| [1] | Si est faicte la guerre par gens sans terre et sans maison ou que la greigneur part, que necessité a contrains de vivre sur autrui, et nostre besoing nous a convaincus a le souffrir et encores ne nous a la penitance de ce pechié chastiez, et quant les vaillans entrepreneurs, donc, mercy Dieu, a encor en ce royaume de bien esprouvez, mectent paine de tirer sur champs les nobles pour aucun bien faire, ilzdelaient si longuement a partir bien enviz et s'avancent bien tost de retourner voulentiers que a paine se peut riens bien commencer, mais a plus grant paine entretenir ne parfaire. (CHART., Q. inv., 1422, 57) | | [2] | Encores y a piz que ceste negligence, car avecques la petite voulenté de pluseurs se treuve souvent une si grant arrogance que ceulx qui ne sauroient rien conduire par eulx ne vouldroient armes porter soubz autrui et tiennent a deshonneur estre subgiez a cellui soubz qui leur peut venir la renommee d'onneur que par eulx ilz ne vouldroient acquerir. (CHART., Q. inv., 1422, 58) | | [3] | Toutesvoies, afin que en vain n'ait esté gastee vostre saison, je ordonne voz raisons estre escriptes a ce que chascun y congnoisce sa faulte par autrui et que ceulx qui les liront effacent l'erreur de leurs cuers, dont ilz se trouveront par leurs prouchains reprouchiez en la lectre, et que cy en droit n'aiez pas disputacion haineuse, mais fructueuse. (CHART., Q. inv., 1422, 65) | | [4] | Car je afferme loiaument que l'esmouvement de cest oeuvre est plus par compassion de la necessité publique que par presumption d'entendement et pour profiter par bonne exhortacion que pour autrui reprendre. (CHART., Q. inv., 1422, 66) | | [5] | Cil a qui l'onneur appartient Ne s'en doit a autruy actendre, Car tant moins du sien en retient Qui trop veult a l'autrui entendre. (CHART., B. Dame, 1424, 347) | | [6] | On leur laisse leur cours courir Et commencier pis de rechief, Et tristes dames encourir D'autrui coulpe, peine et meschief. (CHART., B. Dame, 1424, 352) | | [7] | Mais la vanité de l'onneur mondain et le delit que l'erreur humain prent d'avoir povoir sur autrui aleche les folles pensees a tousjours vouloir rentrer en cest experimenté peril, comme l'oisel qui se fiert en la rethz ou il a veu les aultres surprendre et couvrir. (CHART., L. Esp., c.1429-1430, 8) | | [8] | Si vous en vueil des maintiens dire, Mais ne le fais pas pour mesdire De nullui, car qui autrui blasme Sur soy meismes acquiert le blasme, Mais les vices blasmer puis bien, Qu'en aucuns je vi, et pou bien, Dont me pesa, encor desplait, Car aux estranges tenir plait En oy, qu'aloient disant Que le regne, qui reluisantSouloit jadis estre en valour, S'estoit tout tourné en folour De nices meurs es nobles hommes, A qui appartiennent les sommes De vertus et de meurs certains, Mais qu'adés estoient attains De condicions forment lourdes ; (CHR. PIZ., M.F., II, 1400-1403, 31) | | [9] | Toutefoiz en vi je pou riches Devenir, sanz faire grans triches, Car, a peine homs peut acquester Grant avoir, sanz l'autrui oster ; (CHR. PIZ., M.F., II, 1400-1403, 73) | | [10] | De ces laboureurs vi je maint Laches, ribaux, faillis et faint En autrui labourage et faire Maint faulx ouvrage, pour parfaire Leur tache plus tost qu'ilz ne deussent, Ne leur chaloit, mais qu'argent eussent, Fust ou en vigne ou en gaignages Ou fust en autres courtillages Aler tart a journee et tost S'en partir, et li autres tolt Le foing du pré a son voisin, Ou son fromment, ou son roisin, Ou lui fait quelque autre dommage. (CHR. PIZ., M.F., II, 1400-1403, 78) |
|
|
Attestation de 