieus, comme dit est, nous disons que les diz religieus ont bien prouvé leur entencion a la fin la ou il tendent, pour quoi nous condempnons ledit Jehan et le dit curé par son temporel a reffaire et rappareillier a leurs cous la grange dont contens est, et a ycelle remettre en estat si que les diz religieus y puissent mettre leurs dismes souffisamment, et es despens de ceste cause, la tauxacion reservee pardevers nous, par nostre sentence diffinitive et par droit. (Chartes Abb. St-Magl. T.F., t.3, 1330-1436, 27) [2] Jou Jehans dis Li Mies, peletiers, bourgois de Saint Quentin, fas savoir a tous que je en men bon sens et en men bon entendement, en me plaine santé et en men bon memoire, pour le pourfit et salut de m'ame, fas et ordenne, ai fait et ordené par grant devotion et par le consail de mes bons amis men testament et me daerainne volenté des biens que Diux m'a presté en ce mortel monde en le maniere qui ensuit. (8204, 4) [3] Je Maroie dicte Bastienne, femme ad present de Phillippe Le Conte, fais savoir a tous ceuls qui ces presentes lettres verront et orront que je en men bon sens, en men bon entendement, de me pure volenté, par le consail de bonne gent et pour le profit de m'ame, fais et ordenne men testament, ordenance et devis, de tous les biens que nostre sire Dieus par se douche grace m'a prestés en ceste mortel vie en le maniere qui s'ensuit. (8204, 69) Fermer la fenêtre