| [1] | En et sur les quelles deux maisons dessus dictes et sur le dit jardin, si comme tout se comporte et estent a toutes ses appartenances et appendances, yceuls Roullant de Bregy et Guillaume, sa fame, de leur bon gré, de leur bonne volenté et certaine science, recognurent et confesserenten droit, pardevant nous, eulx avoir vendu, quictié, cessé, ottroyé, mis, transporté et du tout en tout delaissié desmaintenant a touz jours mais, perpetuelment et heritablement, a Jehan Voisin, changeur, bourgois de Paris, et a Guillaume, sa fame, acheteurs pour euls, pour leurs hoirs et pour ceus qui d'eulx auront cause, quatre livres par. de cres de cens ou de rente par an, a avoir, prendre, gaigier, lever, recevoir et percevoir ycelles quatre livres par. de cres de cens ou de rente par an par les diz acheteurs, par leurs hoirs et par ceus qui d'eulx auront cause, desorendroit a touz jours mais, par chascun an egalment, aus quatre termes generalment en la ville de Paris acoustumez, tantost et sanz moian aucun aprés ladicte charge et sanz autre droit ou rente pareille, en et sur les dictes deux maisons et sur le dit jardin et sur toutes leurs appartenances et appendances et sur chascune d'icelles mesons et jardin a part soy et au miex apparant, et de tant chargerent et vouldrent estre et demourer chargees icelles maisons et jardin a touz jours mais envers les diz acheteurs, leurs hoirs et les aianz cause d'eulx, c'est assavoir ceste vente faite pour le pris de trente livres paris. que les diz vendeurs en avoient eu et receu en bonne peccune de monnoie bien comptee et nombree des diz acheteurs, sicomme il le confesserent, et s'en tindrent a bien paiez pardevant nous ; (Chartes Abb. St-Magl. T.F., t.3, 1330-1436, 125) | | [2] | recongnurent et confesserent, de leurs bons grez et bonnes volentez, senz fraude, avoir vendu, quittié, cessé, delaissié et du tout en tout transporté, a touz jours maiz perpetuelment et heritablement, a Jehan Giffart, drappier et bourgoiz de Paris, et a Perrennelle, sa fame, a leurs hoirs et aianz cause, quarante soulz par. de croiz de cenz ou de rente annuel et perpetuel, que les diz vendeurs se disoient avoir et prendre pour chascun an, de leur conquest, en et sur une maison que l'en dit le Prescheeur, assise a Paris, en la rue aus Oues, qui fu ou est Jehan Cardonnal, orfevre, tenant, d'une part, a la maison qui fu maistre Gautier de Boymont, et, d'autre part, aus hoirs feu Mahy d'Amienz, aboutissant par derrieres a la maison de Jehan de Saint Jehan, en la censive dez religieux de Saint Magloire de Paris, prins tantost aprez quarante et un solz et troiz maailles de cenz ou de rente annuel et perpetuel, c'est assavoir ceste vente faite pour le pris et la somme de vint et quatre livr. par. qu'il en confesserent pardevant les diz notaires jurez comme pardevant nous avoir euz et receuz en bonne monnoie bien nombree et bien comptee, et dont il se tindrent pour bien contenz et agreez ; (Chartes Abb. St-Magl. T.F., t.3, 1330-1436, 171) | | [3] | et en quitterent et quittes clamerent bonnement a touz jours les diz achateurs, leurs hoirs et aianz cause ; (Chartes Abb. St-Magl. T.F., t.3, 1330-1436, 171) | | [4] | et avecques ce, les diz Jehan Au Clou et Jehanne, sa fame, auctorisee comme dit est, firent, ordennerent et establirent pardevant les diz notaires jurez comme pardevant nous leurs procureur general et certain messagié especial Jehan de la Court, au quel seul et pour le tout portant ces lettres il donnerent et octroyerent plain povoir, auctorité et mandement especial de soy dessaisir pour eux et en leurs noms dez dessus diz quarante soulx de rente ou croiz de cenz annuel et perpetuel es mainz dez diz censiers, pour en saisir les dis achateurs pour eux, pour leurs hoirs et aianz cause, a avoir, cueillir, lever, guaigier et percevoir, chascun an aus termes acoustumez, en et sur la ditte maison. (Chartes Abb. St-Magl. T.F., t.3, 1330-1436, 171) | | [5] | Savoir faisons que pardevant Jehan de Pronneroy et Phelippe du Vivier, clers notaires jurez du roy nostre sire de son Chastellet de Paris, personnelment establiz Jaques Talon, ferron, demourant a Paris, et Jehanne, sa femme, a laquelle il donna et ottroya et elle prinst et reçupt en elle et sur elle agreablement auctorité et licence quant a passer et acorder avecques lui ce qui s'ensuit, recognurent et confesserent pardevant les diz