| [1] | La grant court veult tout devourer Et baille a loyer ou a cense Pour son estat, pour sa despense, Aux gens lais, c'est grant maleurté, Ou patronnaige ou prieurté A pris d'argent ou a censive. (DESCH., M.M., c.1385-1403, 164) | | [2] | Et sembloit que la teneur d'icelles lettres n'avoit mie esté assez adverty, et mesmement ou regard du pris qui seroit à baillier pour yceulz admortissemens, car il cherroit plus grant pris de admortir terres et heritages tenuz sans moien du Roy que d'autres, et de heritages tenus en censive, portans lotz et ventes, que d'autres. (FAUQ., III, 1431-1435, 113) | | [3] | recongnurent et confesserent en droit, de leurs bonnes volentés, de certainne science et de leur propre mouvement, sanz nulle contrainte, force, fraude ou erreur, et pour leur grant profit cler et evident, si conme il disoient, eus avoir prins et retenu a certain crois de cens ou de rente annuel et perpetuel de religieus honmes et honestes l'abbé et couvent de l'eglise Saint Magloire de Paris, ou nom et pour la dite eglise, heritablement, desorendroit a touz jours, pour eus, pour leurs hoirs et pour ceus qui cause ont ou auront de eus, une maison avecques toutes ses appartenances et appendances, si conme tout se comporte et estent de toutes pars, que les diz religieus avoient, assise a Paris, en la rue aus Oues, tenant, d'une part, a la maison dame Ysabiau de Lions et, d'autre part, a la maison Pierre de Saint Denis, tondeur, en la censive des diz religieus, c'est assavoir pour huit par. de fons de terre paiez par an a la Saint Remy, et quatre livr. et seze solz par. de crois de cens ou de rente annuel et perpetuel, chascun an, en quoyla dite maison est et demoura chargié, et que les diz preneurs, leurs hoirs et ceus qui cause ont ou auront de eus en sont et seront tenuz de rendre et paier aus diz religieus, ou nom et pour le profit de la dite eglise, ou a ceus qui cause ont ou auront de eus, desorendroit perpetuelment chascun an, c'est assavoir les diz huit par. pour fons de terre au dit terme de la Saint Remy, et les dites quatre livr. et saize solz par. de crois de cens ou de rente annuel et perpetuel aus quatre termes generalment en l'an a Paris acoustumés, et pour dis livr. par. d'amendement que les diz preneurs en gaigerent en nostre main et promistrent par leurs sermens a mettre, convertir et emploier en l'amendement de la dite maison, bien et souffisaument, aus us et aus coustumes de la ville de Paris, de denz le terme et la fin de trois ans prochains a venir pres a pres entresivans a compter du jour de la date de ces presentes lettres. (Chartes Abb. St-Magl. T.F., t.3, 1330-1436, 36) | | [4] | eus avoir prins et retenua certains crois de cens ou de rente annuel et perpetuel, desorendroit a touz jours, pour eus, pour leurs hoirs et pour ceus qui cause ont ou auront de eus, de religieus honmes et honestes l'abbé et couvent de l'eglise de Saint Magloire de Paris, ou nom et pour le profit de la dite eglise, une maison avecques toutes ses appartenances et appendances, si conme tout se comporte et estent de toutes pars, que les diz religieus avoient, assise a Paris, en la rue du Bourc l'Abbé, tenant, d'une part, a la rue Palee et, d'autre part, a la maison Guillaume le Bossetier, aboutissant par derrieres a la maison Robert l'Esmoleur, en la censive des diz religieus, c'est assavoir pour le pris de deus solz par. de fons de terre, et neuf livr. par. de crois de cens ou de rente annuel et perpetuel, en quoy la dite maison est et demoura chargié chascun an, et que les diz preneurs, leurs hoirs et ceus qui cause ont ou auront de eus en sont et seront tenuz de rendre et paier, chascun an, en la maniere qui