| 54 exemples | | 1 | ...à une autre fois, lui donna [à Haussibut] une poignie de cendres que elle print en son fouyer. (Reg. crim. Chât., II, 1389-1392, 295). | |
| 2 | ...d'un mesme boys tu en pues faire du feu et de la cendre, ou en puez faire une belle ymaige et la garder. (GERS., Trin., 1402, 163). | |
| 3 | Et ja soit ce qu'en mon cuer grief mal porte Pour li amer, miex vorroie estre morte Que de bouche, par resgart ou par chiere Li deïsse que sui s'amie chiere Ne qu'en mon cuer porte celeement L'amour de li trop plus couvertement Que li charbons n'art par dessous la cendre (MACH., Compl., 1340-1377, 250). | |
| 4 | Mais le fer ardant de la flesche Qui le cuer toudis art et seche, Saches certeinnement qu'il art Et bruïst par si soutil art Qu'il n'i pert tache ne arsure, Trace, plaie, ne blesseüre, Et einsi se keuve et engendre Com li charbons dessous la cendre. (MACH., R. Fort., c.1341, 69). | |
| 5 | Si ne sçay le milleur tour prendre, Car j'aim miex morir que mesprendre Vers li que j'aim sans meffaçon, Ne qu'ailleurs mon dolent cuer rendre, Qui plus art que charbon sous cendre Pour sa belle clere façon (MACH., Lays, 1377, 329). | |
| 6 | Mais, s'aucun espoir li vuet rendre, Plus couvertement li doit tendre Que li charbons dessous la cendre N'est, sans flamboier et sans luire. (MACH., Lays, 1377, 382). | |
| 7 | ...il [ung herese] fut jugié au feu et delivré a la justice seculiere. Fut ramené a Lille et droit la brulé en cendres et en poudre, par la grace de Nostre Seigneur qui plus ne lui voult souffrir repaire, j'espoire, aveuques ses povres brebiottes crestiennes, desqueles il desire (...) non estre deceues et perdues par telz faulx gabuseurs, messagiers du dyable. (CHASTELL., Chron. IV, D., c.1461-1472, 227). | |
| 8 | ...je vous feray ardoir Et mettre en cendre. (Mir. Amis, c.1365, 29). | |
| 9 | ...et oultre condempné le corps estre brulé et mis en cendre devant l'Ostel de ladicte ville, toutes les maisons dudit Jehan Hardi arrasées et mises par terre, mesmement le lieu de sa nativité gecté par terre, sans jamais y estre fait edifice, et de y mettre epitaphe pour faire savoir l'enormité du cas dudit Hardi, et pourquoy estoit faicte ladicte demolicion. (ROYE, Chron. scand., I, 1460-1483, 309). | |
| 10 | Ne prisiez plus les Flamens ne que cendre (DESCH., Oeuvres Q., t.3, c.1370-1407, 70). | |
| 11 | Oncques hermite en ung desert n'ot telle paix et transquillité pour eschever la veue du monde comme saint Pol avoit tout au milieu du monde : la beauté et plaisance des choses mondaines ne luy estoyent a regarder quant a les convoitier nes que seroit a nous regarder cendre ou mortier. (GERS., P. Paul, a.1394, 514). | |
| 12 | Et se Plaisance n'estoit, Le pouoir d'Amours faudroit. Qui seroit Cellui qui plus dicteroit Balades nouvelles ? Nul homme ne danseroit, Ains aux cendres crouppiroit. (CHART., L. Plais., c.1412, 152). | |
| 13 | ...Dont descendent, pour la matière Estant pesant plus que légière, En forme de pouldre ou de cendre, Lesqueles certes au descendre Se meslent et font mixtion Au bas air en sa région (LA HAYE, P. peste, 1426, 27). | |
| 14 | Ancor lui moustre autre raison : "Se ta femme crout en maison Et garde le feu et les cendres, Elle en vault pis, tes noms est mendres..." (DESCH., M.M., c.1385-1403, 107). | |
| 15 | ...veu que l'exercice des armes estoit prohibé et deffendu et que, en son quartier, falloit cesser la guerre, si ne vouloit pas touttefois (...) exposer sa personne à vaguabonder ne illec oysement guarder les cendres ne y demourer au sejour, ainçoys se delibera bien de ne faillir à la feste de Nancy, c'est a savoir aux belles jouxtes que on y preparoit. (LESEUR, Hist. Gast. IV, C., t.1, 1477-1478, 134). | |
| 16 | Icy est l'ame comme muee en cendres de humilité en l'ardant fornaise de vive charité ; puis devient comme voirre bel, cler, net et pur, et coule legierement a prendre telle figure et emprainte espirituelle (GERS., Trin., 1402, 171). | |
