| [1] | Lors que ceste dame regarda cellui seigneurieux edifice et maison royal pres que de cheoir, elle, qui leans avoit esté nourrie en abondance de biens et d'onneurs, descouvry de dessoubz son mantel l'un de ses bras, couvert et paré de fleurs de lis et de daulphins en quartiers, et estaioit le costé qui plus penchoit et par pesanteur s'enclinoit et tiroit grant partie du sourplus a tendre en ruyne, et contretenoit de cellui bras le plus principal pan de mur et qui portoit le branle du seurplus, et neantmoins se desmentoit et decrevoit en pluseurs lieux et des principaulx piliers s'enclinoient aux fais des aucuns. (CHART., Q. inv., 1422, 9) | | [2] | Se je veisse que par chevalereuses hardiesses de la guerre, dont vous faictes le bruit, les ennemis sentissent la perte et le dommaige, le mien en seroit plus aisié à soustenir, mais tousjours mal souffrir, quant il ne redonde a aucun bien, fait le couraige cheoir en desespoir et perdre pacience entierement. (CHART., Q. inv., 1422, 23) | | [3] | Bon fait laissier aler un espace de ton brief aage pour toy preserver de cheoir en viellesse et povreté. (CHART., L. Esp., c.1429-1430, 20) | | [4] | Pour quoy donc seuffre ta non challance s'avugler en la nuee de ce mortel corps, seduit par les passions humaines et cheoir avec la pesanteur de charnalité abatue par les hurs de fortune, quant tu le dois enluminer et ressourdre, et recurer l'ancienne masse du corps humain, enclinee a vice, et infecte par l'originel peché, en nouvelleté d'esperit purifié par impartition de grace. (CHART., L. Esp., c.1429-1430, 26) | | [5] | Et se tu prens garde au cas advenir, tu verras tous yceulx cheoir en miserable vie ou finer par honteuse mort, qui se sont forclos de l'aide de Dieu pour la nuisance de ce pechié. (CHART., L. Esp., c.1429-1430, 62) | | [6] | Et ceste puissance s'apelle pollitiquementthimocracie, qui est en commun parler eslection, que aucuns par l'instabilité doubteuse de souvent changer seigneurie, et affin de oster achoisons de divisions au choisir et parcialités de gouverner, ont mieulx amé continuer par ordre de nature et regle de doctrine leur seigneurie en une moriginee maison et glorieuse ligniee que souvent cheoir au tumulte dez mutations de discors et d'envie. (CHART., L. Esp., c.1429-1430, 69) | | [7] | Toudis y cuidoye cheoir, Car tout le lieu d'un costé panche, N'il n'y a pont levis, ne planche, Qui ne soit assis en crosliere, Jamais n'est de droite maniere Et a toute heure, je m'en vens, Queurent la tous les .IIII. vens, Car il est assis si tres hault, Que, face froit ou face chault,Si sera il bien eventé, Ce scevent ceulx qui l'ont hanté. (CHR. PIZ., M.F., I, 1400-1403, 60) | | [8] | Puisqu'a Meseur sont acostez, Ne leur fera que mescheoir, Ne bien ne leur pourra cheoir; (CHR. PIZ., M.F., I, 1400-1403, 84) | | [9] | De tieulx y a, ainçois yront En une fosse si parfonde Qu'on n'i getteroit d'une fonde, Et a peine les trebuchiez Verra l'en jamais rehuchiez A joye, n'a bonne adventure, Mais a tousjours ont vie dure, Car je ne sçay s'onques j'oÿ Ne vi nul homme resjoÿ, Qui eust fait un si mortel sault, Comme au bas cheoir du plus hault; (CHR. PIZ., M.F., I, 1400-1403, 114) | | [10] | Bien doit avoir peur de cheoir Ou qu'aucunement mescheoir Lui puist, par quoy soit trebuchié, Qui ainsi se voit eslochié, Car, qui charroit tout du plus hault Trop plus feroit perilleux sault Que cil qui de plus bas charroit Et trop plus fort se blesseroit; (CHR. PIZ., M.F., I, 1400-1403, 135) |
|
|
Attestation de 