s'ensuit, c'est assavoir les diz deus solz par. pour fons de terre aus diz religieus, au terme de la Saint Remy, et les dites neuf livr. par. de crois de cenz ou de rente, aus quatre termes generalment en l'an a Paris acoustumés, au chamberier de la dite eglise soixante dis solz par., et au couvent d'icelle eglise cent et dis solz par., et pour trente livr. par. d'amendement que les diz preneurs et chascun pour le tout en gaigerent en nostre main et promistrent, par leurs sermens et par la foy de leurs corps pour ce bailliees corporelment en nostre main, a mettre, convertir et emploier en l'amandement de la dite maison bien et souffisaument, toutes choses contees pour amandement, dedenz la fin et le terme de trois ans prochains a venir, pres a pres entresivans, acomplis et passés a compter du jour de la date de ces presentes lettres, en telle maniere et sus tele condicion que les diz preneurs, leurs hoirs ne ceus qui cause ont ou auront de eus ne pouront chargier ne obligier la dite maison, adcensee conme dit est dessus, par quelque maniere que ce soit, en plus grant sonme que es dites neuf livr. et deus solz par., tant pour fons de terre conme de crois de cenz ou de rente annuel et perpetuel dessus dites, si conme yceus preneurs et chascun pour le tout le vouldrent et accorderent expressement pardevant nous. (Chartes Abb. St-Magl. T.F., t.3, 1330-1436, 38) | | [5] | recongnurent et confesserent en droit, de leurs bonnes volentés, de certainne science et de leur propre mouvement, eus avoir prins et retenu a certain crois de cens ou de rente, chascun pour le tout, especialment la dite Angnés o l'auttorité dessus dite, pour eus, pour leurs hoirs et pour ceus qui cause ont ou auront de eus, de religieuses personnes et honestes l'abbé et couvent de l'eglise Saint Magloire de Paris, une place wide que les diz religieus avoient, assise a Paris, en la rue ou l'en cuit les Oes, emprés la porte Saint Denis, avecques toutes ses appartenances et appendances, si comme tout se comporte et estent de toutes pars, tenant, d'une part, a la maison Robert le Perrier et, d'autre part, a la maison Jehan Lucas, aboutissant parderrieres aus diz preneurs et pardevant sur la dite rue aus Oes, en la censive des diz religieus de Saint Magloire, c'est assavoir pour quarante solz par. de crois de cens ou de rente annuel et perpetuel et sis deniers par. pour fons de terre en quoy la dite place est et demoura chargiee, et que les diz preneurs, leurs hoirs et ceus qui cause ont ou auront de eus en sont et seront tenuz de rendre et paier des ore en avant, chascun an, aus personnes et en la maniere qui s'ensuit, c'est assavoir aus diz religieus de Saint Magloire, sis par. pour fons de terre, paiez au terme de la Saint Remy, derechef a dame Erembourt, fame jadis de feu mestre Hugue Restoré, vint solz par. aus quatre termes en l'an a Paris acoustumés, et vint solz par. aus diz religieus, et pour dis livr. par. d'amendement que les diz preneurs gaigerent en nostre main et promistrent a mettre, convertir et emploier en l'amendement de la dite place de denz la fin de deus ans a compter du jour de la date de cespresentes lettres, toutes choses comptees pour amendement, en telle maniere que les diz preneurs, leurs hoirs ne ceus qui cause ont ou auront de eus ne pouront chargier la dite place en plus grant sonme de crois de cens ou de rente que des quarante solz par. dessus diz par exprés accort et convenant fait entre eus en cest adcensement faisant. (Chartes Abb. St-Magl. T.F., t.3, 1330-1436, 42) | | [6] | Nous faisons assavoir que pardevant nous en jugement pour ce personelment establiz Mahy de Plailli, tavernier, bourgois de Paris, demourant en l'encloistre