| 17 | Ceste confession fu leue et recolée mot à mot audit Guynache Binde, en la Chambre des Enquestes du Palais, le jeudi après les Cendres (Conf. Jug. Parlem. Paris L.L., 1339, 144). | |
| 18 | Saint Valentin dit : «Veez me ça Et apporte pers a choysir ; Viengne qui y devra venir, C'est la coustume de pieça.» Quant le jour des Cendres «hola» Respond, auquel doit on faillir ? Saint Valentin dit : «Veez me ça Et apporte pers a choisir.» Au fort, au matin couvendra En devocion se tenir, Et aprés disner a loisir Choisisse qui choisir vouldra. (CH. D'ORLÉANS, Rond. C., 1443-1460, 383). | |
| 19 | ...semblables sont a la beauté des fiens couvers de noif, ou, comme dit Jhesu Crist, aux sepultures blanches et paintes, ou comme les pommes que dit Josephus croistre en Sodome, qui par dedans sont plaines de cendres et par dehors belles (GERS., Concept., 1401, 416). | |
| 20 | Au lirre la lettre, le sang lui mua. Il rougy comme feu, puis devint pale et mort comme cendre et prinst a larmoyer (LEFÈVRE (R.), Hist. Jason P., c.1460, 218). | |
| 21 | Semblablement mist icelui Virgille sur une haulte roche, en la mer, oudit confin de Naples, deux grandes ymages de cuivre tenant bucines, lesquelles ou mois de may rebouterent par leur soufflement la cendre et poulciere ardente que gectoit icelui mont (SIMON DE PHARES, Astrol., c.1494-1498, f° 69 v°). | |
| 22 | ...une grant bourse à mettre la cendre pour laver le chief de ma dicte dame, et 2 autres bourses pour crochès (Comptes argent. rois Fr. D.-A., I, 1352, 299). | |
| 23 | Ou se vous n'avez terre de robes, faictes mectre cendres tremper en lessive et icelles cendres bien trempees mectez sur la tache. (Ménagier Paris B.F., c.1392-1394, 132). | |
| 24 | Item signe est de pestillence Trouver foison, ou abondance, De cendre, ou de pouldre menue, Sur les abres chaeste et venue, Qui se peut faire en la manière Pour l'arsion de la matière (LA HAYE, P. peste, 1426, 56). | |
| 25 | Et se tu n'as de lessive, si pren de bonnes cendres et metz avec de l'eaue et fais comme charree. (Ménagier Paris B.F., c.1392-1394, 278). | |
| 26 | Secondement leur furent apportez deux bassins de cendres, pour oster la gresse de leurs mains, afin qu'ilz puissent mieulx tenir leurs escuz et leurs bastons (LA MARCHE, Mém., II, c.1470, 405). | |
| 27 | ...desquelz 8 recuiz tout le plomb est encores en glecte et cendres, excepté sept quintaux de la dicte glecte venduz ceste sepmaine passée, ont estimé à 120 quintaux de plomb (Aff. Jacques Coeur M., 1453-1457, 261). | |
| 28 | Disoit ledit procureur que (...) avoit esté (...) deffandu que li tanneurs ne missent plus sandre de lie de vin en leurs cuirs pour appareiller et tanner (Hist. industr. commerce F., 1339, 78). | |
| 29 | ...il tanneront et couroyeront leurs cuirs bien et loyaument de bon Tan, senz cendre de lie. (Ordonn. rois Fr. S., t.6, 1375, 119). | |
| 30 | Vecy cintoual d'Alixendre, Et vecy du fenis la cendre, Et oinemens aromatiques. (Pass. Semur D.M., c.1420 [1488], 230). | |
| 31 | Lors, leur falloit prendre patis Et treves, pour ardoir leurs corps, Car, si com truis en mains recors, Encïennement ilz ardoient Les corps et les cendres gardoient Des nobles, en riches vaissiaux, Et ainsi, souvent, a yciaulx Couvenoit donner sepulture Aux corps ja plains de pourriture, Dont l'air estoit empulentiz (CHR. PIZ., M.F., III, 1400-1403, 96). | |
| 32 | Ainsi souloient mettre en cendre Les corps mors (CHR. PIZ., M.F., II, 1400-1403, 327). | |
| 33 | ...et au filz Pirrus qu'on lui avoit mené prisonnier fist vestir robes royales, et lui dist qu'il eust courage de roy, et lui rendit cendres du corps de son pere en ung vaissel d'or (CHR. PIZ., Corps policie L., 1406-1407, 56). | |
| 34 | De grief foudre dou ciel le fist tretout pourfendre Et ardoir a sa table, si que tout devint cendre (Vie st Sébast. M., c.1350, 416). | |
