| [1] | Renunsans les diz vendeurs, la dicte fame auttorisee comme dit est, par leurs fois pour ce baillié es mains des diz notaires jurez quant a cest fait espressement, a toute exepcion de decepcion, de mal, de fraude et de lesion, a acion en fait, a convencion de lieu et de juge, a condicion sans cause ou de non juste et indue cause, a la copie de ces lettres pour dire encontre, a touttes lettres de grace donnees et a donner, a l'exepcion d'oultre la moitié de juste priz, a la dicte somme de six vins et dix lb. par. non avoir eues et receues, a l'aselucion sic et dispensacion de leurs prelas et de tous autres, au benefice de interigne restitucion, a toutes coustumes, constitucions, loiz, us, establissemens et ordonnances de villes et de païs ad ce contraires, et a tout ce qui, de fait et de droit, aidier et valoir leur pouroit advenir contre ces lettres, et generalment a touttes autres choses qui pouroient estre dictes ou oppossees contre ces lettres ne l'execucion d'icelles, et mesmement ladicte Marie, auttorisee comme dit est, au droit disant general renunciacion non valoir, a tout douaire que es dictes quatorse lb. de rente elle pourroit demander, au benefice de Senat Consult Velleyan, a l'Epistre du Divi Adrian et a tous autres benefices ottroiés et introduis en la faveur des fames. (Chartes Abb. St-Magl. T.F., t.3, 1330-1436, 169) |
|
|
Attestation de 