| [1] | le quel, de son bon gré et de sa bonne vollenté, sans fraude, recongnut et confessa en droit lui avoir prins et retenu a droit cres de cens ou rente, desmaintenant a touz jours, pour lui, ses hoirs et aians de lui cause, de religieuses personnes et honnestes l'abbé et couvent de l'eglise Saint Magloire de Paris, une maison et le jardin d'icelle, si conme tout se comporte et estent de toutes pars, avec touz ses drois, appartenances et appendances quelconques, qui jadiz fu Pierre de la Mote, assize a Paris, en la rue de Huleu, tenant, d'une part, aus maisons de l'abbé du Val Nostre Dame et, d'autre part, aus hoirs feu Jehan d'Orli, aboutissant par derriere au jardin Jehan Fichepié, en la seigneurie et censsive des religieus de Saint Magloire dessus dit, c'est assavoir ceste presente prinse et adscenssement fait pour et parmysix livres douze deniers par. que de fons de terre que de cres de cens ou rente annuelle et perpetuelle, que le dit Jehan d'Arras par lui, ses hoirs et aians de lui cause en est, sera tenuz, promist loialment rendre et paier, doresenavant chascun an, sur ladite meson aus diz religieus et a leurs successeurs en ladite eglise, c'est a entendre au dit abbé douze deniers par. de fons de terre a la feste saint Remy, et au dit abbé vint soulz par. de cres de cens ou rente aus quatre termes a Paris acoustumez, et au couvent de ladite eglise cent soulz par. de cres de cens, ou rente par les diz quatre termes a Paris acoustumez, conmençant a paier ladite rente a la feste saint Remy prochain venant et ainssi de terme en terme aprés enssuivans, par ainssi que le dit Jehan deschargera et promist deschargier soixante soulz par. de la dite rente a une fois ou par parties par baillant et assignant par eschange autres soissante soulz par. de rente aussi bien et aussi souffisaument assis conme sont les soissante soulz dessus diz, dedens du jour d'ui en huit ans prochain venans, au regart de bonnes gens en ce congnoissans, et les diz religieus le dit eschange seront tenuz recevoir et acepter par la maniere que dit est. (Chartes Abb. St-Magl. T.F., t.3, 1330-1436, 180) | | [2] | Estiene Bourdin et Jaqueline, sa fame, demourans a la Villete Saint Ladre, si conme il disoient, ycelle autorisee etc., affermerent que la dite Jaqueline avoit, tenoit et possidoit paisiblement de son propre heritage une maison, si conme elle se comporte, seant a Charronne, au bout de la ville vers le Bois de Vincennes, tenant, d'une part, a Gieffroy Martin et, d'autre part, aus hoirs feu Climent Boifvin, en la censsive Saint Magloire de Paris etc. (Chartes Abb. St-Magl. T.F., t.3, 1330-1436, 182) | | [3] | les quiex mariez, de leurs bons gres, sans fraude, et pour leur cler et evident prouffit, recongnurent et confessierent par devant les diz jurez conme par devant nous en droit eulz avoir prins et retenu, chascun pour le tout, a droit cres de cens ou rente, pour eulz et leurs hoirs, desmaintenant a tous jours, de Jehan d'Arras dit de Beauffort, bourgois de Paris, et de Sedille, sa femme, une maison avec le jardin et plusieurs louages appartenans a ycelle, si conme tout se comporte et estent de toutes pars, avec touz ses drois, appartenances et appendances quelconques qui estoit des diz Jehan et sa femme, de leur conquest, seant a Paris, en la rue de Dernetal, tenant, d'une part, a Loys Bacheler et, d'autre part, a Pierre Vincent, aboutissant par derriere aus diz bailleurs, en la censsive de religieuses personnes et honnestes l'abbé et couvent de l'eglise Saint Magloire de Paris, c'est assavoir ceste presente prinse et adscenssement faiz pour et parmy soixante quatre soulz six deniers par. que de fons de terre que de cres de cens ou rente annuelle et perpetuelle, et demy corvee que pour toutes charges et redevances les diz Raoul et Ysabiau, sa femme, en sont, seront tenuz et promistrent, chascun pour le tout, rendre et paier doresenavant chascun an, c'est assavoir aus diz bailleurs et a leurs hoirs trente deux soulz par. de cres de cens ou rente parles quatre termes en l'an generalment a Paris acoustumez, et aus censsiers ou autres personnes a qui il appartient les autres trente deux soulz par. de cres de cens