I. Empl. trans.

A. [Idée de séparation brutale]

    1. "Briser" : Sor l'escu fiert de tel aïr Que d'un chief en autre le fant, Ne li haubers ne li desfant : Enmi le piz le fraint et ront, Et de la lance li repont Pié et demi dedanz le cors. (Er 2865). Li cuir ronpent et les es fandent Et des haubers ronpent les mailles Si qu'anbedui jusqu'as antrailles Sont anglaivé et anferré (Er 3765). As premerienes acointances Percent escuz et froissent lances, Ronpent cengles, tranchent estriés (Cl 3545). « (...) Einz iert de mon escu la guige Ronpue et totes les enarmes, Ne an mon cors ne an mes armes N'avrai je puis nule fiance, Ne an m'espee n'en ma lance, Qant je li lesserai m'amie. » (La 1721). An l'estor est aprés son frere Et aprés son seignor venuz, Qui mout bien s'i est maintenuz An la meslee une grant piece, Qu'il ront et fant et si depiece Escuz et lances et haubers. (La 2400). Tranchent les fuz, ronpent les fers Si que an plusors leus se plaient (La 2688). Mout tost ronpuz et arachiez Les manbres del cors vos avront, Que merci avoir n'an savront. (La 3070). Mes la gorge si duremant Li laz justisiee li ot Que de piece parler ne pot, Qu'a po ne sont les voinnes rotes Del col et de la gorge totes (La 4309). Oïl, que ce est chose certe Que li uns a l'autre sanz dote Voldroit avoir la teste rote, Ou tant de honte li voldroit Avoir feite que pis valdroit. (Yv 6010). Et messire Gauvains l'atant, Si s'afiche si duremant Sor les estriés que il an ront Le senestre tot an reont (Pe 7087).

    - [En contexte métaph.] : Ja mes festuz n'an sera roz Par desfiance ne par guerre, Que je doie vers Amor querre. (Cl 854). Onques home de mere né, Ce vos puis je bien por voir dire, Ne veïstes ausi plain d'ire Com il estoit, et par corroz Fu ilueques li festuz roz, Car de rien nule ne blandist Son pere, mes itant li dist : « Est ce songes, ou vos resbez* [l. resvez], Qui dites que je sui desvez Por ce se je vos cont mon estre ? (...) » (La 6340). Ronpez le frain et le chevoistre, S'irons tornoier moi et vos, Que l'en ne vos apiaut jalos. (Yv 2500).

    2. "Déchirer" : Povretez li a fet user Ce blanc chainse tant que as cotes An sont an.ii. les manches rotes. (Er 1550). Tant feru et batu l'avoient Que ja li avoient del dos La char ronpue jusqu'as os (Er 4368).

    3. "Arracher" : Vie et joie lor est despiz, Et Parmenidés desor toz A ses chevols tirez et roz (Cl 2054). Grant duel ai de ses biax chevox (...). D'ire m'espranent et aguisent Qant je les voi ronpre et tranchier (Yv 1467).

B. [Idée de rupture dans le temps] "Interrompre" : Ensi la parole lor ront, Que plus aparler ne l'an osent, Einz vont colchier, si se reposent Jusqu'au main que li solauz lieve (Pe 2616).

II. Empl. intrans. "Se briser" : Li estrié ronpent et cil chiet (Er 3013). Ne lor valurent .ii. escorces Li escu qui as cos lor pandent : Li cuir ronpent et les es fandent Et des haubers ronpent les mailles (Er 3764). Les lances es escuz flatissent Et li cop donent tel esfrois Que totes desques es camois Esclicent et fandent et froissent, Et li arçon derriers esloissent, Et ronpent ceingles et peitral. (Cl 4883).