de l'eglise de Sainte Oportune, et Agnés, sa fame, a la quele il donna auctorité quant aus choses qui ensuient, recognurent en droit, de leurs bonnes volentez et de certaine science, euls d'un commun assent avoir vendu et en nom de perpetuel vendue ottroié, cessié, quitté, transporté et du tout delessié, desorendroit a touz jourz perpetuelment, a Giefroy de Floury, bourgois de Paris, et a Jehanne, sa fame, pour euls, pour leurs hoirs et pour touz autres qui d'euls auront cause, soixante soulz par. de crois de cenz ou rente annuel et perpetuel que les diz vendeurs du propre heritage de la dite venderresse se disoient prendre et avoir paisiblement et franchement, chascun an aus quatre termes generalment en l'an a Paris acoustumez, tantost sanz aucun moien ne de semblable condicion aprés vint et huit soulz par. tant de fonz de terre comme de crois de cenz ou rente, en et sus la meson qui fu Jehan du Temple, jadiz pere de la dite venderresse, et sus touz les droiz et appartenances d'icelle, si comme tout se comporte et estent de toutes pars, seant a Paris, en la rue de la Chanverrie, en la censive nostre sire le roy, tenant, d'une part, a la meson Agnés, jadiz fame du dit feu Jehan, et, d'autre part, aus heritiers de feu Robert Païen, aboutissant parderreres a la meson qui fu feu Denyse de Lorriz, a avoir, prendre, joïr, expletter, recevoir et par droit hereditaire paisiblement et franchement posseoir les soixante soulz par. de crois de cenz ou rente dessus venduz, dorenavant perpetuelmentchascun an, aus termes, sur le lieu, aprés la charge et en la maniere dessus devisez, des diz acheteurs, de leurs hoirs et de touz autres qui d'euls auront cause, c'est assavoir tout pour le pris de vint et quatre livr. par., une foiz, que les diz vendeurs confessierent avoir eu et receu des diz acheteurs en bons deniers comptanz avant la confection de ces lettres, dont ils se tindrent enterinement pour bien paiez, et de tout icelli pris pour toute la dite vendue quitterent a touz jourz les diz acheteurs, leurs hoirs et touz autres qui d'euls auront cause ; (Chartes Abb. St-Magl. T.F., t.3, 1330-1436, 53) | | [7] | affermerent et distrent en bonne verité les diz Macy Cousin et Katherine, sa fame, pardevant les diz notaires jurez, que il, du propre heritaige dudit Macy a li venu et escheu par la mort et succession de feu Jehan Stambut, son oncle, jadiz changeur, bourgois de Paris, avoient, prenoient et recevoient par chascun an, aus quatre termes generalment en la ville de Paris accoustumez en l'an, vint et sis soulz huit deniers parisis de cres de cens ou de rente, tantost et sanz aucun moyen aprés un denier par. de fons de terre, en et sur une maison et sur les appartenances et appendances d'icelle maison, sicomme tout se comporte et estent, haut et bas, devant et derrieres, laquele maison est ad present Thomas le Breton, harengier, assise a Paris en la rue au Cyne, tenant, d'une part, a Alips la Camuse et, d'autre part, a la fame feu Jehan le Blont, aboutant par derrieres a la maison que l'en dit la maison d'Ardaise, en la censive du roy nostre seigneur, qui jadiz fu de Therouenne, sicomme les diz Macy Cousin et Katherine, sa fame, disoient. (Chartes Abb. St-Magl. T.F., t.3, 1330-1436, 74) | | [8] | Nicolas l'Afillé et Guillaume de Neelle, sergens a verge du roy nosire ou Chastellet de Paris, commis a ce a la requeste du procurateur de religieus hommes et honnestes l'abbé et couvent de l'eglise Saint Magloire de Paris, pour et ou non d'yceus religieus et de leur dite eglise, qui disoit que, comme yceus religieus, tant par eus comme par ceus de qui il avoient cause, feussent et eussent esté en bonne et souffisant saisine et eussent