aus termes que en l'an il leur ont esté acoustumez de paier, et aus diz religieus les diz six deniers par. de fons de terre par an a la feste saint Remy, et la dite demy corvee par an a yceulx religieus deue et paiee en mars, et pour douze livr. par. d'amendement que les diz Raoul et sa fame, et chascun d'eulz pour le tout, gaigierent es mains des diz clers notairez jurez conme en la nostre, et promistrent loialment en bonne foy mettre, convertir et emploier en nom d'amendement et pour amendement en la dite maison et en ses appartenances, dedenz du jour de la feste saint Jehan Baptiste prochaine venant en six ans de lors prouchains enssuivans acompliz pour touz delaiz, a compter et mettre toutes les reparacions que ilz y mettront pour amendement ; (Chartes Abb. St-Magl. T.F., t.3, 1330-1436, 183) | | [4] | les quelz mariez, de leurs bons gres et pour leur evident prouffit, recongnurent et confessierent pardevant les diz clers notaires jurez euls avoir prins et receux, chascun pour le tout, a droit crois de cens ou rente, pour euls, leurs hoirs et aians cause, desmaintenant a tous jours perpetuelment, de religieuses personnes et honnestes monseigneur l'abbé et couvent de l'eglise Saint Magloire de Paris et de Girart de Senlis, bourgois de Paris, et Emengart, sa femme, a cause d'elle et conme heritiere de feu Jehan Raoulant, jadiz pelletier et bourgois de Paris, une maison ou place wide, vague, ruyneuse et inhabitable, qui jadiz fu Hennequin le Mauvais, jadiz couretier de chevaux, assize a Paris, en la rue du Bourc l'Abbé, au dehors de la porte, tenant, d'une part, a une place ou maison wide qui est Jehan de Saint Roumain, ymagier, et, d'autre part, a plusieurs maisons qui sont Jehan de la Court, notaire du Chastellet de Paris, aboutissant par derriere a un manoir qui fu ou est messire Gauchier de Chasteillon, en la censsive, juridicion et seigneurie des diz religieus de Saint Magloire, c'est assavoir ceste presente prinse faite pour et parmy un denier par. de fons de terre et dix soulz par. de droit cres de cens ou rente annuel et perpetuel que en et sur le dit lieu prins et acensé les diz Guillaume et sa femme par euls, leurs hoirs et aians cause en sont, seront tenus, promistrent et gaigierent es mains des diz notaires jurez rendre et paier, chascun an doresenavant a tous jours perpetuelment, en ceste maniere, c'est assavoir icellui denier par. de fons de terre aus diz religieus et a leurs successeurs, a la feste saint Remy, et les dix soulz par. de cres de cens ou rente egalment par les quatre termes en l'an generalment a Paris acoustumez, et parmy la sonme de douze frans d'or du coing du roy nostre sire que, pour une fois, les diz mariez en ont bailliez et paiez aus diz abbé et couvent et aus diz Girart et sa femme, pour distribuer egalment entre les diz religieus et les diz Girart et sa femme, siconme les diz Guillaume et sa femme disoient ; (Chartes Abb. St-Magl. T.F., t.3, 1330-1436, 269) | | [5] | et elle, pour les choses dessus dites, leur feroit et donrroit recompensacion souffisant et convenable, c'est assavoir soissante soulz par. de crois de cens ou de rente annuelle et perpetuelle, les premiers prins en et de la sonme de quatre livr. six soulz par. de rente que la dite Denise et Henriet Mauloé avoient et prenoient, chascun an egalment par les quatre termes en l'an generalment a Paris acoustumez, en et sur les maisons qui furent feu Berthaut Marc, et sont a ses enffans et hoirs, seans a Paris, en la rue du Bourc l'Abbé, en la censsive et juridicion d'iceulx religieus, tenant, d'une part, a la maison qui fu feu Senne Bonnecourse, et, d'autre part, a la maison Renier le Serve, aboutissans par derriere a l'ostel au seigneur de Porcien ; (Chartes Abb. St-Magl. T.F., t.3, 1330-1436, 303) | | [6] | Les quiex mariez, de leurs bons grez, senz contrainte, recongnurent et confessierent pardevant les diz notaires avoir eschangié et, a tiltre d'eschange fait but a but sans soultes, quittié, cessié, ottroié, transporté et delessié, desmaintenant a tous jours perpetuelment et heritablement, et promis garantir, delivrer et deffendre envers et contre touz, en jugement et hors, a leurs cous et