Empl. intrans. "Demeurer, séjourner" : Par foi, fet il, ne sai qu'an die, Mes a grant mervoille me tient. Ce fu fantosme, se devient, Qui antre nos a conversé. Maint chevalier a hui versé Et des meillors les foiz an porte, Qui ne verront ouan sa porte Ne son païs ne sa contree (Cl 4697). Cligés voit la meison sostainne, Que nus n'i maint ne ne converse. (Cl 5497). Ensi l'empererriz se garde, Que nus mires ne s'an prant garde, N'ele ne vialt mangier ne boivre, Por l'empereor mialz deçoivre, Tant que tote est et pale et perse. Et sa mestre antor li converse... (Cl 5652). Et tant conversa el boschage, Com hom forsenez et salvage, C'une meison a .i. hermite Trova, mout basse et mout petite (Yv 2827). Por ce li plest a converser An ce repere ci elués, Qu'an tot le mont n'a a son oés Nul si bien aeisié repere, Et si a fet tel meison fere Com il covient a riche roi. (Pe 3514). Messire Gauvains tot remire Les rivieres et terres plainnes Et les forez de bestes plainnes, S'an a son oste regardé Et si li dist : « Ostes, (ostes), par Dé, Ci me plest mout a converser Por aler chacier et berser An ces forez ci delez nos. (...) » (Pe 7757).