| [1] | L'autre musique est appellée naturele pour ce qu'elle ne puet estre aprinse a nul, se son propre couraige naturelment ne s'i applique, et est une musique de bouche en proferant paroules metrifiées, aucunefoiz en laiz, autrefoiz en balades, autrefoiz en rondeaulx cengles et doubles, et en chançons baladées, qui sont ainsi appellées pour ce que le refrain d'une balade sert tousjours par maniere de rubriche a la fin de chascune couple d'icelle, et la chançon baladée de trois vers doubles a tousjours, par difference des balades, son refrain et rebriche au commencement, que aucuns appellent du temps present virelays. (DESCH., Art dictier R., 1392, 270) | | [2] | Li roys fery Aigre siques sa lance voula en pieces, et Aigres lui en telle maniere que le aubert lui desrompy et lui bouta le fer jusques le costé, mais en char ne l'adesa point, et nonpourquant il l'empaint de si grant vertu, que cengles et estriers derompirent, et froissierent li dui archon si qu'il convint par force que Danemons guerpisist le cheval et vint a terre la teste desoubz, si que li quins du heaume fery ou sablon; (Bérinus, I, c.1350-1370, 288) |
|
|
Attestation de 