| [1] | Si estoit la voix du peuple comme les mouetes qui par leur cry denoncent les floz de la mer, car noz parolles, que tu appelles murmure, signifioient des lors le meschief qui pour ces causes estoit a advenir. (CHART., Q. inv., 1422, 38) | | [2] | Diverses histoires se pourroient produire a ce propos d'autres punicions et aspres justices faictes par faulte de garder l'obbeissance et l'ordre du treshonnourable mestier d'armes, et, oultre de ceulx qui pour ces causes ont esté capitalment punis, trouveroit on pluseurs es rommaines escriptures qui pour menues et petites negligences ont esté batuz de verges a l'estache et rabaessiez du raeng de chevalerie jusques a l'estat de servans de pié. (CHART., Q. inv., 1422, 55) | | [3] | Toutes trois dïent Que les fuitifz, que tant maudïent Et de qui a bon droit mesdïent, Sont causes qu'en douleurs mendïent Tousjours nouvelles. (CHART., L. Dames, 1416, 299) | | [4] | Elle d'autre part, voullant encercher lez causes de l'essoine d'entendement humain et de l'enfermeté du corps malade, print telles interrogations: Foy. (CHART., L. Esp., c.1429-1430, 30) | | [5] | et se tu veulx par eulx raysonner contre celui qui fist rayson, et causer a la cause de toutes causes, cerche en ton foible papier, et examine le compte de leur office ou est le deffault, et ne quier point la faulte en la parfaicte bonté qui raemple lez autrez deffaulx, ne ne demande compte ou maistre devant qui fault compter, maiz suppose sans doubter que sa science est infallible, sa providence inevitable, et sa voulenté droicturiere. (CHART., L. Esp., c.1429-1430, 35) | | [6] | Et tu, creature, qui veulz si avant enchercher, monte ou firmament et descens en abysme, rappelle le preterit et avance le futur, desveloppe la mixtion dez destineez, embrasse l'ordre dez causes, le nombre des effectz, la mesure dez temps, et la dependencede leurs finz, et puis dispute contre le Createur qui leur ordonnance a enregistree ou livre de ses secretz. (CHART., L. Esp., c.1429-1430, 35) | | [7] | Car les causes efficiens de chacune chose reluisent en leur effect, et la demonstration humaine se commence en imperfection par les accidens et par les effectz imparfaitz. (CHART., L. Esp., c.1429-1430, 78) | | [8] | Les aucuns je vi diligens D'entendre aux besongnes des gens, Les autres non, et, par leur faille, Y vi perdres causes sanz faille ; (CHR. PIZ., M.F., II, 1400-1403, 61) | | [9] | Si vous en diray mon rapport, Ainsi qu'ay de l'escript recort : Philosophie vrayement Apperceu droit enseignement De toutes choses natureles Et aussi des espiritueles, Des divines et des humaines,En tant com les causes certaines Sont possibles a homs d'entendre, Qui a estudier veult tendre ; (CHR. PIZ., M.F., II, 1400-1403, 104) | | [10] | Dont il avient que s'estudient Les aucuns a ce qu'elles dient Comprendre et enquerir le voir De .III. choses, qu'el fait savoir, Lesquelles sont, je vous affie, Requises en Philosophie : L'une est de la divinité Entendre la solempnité Et haulte magesté et puis, Ainsi com comprendre le puis, L'autre est des choses de Nature, Puis des humaines, et leur cure Mistrent plusieurs a le comprendre Et, pour ce, ceulx, qui bien entendre Sçorent les causes dessus dictes, Et soubtilment les ont escriptes, Philosophes on a nommez, Dont les nobles dis sont semez. (CHR. PIZ., M.F., II, 1400-1403, 105) |
|
|
Attestation de 