I. Empl. trans.

A. Comander aucune chose (à aucun). "Commander, ordonner qqc. (à qqn)" : Rien nule a feire ne redot Que moi vos pleise a comander (Yv 1991). Ja rien ne savroiz comander Que je ne soie prest del fere. (Pe 3928). Et se je Deu voie an la face, Ja mes n'iert jorz que je ne face Quanque vos pleira comander. (La 6593). Mes je ne conterai huimés, Se ma dame m'an leisse an pes, Et je li pri qu'ele s'an teise, Que la chose qui me despleise Ne me comant, soe merci. (Yv 123). Mes garde bien, ce te comant, S'est nus qui de moi te demant, Que ja noveles li an dies. (Yv 737). Cil cui ele l'ot comandé Li a le mantel aporté Et le bliaut qui jusqu'as manches Estoit forrez d'ermines blanches (Er 1573). ...Einz a ses armes demandees. Cil cui il les ot comandees Les aporta plus tost qu'il pot. (Pe 2640). Et li prodom l'espee a prise, Se li ceint et si le beisa, Et dit que donee li a La plus haute ordre avoec l'espee Que Dex a fete et comandee, C'est l'ordre de chevalerie (Pe 1634). Erec monte antre les arçons, Puis se prant Enide a l'estrier Et saut sor le col del destrier, Si con li comanda et dist Erec, qui sus monter la fist. (Er 4869). L'andemain vint a cort Jehanz, Et li empereres le mande, Si li dit et prie et comande : « Jehan, s'onques feïs boene oevre, Or i met ton san et descuevre En une sepolture ovrer, Tele qu'an ne puisse trover Si bele ne si bien portreite. » (Cl 5998).

    - Se aucuns le comande. "Si qqn le veut bien, si qqn le désire" : Et sachiez bien certainnemant Qu'il est avoec le roi Artu, Plains de santé et de vertu, Et dit qu'a la reïne mande C'or s'an vaigne, se le comande, Et messire Gauvains et Ques (La 5268).

    - Comander (à aucun) + inf.. : Sa pucele comande aler Isnelement a lui parler : « Dameisele, fet la reïne, Ce chevalier qui la chemine Alez dire qu'il vaigne a moi Et amaint sa pucele o soi. » (Er 153). Au main quant l'aube est esclarcie, Erec s'atorne de l'aler, Ses chevax comande anseler (Er 1412). Ses chevax comande anseler Et fet ses armes aporter. (Er 4255). Ma dameisele, ce bliaut, Qui plus de .c. mars d'argent vaut, Vos comant cest cheinse changier (Er 1617). Aprés, por la joie angraignier, Comanda .c. vaslez baignier, Que toz les vialt chevaliers faire. (Er 1964). Sa fame comande atorner, Des qu'il ot le congié del roi (Er 2238). Li rois fist maintenant monter, Qu'il ot oïes les noveles, Clers et chevaliers et puceles, Et comande les corz soner Et les rues ancortiner De tapiz et de dras de soie Por son fil reçoivre a grant joie. (Er 2279). Les .iii. chevax li comandoit Devant li mener et chacier (Er 2912). Si ot comandé aporter Tantes et pavellons et trez. (Er 3926). Or lessiez la parole ester, Et si comandez aprester Le souper et les tables metre. (Er 4234).

    - Comander (à aucun) à + inf.. : Puis a fet .i. suen escuier Par une pucele apeler, Si li comande a anseler Son riche palefroi norrois (Er 2614). Et Erec un autre apela, Si li comande a aporter Ses armes por son cors armer. (Er 2621). Or vos comant a retorner. (Er 3646). Aprés souper ne tardent gaire, Comandent les napes a traire. (Er 4242). Quant li rois voit qu'ele demore, Gauvain i comande a aler Por Enyde el palés mener. (Er 6751). Contre li vet, si li demande Que li rois a feire comande De ses prisons et qu'il en iert. (Cl 1404). ...Et li rois meïsmes esgarde Qu'an doit traïtor traïner. Lors les comande a amener (Cl 1424). Si lor comande a aporter Trois peires d'armes desparoilles (Cl 4554). La comanda la pierre a traire Et le merrien por la tor faire. (La 6125). Ne l'oi mie bien salué, Quant il me vint a l'estrié prendre, Si me comanda a descendre. (Yv 200).

