"Oreille, organe de l'ouïe"

A. "Partie visible de cet organe" : Tant a a dire et a retraire An chascune chose a portraire, Et el manton et es oroilles, Qu'il ne seroit pas granz mervoilles, Se aucune chose i trespas. (Cl 827). Atant une poire destele, Si chiet Fenice sor l'oroille ; Ele tressaut et si s'esvoille (Cl 6379). Je m'aprochai vers le vilain, Si vi qu'il ot grosse la teste Plus que roncins ne autre beste, (...) Oroilles mossues et granz Autiex com a uns olifanz (Yv 297). Trestoz les crins avoit tonduz Et les oroilles li pandoient (Pe 3693). S'ot nes de singe ou de chat Et oroilles d'asne ou de buef. (Pe 4603). El roncin ot mout leide beste : Gresle le col, grosse la teste, Larges oroilles et pandanz (Pe 6917). .I. orellier desoz s'oroille Une dameisele li mist, Qui ilueques dormir le fist (Pe 8006).

B. [En tant que siège de l'audition] : As oroilles vient la parole, Ausi come li vanz qui vole, Mes n'i areste ne demore, Einz s'an part en mout petit d'ore Se li cuers n'est si esveilliez Qu'au prendre soit apareilliez ; Car, s'il le puet an son oïr Prendre, et anclorre, et retenir, Les oroilles sont voiz* [l. voie] et doiz Par ou s'an vient au cuer la voiz ; Et li cuers prant dedanz le vantre La voiz qui par l'oroille i antre. (Yv 157, 165, 168).

C. En partic. [En tant que siège de l'écoute, de l'attention] : Cuers et oroilles m'aportez, Car parole est tote perdue S'ele n'est de cuer entandue. (Yv 150). Et qui or me voldra entandre, Cuer et oroilles me doit randre, Car ne vuel pas parler de songe, Ne de fable ne de mançonge. (Yv 170).

    - Dedenz / En l'oreille. "À voix basse" : Arrieres se tret et consoille A un des vaslez an l'oroille Que tost aille dire le roi Que il preigne prochain conroi De ses trez destendre et abatre (Er 4090). Et Percevax le li otroie, Et li hermites li consoille Une orison dedanz s'oroille Et li ferma tant qu'il la sot (Pe 6260).