"Royaume, pays gouverné par un roi" : Quant an son roiaume vandroient, Ces .ii. chastiax lor liverroient, Et les rantes et les justises, Si com il lor avoit promises. (Er 1835). Li rois le don li otrea Et par son rëaume anvea Et rois et dus et contes querre, Ces qui de lui tenoient terre, Que nul si hardi n'i eüst Qu'a la Pantecoste ne fust. (Er 1874). Ne nus de li ne mesdisoit, Car nus n'an pooit rien mesdire : El rëaume ne an l'empire N'ot dame de si boenes mors. (Er 2428). Qant j'avrai finee ma guerre, Avoec ce que vos ai doné, Ferai de vos roi coroné Del meillor rëaume de Gales. (Cl 1443). « Par foi, seignor, Meleaganz, Uns chevaliers mout forz et granz, Filz le roi de Gorre, l'a prise, Et si l'a el rëaume mise Don nus estranges ne retorne, Mes par force el païs sejorne An servitune et an essil. » (La 640). Uns chevaliers sui, ce veez, Del rëaume de Logres nez. (La 1930). « Ne vos ai ge dit que je sui Del rëaume le roi Artu ? (...) » (La 2005). Li rois maintenant i envoie, Par son rëaume, ses messages, Sergenz bien coneüz et sages, Qui ont par tote la contree De lui novele demandee. (La 5225). ...Que fame a tost s'enor reprise, Ne n'a pas tort, s'ele despise Celui qui devient de li pire El rëaume dom il est sire. (Yv 2498). Ert* [l. Et s'est] escrit que il ert ancore Que toz li rëaumes de Logres, Qui jadis fu la terre as ogres, Ert destruite par cele lance. (Pe 5963).