A. "Feu" : Li feus mout clers devant ax art. (Er 484). Lors dïent que il lor estuet Feu et plonc querre, qu'il fondront, Qu'es paumes gitier li voldront Einçois que parler ne la facent. (Cl 5913). En la lance .i. panon avoit Qui estoit toz de feu espris ; El covertor est li feus pris Et es dras et el lit a masse. (La 521, 522). Et par li meïsmes s'alume Ensi come li feus qui fume Tant que la flame s'i est mise, Que nus ne la soufle n'atise. (Yv 1778). Lors dit qu'au lyon se tanra, Qu'a venimeus ne a felon Ne doit an feire se mal non, Et li serpanz est venimeus, Si li saut par la boche feus, Tant est de felenie plains. (Yv 3354). Et tret le feu d'un chaillot bis, Si l'a de busche sesche espris ; Puis mist en une broche an rost Son lardé cuire au feu mout tost (Yv 3458). Toz jorz mes el cors me covast, Si con li feus cove an la cendre, Ce don ge ne voel ore aprendre Ne ne me chaut del recorder, Des qu'a lui m'estuet acorder. (Yv 6761). Quant la pucele ferue ot, An sa voie trova .i. sot Lez une cheminee estant, Si le bota el feu ardant Del pié par corroz et par ire (Pe 1054).

    - En partic. "Feu du bûcher, bûcher" : Au feu liee la tenoient Cil qui a tort li ametoient Ce qu'ele onques pansé n'avoit ; Et messire Yvains s'an venoit Au feu ou an la vialt ruer (Yv 4315, 4319). Mes reva t'an, si feras san, Que par tot cest païst* [l. païs] set an Comant ele traï sa dame ; S'est droiz que an feu et en flame L'en soit randue la merite. (Yv 4458). Hé ! mialz fusse je or a nestre, Ou an un feu d'espines arse, Si que la cendre an fust esparse, Que j'eüsse de rien faussé Vers mon seignor, ne mal pansé Felenie ne traïson (Er 3329). Iert il escorchiez ou panduz, Noiez ou ars an feu d'espines ? (La 413).

    - [En contexte métaph.] : Amors sanz criemme et sanz peor Est feus ardanz et sanz chalor, Jorz sanz soloil, cire sanz miel (Cl 3848).

    - Alumer le feu : Le feu alument et plonc fondent. (Cl 5917). Li garçon alument les feus Es cuisines au mangier cuire. (Pe 2570).

    - Esteindre le feu : Et li chevaliers s'est dreciez, S'estaint le feu et prant la lance (La 529).

    - Metre (le) feu (en aucune chose) : Tant sejorna qu'a .i. mardi Vint au chastel li cuens Aliers A sergenz et a chevaliers, Et mistrent feu et pristrent proies. (Yv 3139). Quant ce qu'il vost en ot mené, Si mist el remenant le feu (Yv 3889).

    - Metre aucune chose en feu et en flame : Se li cuens ne li volsist randre Volantiers le cors et la dame, Tot meïst an feu et an flame. (Er 4926).

    - [En formule de malédiction ou de jurement] Maus feus (et male flame) arde aucun ! "Puisse le feu de l'enfer brûler qqn !" : Tant est par le rëaume alee La novele, dite et contee, Qu'ele vint chiés un seneschal Meleagant le desleal, Le traïtor, que max feus arde ! (La 5427). Ce est cele cui max feus arde, Qui ersoir vos amena ça. (Pe 8058). Max fex et male flame m'arde Se je t'an doing don tu mialz vives ! (Yv 5970).

B. P. méton. "Foyer, âtre" : Mout a entre malvés et preu, Que li malvés antor le feu Dit de lui une grant parole, Si tient tote la gent por fole Et cuide que l'en nel conoisse. (Yv 2192). Li feus* [l. fos], qui fu delez le feu, Ot la parole et saut an piez Et vient devant le roi iriez (Pe 1248).