I. Empl. trans. "Faire sortir qqn du sommeil" : Au main quant l'aube est esclarcie, Erec s'atorne de l'aler, Ses chevax comande anseler Et s'amie la bele esvoille (Er 1413). Ele se vest et aparoille, A son seignor vient, si l'esvoille (Er 3462). An son lit se couche toz nuz, Si c'onques nelui n'i esvoille. (La 4723). Cele ne le bote [= Yvain] n'esvoille, Einz prant le cheval, si remonte Et vient as autres, si lor conte S'aventure tot an plorant. (Yv 2908). A l'ajorner s'an retorna La pucele an sa chanbre arriere Sanz conduit, et sanz chanberiere Se vesti et apareilla, C'onques nelui n'i esveilla. Et cil qui la nuit veillié orent, Tantost con le jor veoir porent, Esvellierent les andormiz, Ses firent lever de lor liz. (Pe 2072, 2075). Tot maintenant Sagremors cort Au tref le roi et si l'esvoille. (Pe 4209). ...Et cele qui mout grant joie ot A totes ses conpaignes prie Que eles ne la lessent mie Au matin dormir longuement, Einz l'esvoillent hastivement, S'eles voelent avoir s'amor, Lués que eles verront le jor. (Pe 5414). Del chief de la lance l'adoise A l'esperon, si qu'il ne poise Au chevalier s'il l'esveilla, Que si tres soavet bota L'esperon que mal ne li fist, Ençois li anclina et dist : « Sire, .v.c. merciz vos rant, Qant vos si debonerement Boté et esvellié m'avez Que de neant ne fui grevez. (...) » (Pe 6345, 6351).

    - Empl. factitif : Les chevaliers fet esvellier, Les chaceors aparellier (Er 73). L'andemain par matin, au jor, La dameisele de la tor Lor ot fet messe apareillier ; Ses fist lever et esveillier. (La 538).

II. Empl. pronom. "Sortir du sommeil" : De la parole s'esveilla Et de ce mout se merveilla Que si formant plorer la vit. (Er 2507). Au matinet, quant il s'esvoillent, Sont es chevax mises les seles. (Er 5246). Li vaslet par matin s'esvoillent, Si s'atornent et aparoillent (Cl 291). Ele tressaut et si s'esvoille Et voit Bertran, si crie fort : « Amis, amis, nos somes mort. (...) » (Cl 6380). Mes tant atandre vos covient Que an mon lit soie couchiee, Que de noise ne vos meschiee, Qu'il n'i avroit geu ne deport Se li seneschax qui ci dort S'esveilloit ja por vostre noise. (La 4623). Qant li vaslez el tref antra, Ses chevax si fort s'açopa Que la dameisele l'oï, Si s'esveilla et tressailli. (Pe 678). Tant a ploré que cil s'esvoille (Pe 1969). Ençois que li rois s'esvellast, Qui ancor gisoit an son tré, Ont li escuier ancontré Devant le pavellon le roi Sagremor... (Pe 4194). Antre ces diz et ces tançons Revint Erec de pasmeisons, Ausi come hom qui s'esvoille. (Er 4817). Toz estormiz en estant saut, Ausi come cil qui s'esvoille, S'ot et si voit et se mervoille Qui puet estre qui l'a feru. (La 769).

III. Part. passé

A. "Réveillé" : Au matinet sont esvellié, Si resont tuit aparellié De monter et de chevauchier. (Er 5131). Einz que il soient esveillié, Atorné ne apareillié, Avront tele ocision feite Que toz jorz mes sera retreite L'ocisions de cele nuit. (Cl 1645). Et ele respont a son pere, Lués qu'ele verra l'aube clere, Iert ele son voel esveilliee Et vestue et apareilliee. (Pe 5407).

B. Au fig., empl. adj. "Vigilant" : As oroilles vient la parole, Ausi come li vanz qui vole, Mes n'i areste ne demore, Einz s'an part en mout petit d'ore Se li cuers n'est si esveilliez Qu'au prendre soit apareilliez (Yv 161).

    - Esveillié à + inf. "Attentif à faire qqc." : A ce que li ot comandé Li emperere et conseillié Que son cuer eüst esveillié A bien doner et a despandre Voldra sor tote rien antendre. (Cl 400).