notaires jurez, de leur bon gré et de leur certaine science, eulx avoir prins et retenu a droit cres de cens ou rente par an de religieuses personnes et honnestes monseigneur l'abbé et couvent de l'eglise de Saint Magloire de Paris, pour eulx et pour ceulx qui d'eulx auront cause, desorendroit a touz jours perpetuelment, une maison toute, sicomme elle se comporte et estent, que les diz religieux, abbé et couvent de l'abbaye de Saint Magloire dessus dit avoient, seant a Paris, en la rue aus Oues, tenant, d'une part, a la maison Roullant le Tondeur et, d'autre part, a Jehan de la Chappelle, aboutissant parderreres a la maison Symon Quatier, en la censive, justice et seignorie des diz religieux, c'est assavoir ceste prinse et acensement fait pour six deniers par. pour fons de terre et pour soixante quatre soulz par. de cres de cens ou rente par an, que yceulz mariez preneurs en sont et seront tenuz et promistrent rendre et paier par eulx, par leurs hoirs et par ceulx qui d'eulx auront cause, en et sur ladicte maison par eulz retenue et acensee, desorendroit a touz jours par chascun an, en ceste maniere, c'est assavoir les diz six deniers par. de fons de terre au dit monseigneur l'abbé, a ses successeurs abbez oudit lieu et aianz d'eulx cause, au terme de la Saint Remi, a commencier a la Saint Remi prochaine venant, et les diz soixante quatre soulz par. aus diz religieux, a leurs successeurs et aianz cause d'eulx, egalment aus quatre termes generalment a Paris acoustumez, pour convertir yceus soixante quatre soulz par. de cres de cens ou rente a l'usage de la pitancerie de la dicte eglise Saint Magloire, a commencier a la Saint Jehan Baptiste prochaine a venir, et pour quatorze livres par., forte monnoie courant a present, d'amendement que yceulx mariez preneurs gaigerent es mains des diz notaires et promistrent loyaument, en bonne foy, chascun pour le tout, mettre et faire mettre, convertir et emploier bien et loyaument en l'amendement et melioracion de ladicte maison, dedenz deux ans prochains a venir, planchiers, couvertures, reparacions et toutes autreschoses neccessaires qu'il mettront en la dicte maison comptees pour et en nom d'amendement, non obstant les us et coustumes, reservé, sauf et retenu aus diz religieux leur justice qu'il ont sur ladicte maison. (Chartes Abb. St-Magl. T.F., t.3, 1330-1436, 282) | | [6] | Savoir faisons que pardevant Jehan de Pronneroy et Phelippe du Vivier, clers notaires jurez du roy nostre sire de son Chastellet de Paris, personnelment establiz Jaques Talon, ferron, demourant a Paris, et Jehanne, sa femme, a laquelle il donna et ottroya et elle prinst et reçupt en elle et sur elle agreablement auctorité et licence quant a passer et acorder avecques lui ce qui s'ensuit, recognurent et confesserent pardevant les diz notaires jurez, de leur bon gré et de leur certaine science, eulx avoir prins et retenu a droit cres de cens ou rente par an de religieuses personnes et honnestes monseigneur l'abbé et couvent de l'eglise de Saint Magloire de Paris, pour eulx et pour ceulx qui d'eulx auront cause, desorendroit a touz jours perpetuelment, une maison toute, sicomme elle se comporte et estent, que les diz religieux, abbé et couvent de l'abbaye de Saint Magloire dessus dit avoient, seant a Paris, en la rue aus Oues, tenant, d'une part, a la maison Roullant le Tondeur et, d'autre part, a Jehan de la Chappelle, aboutissant parderreres a la maison Symon Quatier, en la censive, justice et seignorie des diz religieux, c'est assavoir ceste prinse et acensement fait pour six deniers par. pour fons de terre et pour soixante quatre soulz par. de cres de cens ou rente par an, que yceulz mariez preneurs en sont et seront tenuz et promistrent rendre et paier par eulx, par leurs hoirs et par ceulx qui d'eulx auront cause, en et sur ladicte maison par eulz retenue et acensee, desorendroit a touz jours par chascun an, en ceste maniere, c'est assavoir les diz six deniers par. de fons de terre au dit monseigneur l'abbé, a ses successeurs abbez oudit lieu et aianz d'eulx cause, au terme de la Saint Remi, a commencier a la Saint Remi prochaine venant, et les diz soixante quatre soulz par. aus diz religieux, a leurs successeurs et aianz cause d'eulx, egalment aus quatre termes generalment a Paris acoustumez, pour convertir yceus soixante quatre soulz par. de cres de cens ou rente a l'usage de la