"Réconfort, consolation" : Quant ge ai delez moi ma fille, Tot le mont ne pris une bille ; C'est mes deduiz, c'est mes deporz, C'est mes solaz et mes conforz, C'est mes avoirs et mes tresors, Je n'ain tant rien come son cors. (Er 544). Mes se mes sires ert ci morz, De moi ne seroit nus conforz, Morte seroie et malbaillie. (Er 2968). Et neporquant de tel afaire Poez estre et de tel renon Qu'il ne m'an sera se bel non ; Et mout voldroie par proiere, S'estre puet an nule meniere, Que je vostre droit non seüsse, Por ce que confort an eüsse. (Er 5968). Ses mains detuert et ront ses dras, Si se repasme a chascun pas, Ne riens ne la puet conforter, Que son seignor en voit porter Devant li, en la biere, mort, Don ja ne cuide avoir confort (Yv 1162). Vos esteiez toz li conforz Que je avoie, et toz li biens, Que il n'i avoit plus des miens. (Pe 482). Espoir ou vos ne volez mie Estre delivre de la mort, Ou vos despisiez le confort Que je vos faz de vos eidier. (Yv 3746).

    - Faire confort à aucun. "Réconforter, consoler qqn" : Mes des dames et des puceles, Des mialz vaillanz et des plus beles, La suioient une partie Par amor et par conpaignie, Et por celi feire confort A cui la Joie enuioit fort, Por ce qu'il li estoit avis C'or ne seroit mes ses amis Avoec li tant con il soloit, Quant il del vergier issir doit. (Er 6161).