| [1] | Et adont il me prist a dire Que ce fu jadis li demours De Cupido, le dieu d'amours, Et que Jupiter et Venus Y sont par maintes fois venus Pour eaus deduire et solacier, Pour acoler, pour embracier, Et pour le deduit ou nature Mist plus son entente et sa cure, Pour avoir plaisence et solas, Comment qu'on en soit de po las -- Car aucune fois il anuie Plus qu'après biau temps longue pluie -- Et que Jupiter l'ordonna Qui de ce serpent l'or donna,Et Venus le marbre et l'ivoire Fist entaillier, c'est chose voire, Par Pymalion qui bien ouevre, Qui escheva toute ceste ouevre -- Cupido fist le remenant Qui est bel et bien avenant -- Et que les nimphes et les fees Y faisoient leurs assamblees Et qu'encor souvent y venoient Et leur parlement y tenoient, Leurs gieus, leurs festes, leurs caroles Et leurs amoureuses escoles, Et aussi qu'elle est destinee Si qu'il n'est creature nee, S'elle en boit, qu'il ne li couveingne Estre amoureus, comment qu'il pregne. (MACH., F. am., c.1361, 192) |
|
|
Attestation de 