| [1] | Cedit jour, la Court, present et non contredisant le procureur du Roy, a obtemperé à certeinnes lettres royaulx, de la date du Xe de ce moiz, impetrées à la requeste de messire Hector des Marès, chevalier, et autres enfans de feu messire J. des Marès, docteur en loiz, et, en son temps, advocat du Roy ceans, et lequel avoit esté executé avec pluseurs autres es Hales de Paris, l'an IIIIxx et II, par lesquelles le Roy octroye audiz requerans qu'il meissent les os dudit des Marès en l'eglise Saincte Katerine du Val des Escoliers en la chappelle qu'avoit fondée et sanz solennité, et à executer ceste lettre a esté ordonné Robert Chaurre, huissier de ceans. (BAYE, I, 1400-1410, 188) | | [2] | Oultre ce que dit est, ont esté rompus et destruiz les molins de l'evesque de Paris qui sont dessus le Grant Pont et pluseurs autres, et aussi churent en la riviere grans parties des changes dessus ledit Grant Pont, qui vraisemblablement et selon l'opinion de ceulx qui s'i cognoissent, eust esté abbatu par les glaces, se ne fust les heurs qui rompoient les molins dessusdiz qui sont près et au-dessus, et aussi que les glaçons sont descenduz par ledit pont plus tart plus de XIJ heures que par lesdiz petis pons, pour ce que les glaces qui descendoient de haut ne povoit avoir leur cours devers Saint Pol et devers Greve, pour ce que celle partie estoit ancor gelée, si resistoit audiz glaçons que ne passassent de cel cousté, si faloit que alassent par la partie qui est devers lesdiz petis pons qui estoit plus desgelée et plus expediée d'empeschemens. (BAYE, I, 1400-1410, 217) | | [3] | » Item, une autre clause que uns roys Loys, jadiz nosire roys de France, contenue en une autre lettre de don et de grace que il fit audiz religieux, contenant ceste fourme : « Hec autem omnia que predicta sunt, vel que brevitatis causa non sunt denominata, vel que deinceps a bonis viris eidem ecclesie fuerunt collata, confirmamus auctoritate nostra, quatinus semper sub plenissima deffentione et emmuitatis tuitione corroborata permaneant, ita ut ab hinc nullus in hiis viariam, sanguinem, furtum, bannum, justitiam, aliquam consuetudinem et redibitionem habeat vel exquirat, nec audeat aliquis homines tam ingenuos quam servos super terram ecclesie habitantes capere, aut fidejussores tollere, sed omnia in potestate et dominatione abbatis conscistere et quieto ecclesie possidere. (Chartes Abb. St-Magl. T.F., t.3, 1330-1436, 56) | | [4] | la quelle sonme d'argent et blé le dit Jehan promist en bonne foy et gaiga en nostre main rendre et paier audiz religieus ou au dit porteur de ces lettres pour eulz, aus termes et par la maniere qui s'enssuit, c'est assavoir vint livres, et unze sextiers dudit blé a Paris, a ses cous, au jour de la Toussains prouchain venant, et vint livres dix sept soulz par. et unze sextiers et une mine du dit blé a Paris, le jour de la Purificacion Nostre Dame Dame (aprés prouchaine) aprés enssuivant et prouchaine venant ; (Chartes Abb. St-Magl. T.F., t.3, 1330-1436, 325) | | [5] | et en cas d'opposicion ou reffuz, le debat et les choses contencieuses prises et mises en nostre main comme souverainne, la nouvelleté, trouble et empeschement ostez et restablissement fait reaument et de fait, premierement et avant tout euvre, de ce que pris et levé aura esté, attendu que des cas de nouvelleté par prevencion la congnoissance appartient a noz juges et officiers, que ceste matiere est de grans choses situees et assises et touche puissans parties et diverses, qui sont demourans en pluseurs jurisdicions et dont les aucuns ont leur conseil a pension ou parlement par nous ordonné a Poictiers, et que par devant noz amez et feaulx conseillers les gens tenans les requestes de nostre palais a Poictiers ceste cause pourra mieulx et plus seurement estre discutee et determinee que ailleurs, adjourne les opposans ou faisans ledit debat a certain et competant jour ou jours par devant nosdiz conseillers [en eulx certiffiant audiz jour ou jours de tout ce que fait auras en ceste partie. (8205, fol. 95) |
|
|
Attestation de 