| [1] | Contre lesquels mariez le dit frere Jehan disoit et maintenoit, comme autres fois avoit fait, sicomme il disoit, que les dis religieux, tant par eulx comme par leurs predecesseurs et devanciers et ceuls dont il avoient cause, avoient esté et estoient en bonne et souffisante saisine et possession et avoient droit d'avoir, prendre, percevoir et recevoir, chascun an au terme de la Saint Remi, trente deux deniers de fons de terre et vint trois souls par. de rente ou crois de cens annuelle et perpetuelle, aus quatre termes en l'an a Paris acoustumez, en et sur une maison, sicomme elle se comporte, seant a Paris, oultre la porte Saint Denis, qui fu Loys de Saint Cloust dit de la Coquille, tenant, d'une part, a la maison Alés de Londres, et, d'autre part, aus maisons qui jadis furent Rollant de Bregy, aboutissant parderrieres aus jardins qui furent Gilles le Pasticier ; (Chartes Abb. St-Magl. T.F., t.3, 1330-1436, 410) |
|
|
Attestation de 