"Souci, affliction, peine" : Diax ne pesance ne me faut Ja mes, tant con je aie a vivre, Se mes sires tot a delivre An tel guise de ci n'estort Qu'il ne soit mahaigniez a mort. (Er 3736). De ceste chose sanz dotance L'emperere ot joie et pesance : Joie a de ce que il antant Que ses filz a proesce antant, Et pesance, de l'autre part, De ce que de lui se depart. (Cl 166, 169). Mes por l'otroi qu'il en a fait, Quelque pesance qu'il en ait, Li covient son boen consantir, Qu'ampereres ne doit mantir. (Cl 172). Mes qui qu'an ait duel ne pesance Ne qui que li tort a enfance Ne qui que li blasme ne lot, Li vaslez au plus tost qu'il pot Comande ses nes aprester, Car il n'i vialt plus arester An son païs plus longuemant. (Cl 221). Mes tel duel a et tel pesance De Lancelot qui est traïz Que maz an est et esbaïz. (La 5208). Or alez donc a Deu, biaus sire, Qui vostre pesance et vostre ire, Se lui plest, vos atort a joie ! (Yv 4620). « Dex vos saut, bele, et si vos ost De cusançon et de pesance ! (...) » (Yv 5045). De bel aaige a tot lor sanc Et a tote lor force fussent, S'enui et pesance n'eüssent. (Pe 1792). Se tant t'an voloies pener Que tu m'alasses amener De ce jardin mon palefroi, Je m'an iroie avoeques toi Tant que maleurtez et pesance Et ire et diax et mesestance T'avenist an ma conpaignie. (Pe 6475).