Empl. trans. [L'idée de base est celle de saisir qqc., de l'entourer]

A. -

[Le compl. désigne Dieu ou une notion abstr.] "Embrasser par la pensée" : ...non pourquant confesse il bien [saint Jean Bouche-d'Or] que la grandeur de voz louanges, o glorieux saint Pol, surmontoit du tout son eloquence. Et en ce est vostre louange honnourable monstree plus excellante quant on ne la puet attaindre ou comprandre aucunement. (GERS., P. Paul, a.1394, 493). N'est pas de merveille : car nous scavons que incomprehensible ne puet estre compris, et autrement ne seroit il point tel. (GERS., Trin., 1402, 158). Qui est la bouche qui pourroit dire, ou cuer comprendre la divine leesse que vous receutes au jour d'uy, Mere de Dieu glorieuse ? (GERS., Noël, p.1404, 291). Comprendre Dieu est conferé et se raporte a la puissance du Pere, cognition a la sapience du Filz, dilection a l'amour du Saint Esperit. (Somme abr., c.1477-1481, 125). Et a ce propos dist Saint Bernard : "Dieu est es creatures non raisonnables telement que toutesfois ne puet estre comprins d'elles. Toutes creatures raisonnables peuent comprendre Dieu par congnoissance, mais des bons tant seulement est comprins par amour." (Somme abr., c.1477-1481, 133). La raison si est, car la nature des choses simples nostre entendement ne puet parfaitement entendre ou comprendre si non par negation, par quoy se remeuvent les choses qui ne competent a icelles pour leur simpleté. (Somme abr., c.1477-1481, 141).

B. -

"Contenir en soi"

1.

[De Dieu] : Entendez, roys, princes et seigneurs et toutes devotes personnes, entendez quelle belle personne est au jour d'uy faicte : elle comprent et ciel, et terre, et Dieu, et homme : gloire est donnee a Dieu pour sa part, et paix chiet en la part des hommes de bonne voulenté. (GERS., Noël, p.1404, 292). Car comme dist Saint Bernard : Dieu est, par tout regne, par tout commande, par tout est sa majesté, il remplist toutes choses. Il comprend et embrache l'université des choses. (Somme abr., c.1477-1481, 139).

-

Au passif. [En tournure nég.] "Contenu, enfermé" : Pourquoy ne pourra estre Dieu par tout sans acroissement ou diminucion, sans ce que on le puisse dire estre hors telement qu'il ne soit dedans, et sans ce qu'il soit du tout compris, ou enclos, ou fourclos en quelconque creature ? (GERS., Trin., 1402, 162). Par tout et en tous lieux Dieu est et toutevoies nulle part est, car il n'est absent par eslongement d'aucun lieu, ne est comprins en ou par aucun lieu. (Somme abr., c.1477-1481, 136).

2.

[D'une notion abstr.] : Mais est a noter que l'immensité, c'est a dire la non mesurableté, en comprend quatre choses, c'est a scavoir infinité qu'il est sans fin, incomprehensibilité que nulle creature le puet comprendre, incirconscriptibilité, c'est a dire qu'il n'est en aucun lieu determiné et est par tout et en tous lieux, et eternité en perdurableté. (Somme abr., c.1477-1481, 130).