"Lance, arme d'hast terminée par une pointe de fer" : Mes mout i orent po esté, Qant il virent un chevalier Venir armé sor .i. destrier, L'escu au col, la lance el poing. (Er 141). Ez vos le tornoi comancié Et li bruiz et l'escrois des lances. (Cl 4747). « Amis, or aprenez D'armes et garde vos prenez Comant l'an doit lance tenir Et cheval poindre et retenir. » (Pe 1431). N'orent pas une liue alee, Quant devant, en une valee, Lor vindrent .v. chevalier autre, Chascuns la lance sor le fautre (Er 2924). Lors a desploiee l'anseigne, Se li mostre et se li anseigne Comant an doit son escu prandre. .I. petit le fet avant pandre Tant qu'au col del cheval le joint, Et met la lance el fautre, et point Le cheval qui .c. mars valoit (Pe 1438). Si s'an revient lance levee Au vaslet et demande li : « Amis, savriez vos ausi La lance et l'escu demener, Et le cheval poindre et mener ? » (Pe 1450, 1453). Et tuit cil de leanz veoient La lance blanche et le fer blanc, S'issoit une gote de sanc Del fer de la lance an somet Et jusqu'a la main au vaslet Coloit cele gote vermoille. (Pe 3185, 3187). Et quant delez lui vos seïstes, Or me dites se vos veïstes La lance don la pointe sainne, Et si n'i a ne sanc ne vainne. (Pe 3535). |