A. "Essence, attribut propre à un être ou à une chose" : Cist max, don n'est il ipocrites, Qui dolz me sanble, et si m'angoisse ? (...) Mestre, car m'an dites le non Et la meniere et la nature. (Cl 3051). Mes cele qui bien sot l'afaire Li respont : « Ja ne dotez rien, De vostre mal vos dirai bien La nature et le non ansanble. Vos m'avez dit, si con moi sanble, Que la dolors que vos santez Vos sanble estre joie et santez : De tel nature est max d'amors, Qu'il vient de joie et de dolçors. (...) » (Cl 3069, 3073).

    - "Sorte, espèce" : Ne soz ciel n'a oisel volant, Qui pleise a home an chantant A lui desduire et resjoïr, Qu'iluec ne poïst l'an oïr, Plusors de chascune nature. (Er 5709).

    - "État, condition" : Einz que fussent passé troi mois, Soredamors se trova plainne De semance d'ome et de grainne ; Si la porta jusqu'a son terme. Tant fu la semance an son germe Que li fruiz vint an sa nature D'anfant ; plus bele criature Ne pot estre ne loing ne pres. (Cl 2341).

B. "Disposition naturelle, penchant inné" : Tex est amors, test* [l. tex] est nature, Tex est pitiez de norreture : Plorer les feisoit granz pitiez Et la dolçors et l'amistiez Qu'il avoient de lor anfant. (Er 1443). En boene esperance la met Sa mestre, qui ce li promet Et se li fiance a tenir, Car par ce cuidera venir A sa joie, que que il tart, Que ja tant n'iert de male part Cligés, s'il set que ele l'aint, Que por li grant joie ne maint - Garder cuide son pucelage Por lui sauver son heritage -, Qu'il aucune pitié n'en ait, S'a boene nature retrait Et s'il est tex com estre doit. (Cl 3188). Si le semont feins et nature D'aler an proie et de chacier Por sa vitaille porchacier ; Ce vialt nature que il face. (Yv 3414, 3417). Lors le fist li prodon monter, Et il comança a porter Si a droit la lance et l'escu Com s'il eüst toz jorz vescu An tornoiemenz et an guerres Et alé par totes les terres Querant bataille et avanture, Car il li venoit de nature ; Et quant nature li aprant Et li cuers del tot i antant, Ne li puet estre riens grevainne La ou nature et cuers se painne. (Pe 1476, 1477, 1480).

    - Par nature. "Naturellement" : Sire, sachiez bien antreset Que Galois sont tuit par nature Plus fol que bestes an pasture (Pe 241).

C. "Force agissante qui anime le monde"

    - P. personnif. : Mout estoit la pucele gente, Car tote i ot mise s'antante Nature qui fete l'avoit (Er 413). De ceste tesmoingne Nature C'onques si bele criature Ne fu veüe an tot le monde. (Er 421). Ce fu miracles et mervoille C'onques a sa paroille ovrer Ne pot Nature recovrer. (Cl 2694). Nes ot bien fet et boche bele, Et fu de si boene estature Con mialz le sot feire Nature, Que an lui mist trestot a un Ce que par parz done a chascun. (Cl 2740). Onbre li fet li plus biax arbres C'onques poïst former Nature. (Yv 381). Mes * [l. plus] de cent foiz se seingna De la mervoille que il ot, Comant Nature feire sot Oevre si leide et si vilainne. (Yv 796). Onques mes si desmesurer Ne se pot an biauté Nature, Que trespassee i a mesure Ou ele, espoir, n'i ovra onques. Comant poïst ce estre donques ? Don fust si grant biauté venue ? Ja la fist Dex, de sa main nue, Por Nature feire muser. (Yv 1495, 1501). Mere, ne soliez vos dire Que li enge Deu nostre sire Sont si tres bel c'onques Nature Ne fist si bele criature, N'el monde n'a si bele rien ? (Pe 383). La face ot blanche, et par desus L'ot anluminee Nature D'une color vermoille et pure. (Pe 7651).