despens, de toutes debtes, obligacions, ypotheques, engaigemens et de tous autres empeschemens quelconques, a religieuses personnes et honnestes monseigneur l'abbé et couvent de l'eglise Saint Magloire de Paris, pour iceulx religieus et leurs successeurs a tous jours perpetuelment, treze soulz par. de cres de cens ou rente annuel et perpetuel que iceulz mariez, de leur conquest, avoient, prenoient et retenoient, chascun an egalment par les quatre termes en l'an generalment a Paris acoustumez, tantost aprés six soulz par., en et sur une maison, si conme elle se comporte, et sur toutes ses appartenances et appendances quelconques, qui fu Jehan Boifoin sic et sa femme, seant a Paris, en la rue de la Grant Truanderie, tenant, d'une part, a Pierre de Therouanne et, d'autre part, a Jehan Chauveau, en la censsive du roy nostre sire, en transportans et quittans du tout aus diz religieus et a leurs successeurs tout le droit que il y avoient, senz y riens retenir, c'est assavoir ce present eschange fait but a but sans soultes de ce que dit est en lieu et pour treze soulz quatre deniers par. de rente annuel et perpetuel que les diz religieus avoient et prenoient, chascun an egalment aus diz quatre termes, en et sur une maison et ses appartenances qui est des diz mariez, seant a Paris, a la Croix Neufve, tenant, d'une part, aus diz mariez et, d'autre part, a Estiene Lescot et sa femme, aboutissant a iceuls Estiene et sa femme, en la censsive de reverent pere en Dieu monseigneur l'evesque de Paris, que les diz religieus, abbé et couvent leur en ont baillié et delessié par ledit eschange ; (Chartes Abb. St-Magl. T.F., t.3, 1330-1436, 362) | | [7] | Les quiex mariez, de leurs bons grez, senz contrainte, recongnurent et confessierent pardevant les diz notaires avoir eschangié et, a tiltre d'eschange fait but a but sans soultes, quittié, cessié, ottroié, transporté et delessié, desmaintenant a tous jours perpetuelment et heritablement, et promis garantir, delivrer et deffendre envers et contre touz, en jugement et hors, a leurs cous et despens, de toutes debtes, obligacions, ypotheques, engaigemens et de tous autres empeschemens quelconques, a religieuses personnes et honnestes monseigneur l'abbé et couvent de l'eglise Saint Magloire de Paris, pour iceulx religieus et leurs successeurs a tous jours perpetuelment, treze soulz par. de cres de cens ou rente annuel et perpetuel que iceulz mariez, de leur conquest, avoient, prenoient et retenoient, chascun an egalment par les quatre termes en l'an generalment a Paris acoustumez, tantost aprés six soulz par., en et sur une maison, si conme elle se comporte, et sur toutes ses appartenances et appendances quelconques, qui fu Jehan Boifoin sic et sa femme, seant a Paris, en la rue de la Grant Truanderie, tenant, d'une part, a Pierre de Therouanne et, d'autre part, a Jehan Chauveau, en la censsive du roy nostre sire, en transportans et quittans du tout aus diz religieus et a leurs successeurs tout le droit que il y avoient, senz y riens retenir, c'est assavoir ce present eschange fait but a but sans soultes de ce que dit est en lieu et pour treze soulz quatre deniers par. de rente annuel et perpetuel que les diz religieus avoient et prenoient, chascun an egalment aus diz quatre termes, en et sur une maison et ses appartenances qui est des diz mariez, seant a Paris, a la Croix Neufve, tenant, d'une part, aus diz mariez et, d'autre part, a Estiene Lescot et sa femme, aboutissant a iceuls Estiene et sa femme, en la censsive de reverent pere en Dieu monseigneur l'evesque de Paris, que les diz religieus, abbé et couvent leur en ont baillié et delessié par ledit eschange ; (Chartes Abb. St-Magl. T.F., t.3, 1330-1436, 362) | | [8] | les quiex mariez, de leurs bons grez, senz contrainte, recongnurent et confessierent en droit pardevant nous eulx avoir prins et retenu, chascun pour le tout, a droit crois de cens ou rente, pour eulx, leurs hoirs et aians cause, de religieuses personnes et honnestes l'abbé et couvent de l'eglise Saint Magloire de Paris et du gouverneur et freres de la Trinité de la grant rue Saint Denis, une place wide et jardin, si conme tout se comporte, qui estoit