| 35 | Qui au feu seant, escript es cendres ou se jeue du feu, il pisse en son lit. Et qui au soir regarde en soy chaufant couvrir le feu, il ne sera marié en tout cel an. (Ev. Quen., II, c.1466-1474, 126). | |
| 36 | ...mais elle [la Pucelle] fut bien veritablement arce et toute la cendre de son corps fut pour vray gectée en la riviere pour les sorceries qui s'en fussent peu ensuivre. (Journal bourgeois Paris T., 1405-1449, 354). | |
| 37 | Cedit jour, est alée la Court à l'enterrement de feu messire Loiz de France, germain du Roy, lequel hier au soir estoit environ VIIJ heures duc d'Orleans et de moult d'autres terres, et maintenant cendre et pourreture (BAYE, I, 1400-1410, 208). | |
| 38 | Vous nous voiez cy attachez, cinq, six : Quant de la chair que trop avons nourrie, El est pieça devoree et pourrie, Et nous, les os, devenons cendre et pouldre. De nostre mal personne ne s'en rie, Mais priez Dieu que tous nous vueille absouldre. (VILLON, Poèmes variés R.H., c.1456-1463, 66). | |
| 39 | O lignee du lympn conpillee, Viande a vers, en cendre distillee, Quant Mort sur vous monstre ses tours soudains ! (DU PRIER, Songe past. D.-M., c.1477-1508, 131). | |
| 40 | ...lequel cymetiere est de antiquité ordonné pour les moines du lieu et, quant il advient que l'on euvre aucun sepulcre trois jours après que aucun y est en terre, l'on ne treuve os, chair, ne cendre, ne aucune apartenance de corps et ceste merveille a esté souvant trouvée vraye. (SIMON DE PHARES, Astrol., c.1494-1498, f° 68 v°). | |
| 41 | ...il est mort, aussy mort que cendre (Myst. Pass. Troyes B., a.1482, 907). | |
| 42 | A l'air ainsi deviendray cendre. (LA VIGNE, S.M., 1496, 316). | |
| 43 | À la fin faut devenir cendre (MIÉLOT, Prov. U., 1456, 192). | |
| 44 | ...David et Salemon, Virgile, Aristote et Platon, Artus, Charlemaine, Alixandre, Et maint autre qui sont en cendre (DESCH., M.M., c.1385-1403, 317). | |
| 45 | Ton nom n'est pas ensevelis Ne n'es deffaicte Par Deshonneur ou contrefaicte, Car ceulx de ta maison te ont faicte Honneur par vaillance parfaicte, Dont ja en cendres Sont les uns. (CHART., L. Dames, 1416, 283). | |
| 46 | L'eau qui passe soubz les moulins, Premier qu'i soit quatre matins, Se convertira toute en cendres. (Rapp., c.1480, 66). | |
| 47 | Et [les disciples] suscitoient de mort a vie Ceulx qu'estoient ja porris en cendre (Myst. st Adr. P., c.1450-1485, 94). | |
| 48 | S'a besoing de renouveler Pour la mort, et toudis ouvrer, Qui la destruit et li fait guerre En air, en l'eaue, en feu, en terre, Et tout fait, qui garde y veult prandre, Retourner en terre et en cendre Celle mort, fors que l'esperit Qui est creez et que Dieux fit Perpetuel et invisible, Espiritel, incorruptible. (DESCH., M.M., c.1385-1403, 329). | |
| 49 | De ce ne soyez maulx contens, Car, puisqu'en cendre je retourne, Dessus la cendre je m'estens (LA VIGNE, S.M., 1496, 561). | |
| 50 | Cy gist et dort le second Alexandre Qui ama mieulx subit tomber en cendre, Que de ployer son tres haultain vouloir (ANTITUS, Poés. P., c.1500, 65). | |
| 51 | ...et les femmes grant force apporteront de la ville au bouloart seaulx plains de gresses, huilles, cendres chaulx, sacles boullant et fumier. (Myst. siège Orléans H., c.1480-1500, 160). | |
| 52 | ...celui qui m'a fait Et creé seulement de cendre Et de lymon (LA VIGNE, S.M., 1496, 256). | |
| 53 | S'il y a si fol ne si fole Qui einsi n'aoure l'idole, Nous commandons que sans atendre Il soit bruïs et ars en cendre Et gettez en l'ardant fournoise. (MACH., C. ami, 1357, 19). | |
| 54 | Des plus tres fors hommes qu'il ot Manda li rois et en mi l'ost Commanda les trois Juïs prendre Pour ardoir et bruïr en cendre, Et si leur fist sans detrier Les piez et les jambes lier Et eaus geter dedens le fu Qui fu tels qu'onques tels ne fu... (MACH., C. ami, 1357, 22). | |
|
