"Heaume" : Fiert et refiert tot a bandon, .III. cos li done de randon, Li hiaumes escartele toz Et la coisfe tranche desoz (Er 973). Iluec vit an le jor lacier Maint hiaume de fer et d'acier, Tant vert, tant giaune, tant vermoil, Reluire contre le soloil (Er 2094). Quant del hauberc l'orent armé, .I. hiaume a cercle d'or jamé Qui plus cler reluisoit que glace, Uns vaslez sor le chief li lace (Er 2654). Li escuiers Erec desconbre De son hiaume et si li deslace La vantaille devant la face (Er 3163). Il sanble a ces qui les esgardent Que li hiaume espraignent et ardent, Car quant les espees resaillent, Estanceles ardanz an saillent Ausi come de fer qui fume, Que li fevres bat sor l'anclume Qant il le tret de la faunarge. (Cl 4028). Mes ses criers rien ne li vaut Ne chose que dire li sache, Que cil par le hiaume le sache, Si que trestoz les laz an tranche, La vantaille et la coiffe blanche Li abat de la teste jus. (La 2906). Et li rois par matin se lieve, Cui de la bataille mout grieve, Si vient a son fil derechief, Qui ja avoit le hiaume el chief Lacié, qui fu fez a Peitiers. (La 3504). Lanceloz vient, si li deslace Le hiaume et la teste li tranche. (La 7087). Si se conbatent une chaude Que jagonce ne esmeraude N'ot sor lor hiaumes atachiee Ne soit molue et arachiee (Yv 6129). Lors cort li uns l'autre anbracier ; Il comancent a deslacier Andui lor hiaumes et vantailles Et traient contremont les mailles. Ensi s'an vont joie menant (Pe 4479).