des diz religieus et freres, seant a Paris, en la rue de Dernetal, tenant, d'une part, a Simon de Saint Benoist et, d'autre part, a Richart le Buffetier, et aboutist par derriere au cymetiere de la Trinité, en la censsive Saint Magloire de Paris, c'est assavoir ceste prinse et acenssement faiz pour et parmy deux soulz par. de fons de terre et vint soulz par. de cres de cens ou rente annuel et perpetuel que il en gaigierent et promistrent, chascun pour le tout, en et sur le dit lieu par eulx prins rendre et paier, chascun an doresenavant a tous jours perpetuelment, egalment par les quatre termes en l'an generalment a Paris acoustumez, en ceste maniere,c'est assavoir au couvent de Saint Magloire dix soulz par. de rente, et aus diz gouverneur et freres de la Trinité dix soulz par. de rente, et a Saint Magloire les dessus diz deux soulz par. de fons de terre a la feste Saint Remy, et pour dix livres par. d'amendement que iceulx mariez promistrent et gaigierent en nostre main mettre, convertir et emploier, chascun pour le tout, en la maison dessus dite et en ses appartenances de denz du jour d'ui en six ans prouchains venans pour touz delaiz, a compter toutes reparacions pour amendement, non obstant les us et coustumes de la ville de Paris ne autres choses a ce contraires. (Chartes Abb. St-Magl. T.F., t.3, 1330-1436, 376) | | [9] | Et quant a tout ce que en ces lettres est contenu enteriner, acomplir, et pour non venir contre, les diz mariez ont obligié et pour obligié delessié aus diz religieus et gouverneur et a leurs successeurs une maison, si conme elle se comporte, avec ses appartenances, que il avoient de leur conquest, seant a Paris, ou Mont Sainte Genevieve, tenant, d'une part, a Jehan le Saige et, d'autre part, a Estiene Bureline, aboutissant par derriere a la rue Judaz, en la censsive Sainte Genevieve du Mont de Paris, chargiee en huit livr. par. pour toutes charges par an, pour y faire valoir les diz vint et deux soulz par. tant de fons de terre conme de rente dessus esclarciz, et y gaigier et prendre ladite rente, tantost que la maison devant dite seroit wide, wague, ruyneuse, inhabitable ou en tel point et estat que l'an n'y pourroit prendre et trouver a gaigier pour icelle rente, et generalment obligierent tous leurs autres biens et de leurs hoirs, et de chascun d'eulz pour le tout, meubles, inmeubles, presens et a venir, quiex ou qu'il soient, a justicier par nous, nos successeurs prevoz de Paris, et par toutes autres justices souz qui il seront et pourront estre trouvez, pour ces lettres enteriner. (Chartes Abb. St-Magl. T.F., t.3, 1330-1436, 377) | | [10] | Pierre Bourdel, demourant a Hauberviller, confesse avoir baillié et delessié par eschange fait but a but, sans soultes etc., transporté et quittié etc., a Pierre Odiarne, demourant a Briis, en la chastellerie de Montlehery, et oncle d'icelui Pierre Bourdel etc., une maison et le jardin, si comme tout se comporte, et ses appartenances, que il avoit de son conquest, assize a Paris, en la rue du Bourc l'Abbé, qui jadiz fu feu Sanne Bonnecourse, marchant de chevaulx, tenant, d'une part, a Jehan le Roux, marchant de chevaulx, et, d'autre part, a Robert Poulain, tixairent, et aus jardins qui sont aus religieus du Val Nostre Dame, aboutissant par derriere a autres jardins qui furent jadiz Pierre Mimant et sa femme, et qui sont ad present Phelippe de Calleville, heaumier, en la censsive des religieus de l'eglise Saint Magloire de Paris, a telle charge conme les diz religieus de Saint Magloire lui ont bailliee et selon les condicions contenues es lettres du bail sur ce faites, parmy les quelles ces presentes sont annexees etc., ce present eschange fait de ce que dit est en lieu de ce qui enssuit que le dit Pierre Odiarne en a baillié, eschangé, quittié et delessié a tous jours au dit Pierre Bourdel, pour lui et ses hoirs etc., c'est assavoir une maison et cinq acres de terre qui peuent valoir environ dix arpens, a la mesure de Paris, seans en la ville et parroisse de Saint Pierre de la Vielle, en la visconté de Vire, de son heritaige, aus charges que il doivent ; (Chartes Abb. St-Magl. T.F., t.3, 1330-1436, 444) |
|
|
Attestation de 