| [1] | Et pour ce dit bien à entre vous princes Virgille en l'auctorité ensuivant : Ne vous acoustumez point à tourner voz forces par guerre contre les entrailles de vostre meismes pays, c'est à dire, ne vous efforciez point par puissance de destruire voz subgiéz, car contre vous meismes guerroyeriez. (CHR. PIZ., Paix W., 1412-1413, 119) | | [2] | Et ja soit ce que ceste musique naturele se face de volunté amoureuse a la louenge des dames, et en autres manieres,selon les materes et le sentement de ceuls qui en ceste musique s'appliquent, et que les faiseurs d'icelle ne saichent pas communement la musique artificiele ne donner chant par art de notes a ce qu'ilz font, toutesvoies est appellée musique ceste science naturele, pour ce que les diz et chançons par eulx faiz ou les livres metrifiez se lisent de bouche, et proferent par voix non pas chantable, tant que les douces paroles ainsis faictes et recordées par voix plaisent aux escoutans qui les oyent, si que au Puy d'amours anciennement et encores est acoustumez en pluseurs villes et citez des pais et royaumes du monde. (DESCH., Art dictier R., 1392, 270) | | [3] | Et quant les ungs et les autres en leurs pavillons furent et eurent faiz les seremens acoustumez, l'empereur les fist saillir d'une part et d'autre, leurs coctes d'armes vestues, que tresbelle chose estoit, et Saintré ou mylieu des siens. (LA SALE, J.S., 1456, 266) | | [4] | Au regard de la compaygnye que le roy avoit avec lu, c'estoit la plus gorgiase chose et la plus triumphante qu'on vit jamais, car il avoit avec luy grans seigneurs, chambellans, maistres d'ostel, pensionnaires et gentilz hommes, ses quatre cens archiers de sa garde, deux cens arbalestriers tous a pied, armés de leurs habillemens acoustumez. (LA VIGNE, V.N., p.1495, 266) | | [5] | Au fort, se à lui tient et qu'il ne s'i emploie à moy, ne tendra que je ne m'y assaye par rudement lui en rompre la broche par ceste epistre, par quele protestant devant Dieu et hommes se plus ledit Robertet me quiert par termes acoustumez et vuidant familier stile comme amy à autre, et ses lettres et ses loenges et ses exquises singulieres contrevues, tout je tendray à despert, tout irritant et suffocant transquile corage, tout vil et obscur insultant mon front, et de paour que je ne m'en esmeuve, non veu je le contourneray en brese. (5425, 183) | | [6] | -- Ma commere, fait l'autre, ne lui acoustumez pas ainxin a vous lesser mectre soubz les piez, car il vous en feroit autant ou pis l'annee a venir a voz aultres acouchemens. (Quinze joies mar. R., c.1390-1410, 19) | | [7] | On ne puet dire que nostre foy soit mise avant et essaucee tant generalment sans tres grans miracles de Dieu, car se tu nyes que miracles ayent esté fais par dehors, telz comme hystoires certaines l'afferment, en ce toutesfois est singulier miracle, que sans miracle tant et tel peuple et par telle maniere se soit submis a ceste creance : riches par povres, grans clers par gens sans lettres, tirans par ceulz lesquelz ilz mettoyent a mort, et pour laissier joyes et plaisances, honneurs et delices acoustumez, et venir a labeur, a tourmens et a mort, et tout cecy aucunes fois soudainement et comme en ung moment, selon que le monstra mesmement la conversion d'iceluy saint Pol, duquel nous parlons, qui de persecuteur et de loup ravissable fut sans arrest mué en defenseur et brebis aimable. (GERS., P. Paul, a.1394, 496) | | [8] | Nous vous mandons à chacun de vous, si comme à lui appartiendra, que le dit chevalier vous faciez, souffrez et laissiez joir paisiblement de la terre de Beusemouchel avec ses appartenances, ou bailliage de Caux, que nagueres tenoit Jehanne de Bellengues, ainsi et par la forme et maniere qui est contenue et declarée es dites lettres, reserve à avoir d'icellui chevalier l'ommage, aveu et denombrement d'icelle terre au Roy nostre sire et que il apporte avecques les rentes, services et devoirs deus et acoustumez; (6205, 484) | | [9] | Et furent leues les ordonnances et fais les sermens acoustumez. (BAYE, I, 1400-1410, 245) | | [10] | Tint le Parlement messire Arnault de Corbye, chevalier,chancellier de France, presens les evesques d'Amiens et de Tournay, messire H. de Marle, maistres R. Mauger et J. du Drac, presidens en Parlement, maistre Eustace de l'Aitre, president en la Chambre des Comptes, maistres J. de Marle et H. de Savoisy, maistres des Requestes de l'ostel du Roy, maistres N. d'Orgemont, Phelippe de Boisgillon, maistres en la Chambre des Comptes, maistres Gaillart Petit Sayne, J. de Saint Verain et autres pluseurs jusques au nombre de XXXIIJ des Chambres de Parlement, et furent leues les ordonnances touchant chascun estat de ceulx de Parlement en son endroit et par la forme acoustumée enregistrée en pluseurs années cy devent, et furent faiz les sermens acoustumez. (BAYE, II, 1411-1417, 30) |
|
|
Attestation de 