I. Empl. trans.

A. "Mettre en pièces"

    - "Briser (une arme)" : Mes por neant vos esmaiez Jusqu'a itant que vos voiez Que mes escuz iert depeciez Et ge dedanz le cors bleciez (Er 5791). An l'estor est aprés son frere Et aprés son seignor venuz, Qui mout bien s'i est maintenuz An la meslee une grant piece, Qu'il ront et fant et si depiece Escuz et lances et haubers. (La 2400). Et les haubers ont si deroz Et les escuz si depeciez N'i a celui ne soit bleciez. (Yv 6123).

    - "Déchirer, lacérer (la peau, la chair)" : Dame, fet il, or est plus let : Si m'a li nains cuiverz blecié Que tot le vis m'a depecié (Er 236). Mervoille iert se vive an eschap, Car trop m'ont li mire bleciee, Ma char ronpue et depeciee (Cl 6192).

    - "Tailler en pièces, massacrer (un être vivant)" : Bien sot par parole enivrer Bricon des qu'ele [= Énide] i met l'antante ; Mialz est asez qu'ele li mante, Que ses sires fust depeciez. (Er 3413). Certes, fet ele, chevaliers, Je criem que mal soiez venuz : Se vos estes ceanz tenuz, Vos i seroiz toz depeciez, Que mes sire est a mort plaiez Et bien sai que vos l'avez mort. (Yv 979). Sire, ge ne l'esveilleroie, Fet la pucele, einz me leiroie Trestote vive depecier, C'onques nul home n'oi si chier Ne n'avrei mes tant con ge vive. (Pe 6335). Onques ne me prenoie garde Cui j'alasse contraliant, Einz le feisoie a esciant, Por ce que trover an volsisse .I. si ireus que gel feïsse A moi irestre et correcier Por moi trestote depecier, Que piece a volsisse estre ocise. (Pe 8688). Si le tranche [= le serpent] jusqu'anz enz* [l. en] terre Et les .ii. mitiez retronçone, Fiert et refiert, et tant l'en done Que tot le demince et depiece. (Yv 3375).

B. "Défigurer, fragmenter (une histoire)" : D'Erec, le fil Lac, est li contes, Que devant rois et devant contes Depecier et corronpre suelent Cil qui de conter vivre vuelent. (Er 21).

C. "Détruire, anéantir" : S'il [= Alexandre] avoit le san Salemon Et se Nature mis eüst An lui tant que plus ne peüst De biauté metre an cors humain, Si m'eüst Dex mis an la main Le pooir de tot depecier, Ne l'an querroie correcier, Mes volantiers, se je savoie, Plus sage et plus bel le feroie. (Cl 903). Trop est Dex de grant pacience Qant il te done avoir puissance Des soes choses depecier. (Cl 5733). Et de ce ne sont pas irié Que li mal pas sont depecié, Se va et vient qui onques vialt (La 4116).

    - [Le compl. d'obj. dir. désigne une chose abstraite] "Mettre fin à qqc." : Joie depiece et si esface La dolor qui ençois i ert, Li diaus s'an fuit, si i apert Joie, qui formant les rapele. (La 6816). Ne cist ne cil ne la vialt prendre [= la couronne de la victoire], Einz fet chascuns par force entendre Au roi et a totes ses genz Qu'il est oltrez et recreanz. Mes li rois la tançon depiece, Quant oïz les ot une piece (Yv 6357).

II. Empl. intrans. "Se briser" : As fers des lances se requierent, Par si grant vertu s'antrefierent Que li escu piercent et croissent, Les lances esclicent et froissent, Depiecent li arçon derriers. (Er 871).

III. Part. passé en empl. adj. Depecié. "Mis en pièces" : Par mautalant et par corroz, Flati a la terre s'espee, Qui tote estoit ansanglanté* [l. ansanglantee], Et son escu tot depecié (Yv 6265).