A. "Espace découvert et clos attenant à un édifice" : .I. petit est avant passez Et vit gesir sor uns degrez Un vavasor auques de jorz, Mes mout estoit povre sa corz (Er 376). Parmi la porte antre an la cort, Li vavasors contre lui cort (Er 383). Devant lui vint enmi la cort, Et li rois Lac aprés li cort. (Er 2681). Erec corrut son escu prandre, Par la guige a son col le pant ; Et Enyde la lance prant ; Si s'an vienent parmi la cort. (Er 4851). Chascuns de monter s'aprestoit Et a la cort et as ostés. (Er 5649). Enmi la cort, sor un tapiz, Ot .xxx. muis d'esterlins blans (Er 6628). Li escuier et li cheval Remestrent an la cort aval (Cl 302). Par les fenestres contre val Les ont enmi la cort lanciez, Si que tuit troi ont peçoiez Cos et costez et braz et janbes. (Cl 5963). Et sachiez que li seneschax Fu toz armez, et ses chevax Fu enmi la cort amenez (La 201). Enmi la cort au vavasor, Cui Dex doint et joie et enor Tant com il fist moi cele nuit, Pendoit une table (Yv 209).

B. "Lieu où résident un souverain et sa suite" : Je ne cuit nul leu demorer, Se ne sui pris ou retenuz, Tant qu'a la cort soie venuz Le roi Artus, que veoir vuel A Quarrois ou a Quaraduel. (Er 5232). Li rois Evrains ot les noveles, Que tex genz a sa cort venoient Qui grant conpaignie menoient Et bien resanbloit au hernois Que lor sires fust cuens ou rois. (Er 5495). Oïl, sire, bien le conui, Car a la cort le roi Lac fui Mainz jorz, ainz que chevaliers fusse (Er 5990). Einçois qu'il fust prime de jor, Furent a cort venu li Gré. (Cl 299). Mes s'a ma cort voloit venir Cist chevaliers o nos deduire, Ne li devroit grever ne nuire. (Cl 4916). Qant Cligés antant le murmure, A la cort vint grant aleüre, Mes n'i ot joie ne deduit, Car triste et mat estoient tuit Por l'empererriz qui se faint (Cl 5592). Or a tot fet quanque il vialt Meleaganz, aprés s'aquialt Droit a la cort le roi Artu. (La 6149). Messire Yvains de la cort s'anble Si qu'a nul home ne s'asanble, Mes seus vers son ostel s'en va. (Yv 721). Sire, il avint mout grant pieç'a Que li rois de l'Isle as puceles Aloit por apanre noveles Par les corz et par les païs. (Yv 5251). Qant grant furent vostre dui frere, Au los et au consoil lor pere Alerent a .ii. corz reax Por avoir armes et chevax. (Pe 459).

C. "Entourage d'un souverain" : Qui le blanc cerf ocirre puet Par reison beisier li estuet Des puceles de vostre cort La plus bele, a que que il tort. (Er 47). Au consoil grant partie cort Des mellors barons de la cort. (Er 312). De la cort le roi Artus sui, Bien ai esté .iii. anz a lui. (Er 653). Mes se de rien nule m'amez, Ce chevalier quite clamez Par tel covant de la prison Que il remaigne an ma meison, De ma mesniee et de ma cort, Et s'il nel fet, a mal li tort! (Er 1225). Cil gaires preier ne s'an fist, La remenance a otroiee, Puis fu de cort et de mesniee. (Er 1234). Por esgarder s'il les verroient, As fenestres monté estoient Li meillor baron de la cort. (Er 1503). Congié li done et si li prie Qu'au plus tost qu'il porra retort, Car n'avoit baron en sa cort Plus vaillant, plus hardi, plus preu, Fors Gauvain, son tres chier neveu : A celui ne se prenoit nus (Er 2230). Oï ot feire menssion Del roi Artus qui lors reignoit Et des barons que il tenoit An sa conpaignie toz jorz, Par qu'estoit dotee sa corz Et renomee par le monde. (Cl 70). Trop avez esté a genolz : Relevez sus, jel vos comant, Et soiez des ore en avant De ma cort et de mes privez, Qu'a boen port estes arivez. (Cl 377). Trestote la corz s'an mervoille Ou ce que il despant est pris, Qu'il done a toz chevax de pris Que de sa terre ot amenez. (Cl 408).