droit d'avoir, prendre et recevoir, chascun an aus quatre termes generaument a Paris acoustumez, trente soulz par. de crois de cens ou de rente en et sus une meson et sus ses appartenances, qui fu feu Millet de Clervaus, tavernier, seant a Paris, en la rue que l'en dit Hue Leu, en la censive des diz religieus, tenant, d'une part, a la meson Jehannot le Pescheur et, d'autre part, a la meson Jehan de Villeron, et de gaigier et prendre gaiges en ycelle pour leur dit crois de cens ou de rente toutes fois que aucuns arrierages leur en estoient et avoient esté deuz, ycelle meson et appartenances estoient devenues wides, vagues, ruineuses et inhabitables et en tel point que les diz religieus ne autre pour eus n'i povoient ne n'avoient peu trouver par lonc temps que prendre ne que gaigier pour leur dit crois de cens ou de rente, par quoi grans et plusieurs arrierages leur en estoient deuz, si comme le dit procureur disoit, feussent alez, premiere fois, le vendredi devant la feste Sainte Crois en septembre, seconde fois, le lundi aprés la feste de Touz Sains, tierce fois, le merquedi aprés la Thyphaine, tout en l'an de grace mil trois cens trente et sept, et quarte fois d'abondant, le mardi aprés la feste saint Barnabé apostre darrenerement passé, a la dite meson dessus desclarcie. (Chartes Abb. St-Magl. T.F., t.3, 1330-1436, 77) | | [9] | Et pour ce, le dit procureur, ou non dessus dit, nous eust depuis requis que par vertu des choses dessus dites nous aus diz religieus adjugissions tout le droit, quel que il feust, que les diz appellez, admonnestez et adjournez deffaillans et contumaux, comme dit est, avoient, povoient, devoient ou entendoient demander, avoir ou reclamer sus et en la dite meson ruineuse dessus devisiee et esclarcie et sus ses appartenances, feust en rente, censive,en saisine, en arrierages, en obligacion ou autrement, conment et pour quele cause ou raison que ce feust, disant que, veues les lettres dessus transcriptes et toutes les autres choses dont mencion est faite par dessus et ycelles considerees, nous devions faire sa requeste, et nous eust requis que seur ce, ou non dessus dit, droit lui feust fait. (Chartes Abb. St-Magl. T.F., t.3, 1330-1436, 78) | | [10] | recongnurent et confesserent en droit eulz ensamble et chascun par soi et pour le tout avoir pris heriditablement et perpetuelment a tous jours, en nom de pur adcensement, de religieuses personnes et honnestes l'abbé et le couvent de Saint Magloire, une maison ou masure, si comme tout se comporte et estent de toutes pars, en lont, en lé, en haut, en bas, devant et derrieres et en parfont, que yceulz religieus avoient, tenoient et possidoient paisiblement, seant a Paris, en Hueleu, tenant, d'une part, a Jehan le Pescheur et, d'autre part, a Jehan de Villeron, notaire de laccourt sic l'Official de Paris, aboutissant parderrieres aus hoirs feu Pierres Girout, en la censive et seigneurie des dis religieus, c'est assavoir tout pour le pris et la somme de cinquante soulz par., tant pour fons de terre comme pour crois de cenz ou rente annuel et perpetuel, que les dis mariés, ensamble et chascun par soi et pour le tout, pour eulz, pour leurs hoirs et pour ceulz qui de eulz ou de leurs hoirs ont ou auront cause, en sont et seront tenus et promistrent loyaument et en bonne foi rendre et paier aus dis religieus, pour eulz, pour leurs successeurs a cause de ladite eglise et pour ceulz qui de eulz auront cause, par les quatre termes generaument en l'an a Paris accoustumés, a chascun terme douze soulz six deniers, et conmencera le premier paiement a la Saint Remy prochainement venant. (Chartes Abb. St-Magl. T.F., t.3, 1330-1436, 83) |
|
|
Attestation de 