pitancerie de la dicte eglise Saint Magloire, a commencier a la Saint Jehan Baptiste prochaine a venir, et pour quatorze livres par., forte monnoie courant a present, d'amendement que yceulx mariez preneurs gaigerent es mains des diz notaires et promistrent loyaument, en bonne foy, chascun pour le tout, mettre et faire mettre, convertir et emploier bien et loyaument en l'amendement et melioracion de ladicte maison, dedenz deux ans prochains a venir, planchiers, couvertures, reparacions et toutes autreschoses neccessaires qu'il mettront en la dicte maison comptees pour et en nom d'amendement, non obstant les us et coustumes, reservé, sauf et retenu aus diz religieux leur justice qu'il ont sur ladicte maison. (Chartes Abb. St-Magl. T.F., t.3, 1330-1436, 282) | | [7] | Et ne pourront yceulx preneurs chargier ycelle maison de greigneur charge que dessus est dit, ne leurs hoirs ou aianz cause d'eulx aussi, ne oster d'icelle chevrons, tuille, pierre, ne la empirer en nulle maniere, mais la tendront et soustendront touz jours en tele maniere et si garnie que les diz religieux y aient et puissent avoir et prendre touz jours leur rente et fons de terre par an. (Chartes Abb. St-Magl. T.F., t.3, 1330-1436, 283) | | [8] | et recongnurent et confesserent les dictes parties, de leurs bons grez, bonnes volentez, sanz aucune force ou contrainte, et pour le cler et evident proufit d'une chascune partie, sicomme il disoient, avoir fait, traictié et accordé entre eulx le bail, prinse et adcensement qui cy aprés s'ensuit, c'est assavoir la dicte Jehanne avoir baillié et delaissié a droit croiz de cenz ou rente, desmaintenant a touz jours, et promis a garantir, delivrer et deffendre envers et contre touz, toutes et quantes foiz que mestier en sera, de touz troubles, debtes, obligacions, arrerages, engaigemens et autres empeschemens quiexconques, a la charge cy dessoulz devisee, aus diz Jehan et Sedille, sa femme, et yceux Jehan et sa femme avoir prins et retenu a droit croiz de cens ou de rente de la dicte Jehanne, desmaintenant a touz jours, pour eulx, pour leurs hoirs et pour ceulx qui d'eulx auront cause, une maison ou masure, sicomme tout se comporte, en haut, en bas, en lonc, en lé et en parfont, avecques ses entrees, yssues, aigouz, veues, aisances et appartenances quiexconques, que la dicte Jehanne se disoit avoir et a elle estre venue et adjugiee par decret, par vertu des previlleges ottroiez aus bourgois de Paris, assise en la rue du Bourc l'Abbé, tenant, d'une part, a la maison qui fu Gillet le Paticier et, d'autre part, a la maison qui fu Symon Lombart, aboutissant par derrieres, d'un costé, a Denisot Poincet, et, d'autre, a Jehan Fichepié, en la censive Saint Magloire de Paris, chargiee avant ce bail en six soulz et quatre den. par. tant pour fons de terre comme pour croiz de cens ou rente deuz et paiez chascun an, c'est assavoir a l'abbé dudit Saint Magloire les quatre deniers pour le fons de terre au jour Saint Remy, et les six soulz au couvent dudit lieu au terme de Pasques, cest adcensement fait sur le tout et pour toutes charges pour et parmy dix huit soulz et quatre den. par. que les diz preneurs en gaigerent et promistrent, chascun pour le tout, par eulx et leurs hoirs, rendre et paier en et sur le dit lieu adcensé, c'est assavoir aus diz abbé et couvent les six soulz et quatre deniers de premiere charge aus termesdessus diz, et a la dicte Jehanne douze soulz par., a ses hoirs et aianz cause, chascun an egalment pour les quatre termes a Paris acoustumez, a comencier pour le premier terme et premier paiement a Noël prouchain venant, et pour et parmy douze livrez par. que les diz preneurs, chascun pour le tout, promistrent mettre, convertir et emploier en amendement en la dicte maison et appartenances dedanz quatre ans prouchains venans, toutes reparacions comptees pour amendement. (Chartes Abb. St-Magl. T.F., t.3, 1330-1436, 353) | | [9] | et en quitterent a touz jours les diz acheteurs, leurs hoirs et aianz cause d'eulz ; (Chartes Abb. St-Magl. T.F., t.3, 1330-1436, 382) | | [10] | laquelle maison et lieu ou place ledit Pierre charga, obliga, ypoteca et asservit, et voult estre et demourer chargez, obligez, asservies et ypotequez desdis vint sols p. de rente, a tousjours, envers iceux religieux, leurs successeurs ou aianz cause. (Chartes Abb. St-Magl. T.F., t.3, 1330-1436, 676) |
|
|
Attestation de 