| [1] | Si parla, quant il fu saison, Et dist par biaux moz et rassis,Telz com je les ay cy assis : O vous quatre, les Influences Contraintes aux obeissances Des haulz regars celestiaux, Des cieux mouvans officiaux, Qui de fortune acompaigniees Et du cours du ciel enseigniees, L'univers monde gouvernez Et les cuers des humains menez Par tant de vains desirs vagans, Qu'ilz font d'eulx meismes telz lagans Que vie et leur ame desprisent Pour voz faulx biens qu'ilz plus qu'eulx prisent : Vueilliez consentir orendroit Qu'estre curee selon droit Puist la plaie contagieuse, Qui cueurt si pestilencieuse Que les hommes tous envenime, Si qu'entr'eulx n'a raison ne rime, Par le desir qu'ilz ont d'acquerre Ce qui fait mouvoir entr'eulx guerre, Dont il s'ensuit maulx infinis. (CHR. PIZ., Chem. estude P., 1402-1403, 122) | | [2] | Et aprez, quant icelles mariees voient que en toutes compaignies elles ne sont mie si honnorees comme celles qui sont acompaigniees de leurs mariz, qui ja comme folz sont fort par le cuer enlaissiez que l'en ne les peut descharner (et l'en ne peut mie si legierement reprendre son oisel quant il eschappe de la cage comme de garder qu'il ne s'en vole) aussi ne peuent elles retraire les cuers de leurs mariz quant iceulx mariz ont essayé et trouvé meilleur obeissance ailleurs, et icelles en donnent a leurs mariz la coulpe qui est a elles mesmes. (Ménagier Paris B.F., c.1392-1394, 83) |
|
|
Attestation de 