"Guimpe, voile dont les femmes encadrent leur visage" : Et la dame par grant veidie, Por ce qu'ele ne voloit mie Qu'il la coneüst ne veïst , Ausi con s'ele le feïst Por le chaut ou por la poldriere, Mist sa guinple devant sa chiere. (Er 3962). Et messire Gauvains l'a pris Par la regne, qui fu de soie, Et vient a l'aubre droite voie Ou la pucele se miroit, Qui son mantel lessié avoit, Et sa guinple, a terre cheoir Por ce que l'an puisse veoir Sa face et son cors a delivre. (Pe 6589). Et la dameisele l'esgarde, Qui n'estoit lante ne coarde De dire a .i. chevalier honte : « Vasax, fet ele, a vos que monte De mon mantel ne de ma guinple ? (...) » (Pe 6637). « (...) Puis n'avroit garde de morir, Ma dameisele, vostre amis, Qui ceste herbe li avroit mis Sor ses plaies et bien liee. Mes une guinple deliee Por bien lier i covandroit. - Je vos baillerai orandroit, Fet cele cui il n'est pas grief, Celi meïsmes de mon chief, Qu'autre n'ai ge ci aportee. » La guinple a de son chief ostee, Qui mout fu deliee et blanche (Pe 6704, 6710).

    - [Attachée à la lance comme marque d'amour courtois] : La ot tante vermoille ansaigne Et tante guinple et tante manche, Et tante bloe et tante blanche, Qui par amors furent donees (Er 2085). Bele fille, fet li prodom, Ge vos comant et abandon Que vos aucune druerie Li anvoiez par corteisie, Vostre manche ou vostre guinple. (Pe 5363).