"Haubert" : Leanz est li haubers tresliz, Qui antre .v.c. fu esliz, Et les chauces beles et chieres, Boenes et fresches et legieres (Er 615). La pucele meïsmes l'arme, N'i ot fet charaie ne charme : Lace li les chauces de fer Et queust a corroie de cer, Hauberc li vest de boene maille Et se li lace la vantaille (Er 713). Mout ont lor haubers desmailliez Et les escuz si detailliez Qu'il n'ont tant d'antier, sanz mantir, Dont il se puissent recovrir. (Er 961). Mes mout orent einçois deroz Les blans haubers et desmailliez, Et porfanduz et detailliez Les escuz, et les hiaumes fraiz, Que parole fust de la paiz. (Cl 4891). Et cil dit qu'il le conparra, Ja li escuz ne l'an garra Ne li haubers qu'il a el dos. (La 759). Gauvains voit bien, mestier n'i a Riens nule que dire li sache, Si desvest son hauberc et sache De son dos et toz se desarme. (La 6908). Si s'antredonent si granz cos Qu'an.ii. les escuz de lor cos Percent, et li hauberc deslicent (Yv 819). Les hiaumes anbuingnent et ploient Et des haubers les mailles volent, Si que del sanc assez se tolent (Yv 841). Et quant il les vit en apert, Que del bois furent descovert, Et vit les haubers fremianz Et les hiaumes clers et luisanz, Et vit le vert et le vermoil Reluire contre le soloil, Et l'or et l'azur et l'argent, Se li fu mout et bel et gent. (Pe 129). « Or me dites, fet il, biau sire, Qu'est ce que vos avez vestu ? - Vaslez, fet il, don nel sez tu ? - Je non. - Vaslez, c'est mes haubers, S'est ausi pesanz come fers. - De fer est il ? - Ce voiz tu bien. (...) » (Pe 261).