| [1] | La premiere fut que quant les trois de l'hostel du duc de Bourgoingne furent tous armez, chascun sa cotte d'armes en son doz, et prestz pour partir et pour entrer en la bataille, messire Jaques de Lalain parla à messire Symon de Lalain, son oncle, et à Meriadet et leur dit : " Messieurs et mes freres, en ceste belle journée vous sçavez que c'est à mon emprinse que sousmes venuz en ce royaulme et que de pieça a esté la bataille accordée à messire Jaques Duglas, et combien que chascun de nous puist ayder à son compaignon, je vous prie et requier que, pour chose qui aujourd'hui me advienne, nulz de vous ne se entremette de me secourir, car il sembleroit qu'eussiez passé la mer et que feussiez entrez en ceste bataille seullement pour moy ayder, et que vous ne me teinssiez ou congneussiez pas homme pour soubstenir l'assault et la bataille d'ung seul chevalier, et en tiendroient chascun moins compte de moy et de ma chevalerie. (LA MARCHE, Mém., II, c.1470, 106) |
|
|
Attestation de 