D. "Assemblée de vassaux réunie par le souverain pour régler une question importante ou pour une solennité" : ...Ou tu manderas an ta terre Tot ton pooir jusqu'a .vii. jorz, Que a Pantecoste ert la corz Le roi Artus an Orcanie (Pe 8622). La voie n'est longue ne griés, Que a la cité d'Orcanie A li rois sa cort establie A tenir a la Pantecoste. (Pe 8828). Va s'an li rois, ja sevent tuit Que Lanceloz (...) Est venuz toz sains et haitiez, S'an font grant joie tuit ansanble, Et por lui festoier s'asanble La corz qui lonc tans l'a bahé. (La 6813). Quant la corz fu tote asanblee, N'ot menestrel an la contree Qui rien seüst de nul deduit, Qui a la cort ne fussent tuit. (Er 1983). Quant la corz fu tote asanblee, Einçois que tierce fust sonee, Ot adobez li rois Artus .IIII. cenz chevaliers et plus, Toz filz de contes et de rois (Er 6597). Ensi les noces et la corz Durerent plus de .xv. jorz A tel joie et a tel hautesce. (Er 2065). Mes einçois que la corz fausist, Li rois a ses chevaliers dist Qu'il voloit le blanc cerf chacier Por la costume ressaucier. (Er 35). Atant est la corz departie. (Er 2080). Ne li ofrez mie avenant, Fet li rois, que plus i estuet, S'ele plus porchacier se puet, Au moins jusqu'a .xiiii. jorz Au jugemant de totes corz. (Yv 4796). Amie, a cort real Doit en atendre, par ma foi, Tant con la justise le roi Siet et atant por droiturier. (Yv 5904).

    - Avoir cort. "Tenir cour" : Cele querras, jel te comant, Et li diras que ge li mant Que ge n'anterrai a nul plet An cort que li rois Artus et Tant que la bufe ert vangiee, Dont el sera joianz et liee. (Pe 3960).

    - Tenir cort. "Tenir cour" : Au jor de Pasque, au tans novel, A Quaradigan, son chastel, Ot li rois Artus cort tenue. (Er 29). Et dit qu'a une Acenssion Li rois Artus cort tenue ot, Riche et bele tant con lui plot, Si riche com a roi estut. (La 31). Ce jor tenoit cort mout joieuse Li rois a Bade sa cité. (La 6234). Artus, li boens rois de Bretaingne, (...) Tint cort si riche come rois A cele feste qui tant coste, Qu'an doit clamer la Pantecoste. (Yv 4). Et si le fist tant demorer Que toz li anz fu trespassez Et de tot l'autre encor assez, Tant que a la mi aost vint, Que li rois cort et feste tint. (Yv 2680). Et li dui chevalier ansanble Ne vostrent en vile descendre, Einz firent lor paveillon tendre Fors de la vile et cort i tindrent, C'onques a cort de roi ne vindrent, Einçois vint li rois a la lor... (Yv 2689). ...Et se li diras antresait Que ja n'anterrai por nul plait An cort que li rois Artus teigne, Por nule chose qui aveigne, Tant que vangence an avrai prise. (Pe 2319). Clamadex tot an itel guise Se met aprés Anguinguerron Tot droit anvers Disnadaron, Ou li rois Artus cort tenoit. (Pe 2731). Aprés ont lor voie tenue Andui a Carlion tot droit, Ou li rois Artus cort tenoit A feste, bien priveemant, Qu'il n'i avoit que seulemant .III.M. chevaliers de pris. (Pe 3986). Et li vaslez a tant alé Qu'il est venuz a la cité D'Orcanie, ou li rois tenoit Cort si grant con il plus devoit. (Pe 8918).

    . Tenir cort enforciee / esforciee. "Tenir court plénière" : Bien l'a par ses escloz seü Jusqu'a Disnadaron an Gales, Ou li rois Artus an ses sales Cort mout esforciee tenoit. (Pe 2753). Kex, dist li rois, leissiez m'an pes, Que ja par les ialz de ma teste Ne mangerai a si grant feste, Por que cort anforciee tiegne, Tant qu'a ma cort novele viegne. (Pe 2823).