A. "Armée, troupe armée" : Con vos a cist cuens anvaï, Qui por vos amainne tel ost ! (Er 3545). Enuit ferons logier nostre ost Jusqu'au matin parmi ces chans (Er 5074). Cil li ont conté le message Que trop puet an Bretaingne ester, Car cil li voldra contrester Cui sa terre avoit comandee, Et s'avoit ja grant ost mandee De sa terre et de ses amis, Si s'estoit dedanz Londres mis Por la cité contretenir A l'ore que devroit venir. (Cl 1054). Et li rois par tote Bretaingne Fet crier que nus n'i remaingne, Qui puisse armes porter en ost, Que aprés lui ne veingne tost. Tote Bretaigne est esmeüe : Onques tex oz ne fu veüe Con li rois Artus assanbla. (Cl 1083, 1086). Li rois de rien ne le destorbe, Einçois li dit que si grant torbe En maint avoec lui de Galois, D'Escoz et de Cornoalois Que ses frere atandre ne l'ost Qant assanblee verra s'ost. (Cl 2392). Li rois Artus et tote s'ost S'est au roi Ryon conbatuz. (Pe 848). Et cil an la prison s'an va, S'an fet porter son estandart, Et l'oz del siege se depart, Que n'i remaint ne bruns ne sors. (Pe 2328). Et vint droit an la praerie Ou l'oz le roi estoit logiee (Pe 4149). « (...) Uns prodon de trestote un ost Porroit bien ceste tor desfandre. » (Pe 5818).

    - [En contexte métaph.] : S'est granz diax quant Amors est tex Et quant ele si mal se prueve Qu'el plus despit leu qu'ele trueve Se herberge ele autresi tost Com an tot le meillor de l'ost. (Yv 1392).

    - À mout grant ost. "Avec une très grande troupe" : S'est a lui venue mout tost Et dit : « Biau sire, a mout grant ost A ceanz ceste gent esté. (...) » (Yv 1260).

    - Venir à (grant) ost (sor aucuns). "Venir avec une (grande) armée (contre un groupe de personnes)" : « Sire, sire, venez plus tost, Car cil de Logres sont a ost Venu sor ces de ceste terre, S'ont ja comanciee la guerre Et la tançon et la meslee (...). » (La 2290). « (...) De gent malveise avez vos mout, Mes ja n'i avra si estout Qui sor cheval monter en ost, Et li rois vient a si grant ost Qu'il seisira tot sanz desfansse. » (Yv 1638).

B. "Bataille, guerre" : Mes desarmé estoient tuit, Fors que tant seulemant li huit Qui de l'ost repeirié estoient. (Cl 1855). Ensi con por aler an l'ost Se part li rois de Carlion, Si le sivent tuit li baron (Pe 4134).