A. Empl. subst.

    1. "Séparation"

    - "Fait de se quitter" : Lors en a Erec la foi prise ; Tuit sont venu a la devise, Li cuens et les genz anviron, Les puceles et li baron. (Er 1066).

    - "Ligne de séparation, démarcation" : La floiche et li penon ansanble Sont si pres, qui bien les ravise, Que il n'i a c'une devise Ausi con d'une greve estroite (Cl 772).

    2. "Différence, ce qui distingue" : Qant les orent as cos panduz, Les escuz et les lances prises, De colors pointes par devises, El gué a un frois tuit s'esleissent (Cl 1306). Le fém. pointes indique qu'il s'agit des lances et non des écus (contrairement à l'interprétation de FB et de Micha) A moi en chaut, lui n'en chalt gueires, De mon cuer ne de mon servise. Mout me poise ceste devise Que li uns est sires des deus. Por coi ne puet li miens toz seus Autant come li suens par lui ? Si fussent d'un pooir andui. (Cl 4460).

    3. "Sorte, manière" : Cil estoit noirs et cist est sors, Mes la teste fu d'autre guise : Partie estoit par tel devise Que tote ot blanche l'une joe Et l'autre noire come choe (Er 5276). Si la fera [= la bataille] par tel devise Que, se Cligés vaint la bataille, L'empereres seürs s'an aille Et sa pucele o lui an maint (Cl 3904).

    4. "Dessein, intention" : ...Car cil seus piex qui est dehors, Ou vos veez ce cor pandu, A mout longuemant atandu .I. chevalier ; ne savons cui, Se il atant vos ou autrui. Garde ta teste n'i soit mise, Car li pex siet a la devise (Er 5752).

    5. "Description" : Et se je onques fis devise An biauté que Dex eüst mise An cors de fame ne an face, Or me plest que une an reface Ou ge ne mantirai de mot. (Pe 1803).

B. Loc. adv.

    1. [Idée de maximum, de totalité] (Tot) à devise

    - "À souhait, à volonté" : Et cil s'an vet tote une sante, Seus, sanz conpaignie de gent, Tant qu'il trova .i. lit d'argent (...), Et sor le lit une pucele, Gente de cors et de vis bele De totes biautez a devise (Er 5835). Se vos m'aviez tuit en ordre Li uns aprés l'autre a devise Fet tant d'enor et de servise Con an porroit feire a .i. home, Par toz les sainz qu'an prie a Rome, Ja plus boen gré ne l'an savroie, Qant la bonté prise en avroie, Que je faz de la volanté. (La 2477). Mes la dameisele repeire, Qui li vialt conpaignie feire Et solacier et deporter Et porchacier et aporter Quanque il voldra a devise. (Yv 1547).

    - "Parfaitement, admirablement" : Mes ainz sera la mers de glace Que l'an .i. tel chevalier truisse Qui el palés demorer puisse, Qu'il le covandroit a devise Saige et large, sanz coveitise, Bel et franc, hardi et leal, Sanz vilenie et sanz nul mal. (Pe 7341).

    - "Entièrement, sans réserve" : Dameisele, se Dex m'aïst, Je vos an promet a devise Que je mete an vostre servise, Qant vos pleira, tot mon pooir, Mes que vos m'an dites le voir. (La 623). Je sui de ceste terre rois, Si vos offre tot a devise Tot mon consoil et mon servise (La 3341). Cil qui les lut lor sot bien dire Ce qu'il vit escrit an l'alue, Et dit que Lanceloz salue Le roi, come son boen seignor, Si le mercie de l'enor Qu'il li a fet et del servise, Come cil qui est a devise Trestoz an son comandemant. (La 5262). Einz mes, fet ele, n'oï tel, Que si vos metez a devise Del tot an tot en ma franchise Sanz ce que nes vos en esforz. (Yv 1983).

    - "Certainement" : Mes an le puet tenir por fol De la joste qu'il a enprise Vers .i. des meillors a devise Que l'en sache an tost cest païs. (Cl 4628). Et Jehanz maintenant respont, Qui mout desirre la franchise : « Sire, fet il, tot a devise N'est chose que je ne feïsse, Mes que par tant franc me veïsse, Et ma fame et mes anfanz quites. (...) » (Cl 5438). Qui fet enor, l'anors est soe : Bien saches que l'enors iert toe Se tu fez enor et servise A cestui qui est a devise Li miaudres chevaliers del monde. (La 3218). La dameisele fu treciee A .ii. treces grosses et noires, Et, se les paroles sont voires Tex con li livres les devise, Onques riens si leide a devise Ne fu neïs dedanz anfer. (Pe 4594).

    2. (Tot) à sa devise. "À son gré" : N'i a nul qui n'ait robe vaire De riche paisle d'Alixandre, Chascuns tel com il la volt prandre A son voloir, a sa devise. (Er 1969). Male chose a en covoitise, Mes ne fu pas a lor devise Que bien i fu mise desfansse (Er 2936). Par l'un et par l'autre justise Tote la terre a sa devise. (Cl 2556). A tort sui apelee dame, Mes bien sai, qui dame m'apele Ne set que je soie pucele, Neïs vostre oncles nel set mie, Qu'il a beü de l'endormie, Et veillier cuide quant il dort, Si li sanble que son deport Ait de moi tot a sa devise, Ausi con s'antre mes braz gise (Cl 5187). Del soper vos dirai briemant Qu'il fu del tot a ma devise, Des que devant moi fu assise La pucele, qui s'i assist. (Yv 251). Je sui preste, Einz que vos entroiz an la queste, Que je vos plevisse ma foi ; Et jurerai, s'il vient a moi, Que je, sanz guile et sanz feintise, Li ferai tot a sa devise Sa pes, se je feire la puis. (Yv 6608). La nuit ot messire Gauvains Ostel et oste a sa devise, Qu'il prist mout an gré le servise Au notonier et mout li plot. (Pe 7241).

    - En partic. "En suivant sa volonté, selon ses conditions" : Et neporquant bien fust vestue, Se ge sofrisse qu'el [= ma fille] preïst Ce que l'an doner li vossist ; (...) Ne n'a an trestot cest païs Nul baron, tant soit de haut pris, Qui ne l'eüst a fame prise Volantiers tot a ma devise. (Er 528). Erec a ce consoil se tient Et dit que tot a sa devise [= de Guivret] Vialt que la voie soit anprise. (Er 5241). Alixandres venir la voit ; Contre li vet, si li demande Que li rois a feire comande De ses prisons et qu'il en iert. « Amis, fet ele, il me requiert Que je li rande a sa devise, Si l'an les feire sa justise. (...) » (Cl 1407). Lanceloz tot a sa devise Le sairemant sor sainte eglise Li fet, qu'il revandra sanz faille. (La 5495). ...Einz li plevist qu'il s'iroit randre A la dame de Norison, Si se metroit an sa prison Et feroit peis a sa devise. (Yv 3283). Lors dit au lyon qu'il se traie Arrieres et toz coiz se gise ; Et cil le fet a sa devise. Li lyons s'est arrieres trez. (Yv 4466). Ou vos feroiz a ma devise Tot quanque ge deviserai Sanz feire tort, ou ge dirai Que mes niés est d'armes conquis. (Yv 6406). Biau sire, et je le voel A vostre devise amander. Ja rien ne savroiz comander Que je ne soie prest del fere. (Pe 3927).