| [1] | si se parti et se absenta, ne sçay quans jours, tant que l'esmeute fust passée de ceste chose. (CHR. PIZ., Faits meurs Ch. V, S., II, 1404, 54) | | [2] | Car, comme les deniers de mes petis orphelins fussent par leurs tuteurs, de mon consentement, bailliez en main de marchant reputé preudomme pour acroistre et mouteplier leur povre avoir, comme il en eust l'espace d'un an rendu convenable gaing par la moitié raisonnablement, lui tempté de l'Ennemi fist acroire qu'il avoit esté desrobez et si s'absenta et fui. (CHR. PIZ., Avision R.D., 1405, 101) | | [3] | Le procureur du Roy dit que incontinent, ou avant au moins que Seignet fust miz hors de son office, s'absenta et ne residoit pas, combien qu'il eust fait ceans le serment de residence; (BAYE, II, 1411-1417, 243) | | [4] | Et si advint en ce temps audit lieu de Paris que une belle jeune femme nommée Jehanne du Bois, femme d'un notaire du Chastellet dudit lieu de Paris, se party et absenta hors de la maison de sondit mary et s'en ala où bon lui sembla, et depuis par long temps fut perdue. (ROYE, Chron. scand., I, 1460-1483, 33) | | [5] | En ce temps, ung nommé Alixandre Lorget, natif de Paris, qui estoit homme d'armes de l'ordonnance du roy notre sire soubz la charge et compaignie du seigneur de la Barde, s'en ala et absenta de Paris pour soy aler rendre à Saint-Denis à mons. de Berry, qui ilec estoit, et si en ala à lui cinquieme, et avecques lui en emporta toutes ses bagues et sa male. (ROYE, Chron. scand., I, 1460-1483, 113) | | [6] | Et, pour raison dudit cas, ledit frere Henry se absenta, et ne peut estre trouvé qu'il ne feust le Xe jour dudit moys, que, environ dix heures de nuit, ung examinateur du Chastellet à Paris, nommé maistre Jehan Potin, accompaigné de trois sergens, en fist telle diligence qu'il le trouva mucié en l'ostel de Saint-Pol àParis dedens unes aumoires, en habillement d'un roquet blanc de toile et ung chapeau noir, et en cest estat fut mené prisonnier oudit Chastellet et puis rendu en la court de Parlement pour ce qu'il estoit appellant de sa prinse et disoit que le lieu où il avoit esté prins estoit lieu de franchise et que on l'y devoit remettre. (ROYE, Chron. scand., I, 1460-1483, 175) | | [7] | pour doubte et occasion duquel fait, il qui parle se absenta de ladite ville de Paris, ala ès païs de Laon, Soissons, Noyon, Meaulx et environ, pour gaignier sa vie, et se maria audit lieu de Guerart, ne en ladite ville de Paris ne retourna puis ledit cas advenu, qui fu fait XIJ ans a et plus. (Reg. crim. Chât., I, 1389-1392, 276) | | [8] | mais icellui prisonnier, saichant lesdites plaintes d'iceulx frere et filz, se absenta d'icelle ville, et lessa sa femme et enfans à la table où ilz estoient assis à disner, si comme eulx qui parlent, lors estans en ladite ville, ouyrent dire à plusieurs des gens et habitans d'icelle ville; (Reg. crim. Chât., I, 1389-1392, 286) | | [9] | et n'en sceurent point trouver, ne sa personne apprehender, pour ce que il se absenta et est absentez par longtemps, et sanz ce que il puist savoir où il feust comme il fu prevost. (Reg. crim. Chât., I, 1389-1392, 505) | | [10] | Pour doubte duquel fait, il qui parle, dès ledit temps, se absenta dudit pays, et vint demourer et gaignier sa vie ou pays de Brie, en la ville de Evry et aillieurs, par la fourme et maniere que dit a cy-dessus. (Reg. crim. Chât., II, 1389-1392, 18) |
|
|
Attestation de 