"Noble, distingué"

A. [Par la naissance] : Ses peres est frans et cortois, Mes d'avoir a mout petit pois ; Et mout gentix dame est sa mere, Qu'ele a .i. gentil conte a frere. (Er 1543, 1544). De forez et de praeries, De vingnes, de gaaigneries, De dames et de chevaliers, (...) De gentix clers bien afeitiez Qui bien despandoient lor rantes, Et de dames beles et gentes, Et de borjois bien posteïs, Estoit li chastiax bien asis. (Er 2268). Tant fu gentix et enorable, De saiges diz et acointable, Debonere et de boen atret, Onques nus ne sot tant d'aguet Qu'an li [= Énide] poïst veoir folie Ne malvestié ne vilenie. (Er 2413). Nos poons bien aparcevoir, A ce qu'ele est et bele et sage, Qu'ele est de mout gentil lignage (Er 4718). Seignor avroiz le plus gentil Et le plus gent et le plus bel Qui onques fust del ling Abel. (Yv 1812).

    - Gentil ome. "Homme de naissance noble" : ...Et dist : « Dame, an vostre prison M'anvoie ci uns gentix hon, Uns chevaliers vaillanz et preuz, Cil cui fist hier santir les neuz Mes nains de la corgiee el vis (...). » (Er 1184). An la cort furent come roi Enoré et servi tuit troi, Car mout estoient gentil home. (Er 1959). Puis est il meïsmes montez, .IIII.XX. clers i ot contez, Gentix homes et enorables, A mantiax gris orlez de sables (Er 2285). Erec respont : « Je me revant Que je sui assez gentix hom : Erec, filz le roi Lac, ai non. (...) » (Er 3859). N'est il plus biax que je ne sui, Et mout plus gentix hom de moi ? (Cl 4373). « Cil qui levera Cele lanme seus par son cors Gitera ces et celes fors Qui sont an la terre an prison, Don n'ist ne clers ne gentix hon Des l'ore qu'il i est antrez (...). » (La 1904). Se li vaslez est fos et nices, S'est il espoir mout gentix hom (Pe 1011). Par foi, fet messire Gauvains, El lit me serrai ge au mains, Se ge les puceles ne voi, Que ge ne pans mie ne croi Que tex liz fez estre deüst Se por ce non qu'an i geüst, Ou gentix hom ou haute dame (Pe 7541).

    - Gentil dame / feme. "Femme de naissance noble" : Ses peres est frans et cortois, Mes d'avoir a mout petit pois ; Et mout gentix dame est sa mere (Er 1543). Car des Gales jusqu'an Anjo N'an Alemaigne ne an Peito N'ot chevalier de grant afeire Ne gentil dame deboneire Don les meillors et les plus gentes Ne fussent a la cort a Nantes, Que li rois les ot toz mandez. (Er 6592). Ensi cil dui s'antracointoient, Li uns a l'autre se donoient, Que d'autres i ot tel nonante Que aucune i ot bele et gente Et noble et cointe et preuz et sage, Gentix dame et de haut parage (Yv 2446). El chastel chevaliers de pris A .v.c. et sissante et sis, Et sachiez qu'il n'i a celui Qui n'ait s'amie avoeques lui, Gentil dame cortoise et bele. (Pe 4671). Miaudre de moi a vos m'anvoie, Plus gentix fame et plus vaillanz. (Yv 5063). Et tant vos dirai del covine, Que il i a une reïne Mout gentil dame et haute et sage, Et si est de mout haut parage. (Pe 7279).

    - P. anal. [D'un animal] : Mes que qu'il l'en aveingne aprés, Eidier li voldra il adés, Que pitiez li semont et prie Qu'il face secors et aïe A la beste gentil et franche. (Yv 3369).

B. [Par la conduite, les sentiments] : .I. petit est avant passez Et vit gesir sor uns degrez Un vavasor auques de jorz, Mes mout estoit povre sa corz ; Biax hom estoit, chenuz et blans, Deboneres, gentix et frans (Er 378). Por la pucele au cheinse blanc Qui le cuer ot gentil et franc, Qui estoit fille au vavasor, S'esjoïssent tuit li plusor (Er 1072). « Dame, an vostre prison M'anvoie ci uns gentix hon, Uns chevaliers vaillanz et preuz, Cil cui fist hier santir les neuz Mes nains de la corgiee el vis (...). » (Er 1184). Tant est gentix et frans li rois Qu'il a fet banc a ses borjois, Si chier con chascuns a son cors, Que prodom qui veigne de hors An lor meisons ostel ne truisse, Por ce que il meïsmes puisse Toz les prodomes enorer Qui leanz voldront demorer. (Er 5437). Mes la dameisele [= Lunete] li prie Et loe et comande et chastie, Come gentix et deboneire, Qu'il se gart de folie feire (Yv 1305). Tant sont andui [= Yvain et Gauvain] franc et gentil Que la victoire et la querone Li uns a l'autre otroie et done (Er 6350). « Dex saut et beneïe Le meillor roi qui soit an vie, Le plus franc et le plus gentil, Si le tesmoignent trestuit cil Devant cui ont esté retraites Les granz proesces qu'il a faites ! (...) » (Pe 2831).

C. [En s'adressant à qqn] : Ha ! gentix chevaliers, merci ! Por quel forfet ne por quel tort Me doiz tu donc haïr de mort? (Er 998). « Bele douce suer, Gentix dame lëax et sage, Bien conuis tot vostre corage : Peor avez grant, bien le voi, Si ne savez ancor por coi. (...) » (Er 5785). Gentix chevaliers, car t'esforce, Si me secor isnelemant. (La 1078). Ha ! gentix chevaliers, merci ! Por Deu vos pri et por son fil Que vos ne m'an aiez plus vil De ce que je sui ci venue. (La 1980). Ha ! gentix reïne enoree, De duel sui morte et acoree Del franc chevalier debonaire Dom an ne puet parole traire Qui ne soit de corroz ou d'ire. (Pe 7817).