| [1] | et recongnurent les dictes parties, chascune en droict soy, de leurs bonnes voluntez et certaines sciences, sans aucune fraulde, force, erreur, contraincte, lesion et decepvance, et pour le cler et evident prouffict d'une chascune partie, siconme ilz disoient, avoir faict, traicté et accordé entre eulx et l'une partie avec l'aultre l'adcensement a sens etconvenances quy ensuivent, c'est assavoir lesdiz Pierre, Sanceline, Phelippot et Cedelle eulx avoir acensé et a tiltre d'acensement baillé, quicté, transporté et delaissé a droict croix de cens ou rente annuel ou perpetuel ausdiz Raoul et Jehenne, sa femme, et iceulx Raoul et Jehenne, sa femme, avoir pris et retenuz d'iceulx bailleurs, a tiltre d'accenssement a droict de croix de cens ou rente, comme dict est, des maintenant a tousjours perpetuellement, une maison toute sicomme elle se comporte et extend de toutes pars, en long et lé, hault, bas, devant, deriere, avec toutes ses veues, droictz, appartenances et appendences quelzconques, que lesdiz bailleurs, a cause de leursdictes femmes, se disoient avoir par indivis du propre heritaige de leursdictes femmes, assiz a Paris, en la rue de la Charronnerye, devant les murs du cimitiere Sainct Innocent, tenant, d'une part, a une maison qui est Jehan Bavon et, d'aultre part, a Thibault de la Nasse, abboutissant par deriere a la maison Jacques l'Escuier, en la censive du roy nostredit seigneur et de l'evesque de Paris, chargee icelle maison et ses appartenances avant ce present bail et accensement en six livres paris. tant pour fons de terre que pour croix de cens ou rente, dont cent solz paris. de rente sont deubz aux religieulx de Sainct Magloire de Paris egallement par les quatre termes a Paris accoustumez, et vingt solz paris. quy sont deubz aux religieulx de Sainct Victor de Paris a deux termes en l'an, c'est assavoir dix solz paris. a la Sainct Jehan Baptiste et dix solz a Noël, c'est assavoir ce bail, prinse et acensement faictz pour et parmy le pris de trente huict livres paris. de croix de cens ou rente annuel et perpetuel sur le tout et pour toutes charges, comptez et comprins dedens lesdictes six livres paris. de premiere charge, que lesdiz preneurs en gaigerent, promisrent et seront tenuz rendre et payer, chascun pour le tout, par eulx, par leurs hoirs et par ceulx quy auront cause d'eulx, c'est assavoir les six livres paris. de premiere charge ausdiz religieulx et par lesdiz termes quy leurs sont deubz chascun an, et trente deux livres paris. ausdiz bailleurs, a leurs hoirs et a ceulx quy auront cause d'eulx, chascun an esgallement par les quatre termes a Paris accoustumez, c'est assavoir a chascun desdiz mariez bailleurs, a cause de sa dicte femme, seize livres paris., a commencer a payer ladicte rente par lesdiz preneurs a la Sainct Remy prochainement venant pour le premier terme, et pour et parmy la somme de trente livres paris., forte monnoye courant a present, pour et en nom d'amendement, aux us et coustumes de la ville de Paris, que lesdiz preneurs en faisant ledict acensement avoient promis mectre ou faire mectre et emploier du leur en ladicte maison et appartenances ; (Chartes Abb. St-Magl. T.F., t.3, 1330-1436, 271) | | [2] | lesquelles parties, de leurs bons grez et bonnes volentez, sanz fraude, recongnurent et confesserent pardevant les diz notaires jurez avoir fait, traictié et accordé entre elles et l'une partie a l'autre, de bonne foy, l'accensement, bail, prinze, accors et convencions qui cy aprés s'ensuient, c'est assavoir les diz Symon et Roberge avoir adcensé, baillé, ottroyé, transporté et delaissié a droit crois de cens ou rente annuelle et perpetuelle, desorendroit a touzjours, aus diz Nicolas et Phelippe, sa femme, pour eulx et leurs aians cause, et yceulx Nicolas et Phelippe, pour eulx, leurs hoirs et les aians cause d'eulx, avoir prins et retenu, chascun pour le tout, des diz bailleurs, a crois de cens ou rente, desorendroit a touz jours, une maisonet jardin, ainsi comme tout se comporte et extent de toutes pars, en lonc, en lé, hault, bas, devant et derriere, avecques touz ses droiz, appartenances et appendances, que les diz bailleurs se disoient avoir et tenir de leur conquest, assize a Paris, en la rue de Huleu, tenant, d'une part, a l'ostel des religieux du Val Nostre Dame et, d'autre part, a Guillaume le Breton, en la censive des religieux de Saint Magloire de Paris, chargee avant cest present bail en six solz et six deniers p. que fons de terre que rente ou crois de cens par an, cest bail et prinze faiz pour cinquante six solz et six deniers par. que fons de terre que crois de cens ou rente annuelle et perpetuelle sur le tout et pour toutes charges, comprins en ce la dite premiere charge, que les diz preneurs pour eulx, leurs hoirs et pour ceulx qui d'eulx auront cause en sont, seront tenuz et promistrent, chascun pour le tout, rendre et paier, chascun an, en et sur la dite maison adcensee, egalment par les quatre termes en l'an a Paris acoustumés, en ceste maniere, c'est assavoir les diz six solz et six deniers par. de premiere charge a ceulx a qui il sont deubz, et cinquante solz p. de rente aus diz bailleurs, a leurs hoirs et a ceulx qui d'eulx auront cause, tout egalment par les diz quatre termes, a commencier pour le premier terme et paiement a la Saint Jehan Baptiste prouchaine venant, et pour et parmi la somme de vint livres par. bonne monnoie courante a present que les diz preneurs gaigerent, chascun pour le tout, es mains des dis notaires, et promistrent mettre ou faire convertir et emploier, du leur et a leurs coux, en l'amendement et meillioriacion de la dite maison prinze, dedans du jour d'ui en quatre ans prouchains venant, toutes reparacions neccessaires comptant pour amandement. (Chartes Abb. St-Magl. T.F., t.3, 1330-1436, 445) |
|
|
Attestation de 