A. "Main fermée, poing" : Mes mout i orent po esté, Qant il virent un chevalier Venir armé sor .i. destrier, L'escu au col, la lance el poing. (Er 141). Quant cil vit brisiee s'espee, Par mautalant a jus gitee La part qui li remest el poing Tant com il onques pot plus loing. (Er 3813). « (...) La [= à Nantes] porteront* [l. porteroiz] roial ansaigne, Corone d'or et ceptre el poing : Cest don et ceste enor vos doing. » (Er 6497). Cil del chastel par le gravier Furent venu esbanoier Seulemant les lances es poinz, Les escuz devant lor piz joinz, Car plus d'armes n'i aporterent. (Cl 1259). Et li chevaliers prant la hache, Des poinz isnelemant li sache (La 1168). ...Et es plus granz cors des chevax Fiert li uns l'autre des vasax Si qu'il ne lor remaint nes poinz Des deus lances tres qu'anz es poinz. (La 4996). ...Et sor le pont an piez estoit Cil cui la forteresce estoit, Sor son poing .i. ostor mué. (Yv 197). Car quant j'en puis [= des bêtes] une tenir, Si l'estraing si par les .ii. corz, As poinz que j'ai et durs et forz, Que les autres de peor tranblent Et tot environ moi s'asanblent Ausi con por merci crier (Yv 346). Mes il covient que l'en l'anpoint Si qu'el poing soit la pierre anclose (Yv 1029). « Amis, se vos ancotriez* [l. ancontriez] .I. chevalier, que feriez S'il vos feroit ? - Jel referroie. - Et se vostre lance peçoie ? - Aprés ce n'i avroit il plus, A .ii. poinz li corroie sus. - Amis, ce ne feroiz vos mie. - Que ferai donc ? - Par escremie De l'espee l'iroiz requerre. » (Pe 1512).

    - Plein poing de gros. "De la grosseur du poing" : Del ceptre la façon oez, Qui fu plus clers c'une verrine, Toz d'une esmeraude anterine, Et si avoit plain poing de gros. (Er 6813).

    - À plein poing. "À pleine main" : Sel baignent et son chief li levent, Et sel font rere et reoignier, Que l'en li poïst anpoignier La barbe a plain poing sor la face. (Yv 3131).

    - Prendre aucun parmi le poing. "Prendre qqn par la main" : « (...) Tot a vostre comandemant Ma bele fille vos comant. » Lors l'a prise parmi le poing : « Tenez, fet il, je la vos doing. » (Er 677).

    - Tordre ses poinz / Detordre ses poinz. "Tordre ses mains" : Qui li veïst son grant duel fere, Ses poinz tordre, ses chevox trere, Et les lermes des ialz cheoir, Leal dame poïst veoir (Er 3790). Mout li poise quant ele vit, Et cort vers li si come cele Qui sa dolor mie ne cele. An haut s'escrie et tort ses poinz (Er 4575). Ensi toz li pueples enrage, Tordent lor poinz, batent lor paumes (Cl 5739). Mes iqui remest tote sole, Et sovant se prant a la gole, Et tort ses poinz et bat ses paumes (Yv 1415). Et cele plore andemantier Queque cil la prie et semont, Que cele .i. mot ne li respont, La dameisele, ainz plore fort ; Mout durement ses poinz detort. (Pe 758).

B. "Poignet" : Cil cui ele l'ot comandé Li a le mantel aporté Et le bliaut qui jusqu'as manches Estoit forrez d'ermines blanches ; As poinz et a la cheveçaille Avoit sanz nule devinaille Plus de .ii.c. mars d'or batu (Er 1577).

C. "Poignée, quantité que peut contenir une main fermée"

    - Plein poing de + subst. "Une poignée de qqc." : « (...) Je ne pris pas plain poing de cendre Ta menace ne ton orguel. » (La 798).