    - Comander (à aucun) que + subj. : Puis comande qu'an li aport Escu et lance roide et fort (Er 671). Au costé l'espee li ceint, Puis comande qu'an li amaint Son cheval, et l'an li amainne (Er 718). Puis comanda a un sergent Qu'an l'estable lez son destrier Alast le palefroi lier. (Er 1400). Lors a son chainse desvestu Quant ele an la chanbre fu, Puis vest son bliaut, si s'estraint, D'un orfrois mout riche se ceint Et son chainse por amor Dé Comande que il soit doné, Et le mantel aprés afuble. (Er 1630). Li rois Artus ne fu pas chiches : Bien comanda as penetiers Et as queuz et aus botelliers Qu'il livrassent a grant planté, Chascun selonc sa volanté, Et pain et vin et veneison (Er 2007). Lors comanda qu'an li amaint Le bai de Gascoigne anselé (Er 2658). Del mener est Enyde an painne : Les .v. avoec les .iii. li baille, Si li comande que tost aille Et de parler a lui se taigne, Que max ou enuiz ne l'an vaigne. (Er 3074). Erec a la dame comande Qu'ele dorme, et il veillera (Er 3084). Mout se despoire et desconforte, Car son seignor dire ne l'ose, Qu'il la menace mout et chose Et comande qu'ele se teise. (Er 3711). Ci se test li rois et repose, Si lor comande qu'il s'asieent (Er 6569).

    - Empl. abs. : Maintenant abeisse et acoise Par le palés tote la noise, Et l'empereres dit au mire C'or li loist comander et dire Sa volanté tot a delivre (Cl 5834). Lors ont le chapelain mandé, Si con li cuens ot comandé, Et la dame ront amenee (Er 4730). « (...) Mes or vos metez au retor Et gardez, quant il iert venuz, Qu'il soit an tel prison tenuz Qu'il n'isse de la prison fors Ne n'ait nul pooir de son cors, Et maintenant le me mandez. - Fet iert si con vos comandez », Fet li seneschax. (La 6104).

    . Se vos comandez. "Si vous désirez, s'il vous plaît" : Or oez, se vos comandez : Quant la corz fu tote asanblee, Einçois que tierce fust sonee, Ot adobez li rois Artus .IIII. cenz chevaliers et plus, Toz filz de contes et de rois (Er 6596). Maintenant devant lui s'an va, Si li dist : « Se vos comandez, Sire, toz voz mires mandez (...). » (Cl 5672). Mes .i. don vos demant et ruis, Se vos plest et vos comandez, Que vos mon non ne demandez Devant .viii. jorz, si ne vos griet. (Pe 8097).

    . Por comander. "En indiquant sa volonté" : Mes tant vos resai de haut cuer Que je n'os desdire a nul fuer Rien qui vos pleise a demander, Car seulemant por comander Seroit il fet, ce sachiez bien. (Cl 3946).

    - Passif impers. : Et maintenant a demandé, Si con il li fu comandé : « Li quex de vos est Lanceloz ? (...) » (La 5064).

    - [Le suj. est une chose abstraite] : Et ce mout volentiers savroie Don cele force puet venir Qui vos comande a contenir* [l. consentir] A mon voloir, sanz contredit (Yv 2010). Li sires, qui ot pris congié, Ot ce que sa fille demande, Si dist : « Fille, qui vos comande Venir clamer as chevaliers ? » (Pe 5318).

B. "Recommander, confier"

    1. Comander aucun à aucun. "Remettre qqn aux soins de qqn" : Ja de moi n'iroiz escondiz : Tot a vostre comandemant Ma bele fille vos comant. (Er 676). Le roi Artus a Kex traï, Son seignor, qui tant le creoit Que comandee li avoit La rien que plus ainme an cest monde. (La 4856).

    - En partic. "Recommander qqn à Dieu" : Je m'an vois, a Deu vos comant. (Er 271). Puis lor dist : « A Deu vos comant. » (Er 1434). Li cuens beise Erec et sa niece, Si les comande a Deu le pi. (Er 1437). Et la reïne autresimant A Deu, qui de mal le desfande, Plus de .v.c. foiz le comande. (Er 274). Si les comande toz a Dé Et il i ront lui comandé. (Er 4277, 4278). Atant se departent tuit troi, S'a li uns l'autre comandé Mout deboneiremant a Dé. (La 701). Mon boen oste et sa fille chiere Au Saint Esperit comandai (Yv 273). Et cil qui sont remés arriere Le comandent au Salveor (Yv 4163). A lui armer mout grant duel ot, Que toz et totes an pesa, Et il toz et totes les a Comandees au roi des rois, Puis monta el cheval norrois Que l'an li avoit amené (Pe 2645).

    2. Comander aucune chose à aucun. "Confier qqc. à la garde de qqn" : Toz ses barons fist amasser Por consoil querre et demander A cui il porra comander Eingleterre tant qu'il reveingne, Qui an pes la gart et mainteingne. Par le consoil de toz ansanble Fu comandee, ce me sanble, Au conte Angrés de Guinesores (Cl 420, 424). Cil li ont conté le message Que trop puet an Bretaingne ester, Car cil li voldra contrester Cui sa terre avoit comandee (Cl 1053). Celui qui ses armes gardoit Quenut, et si li comanda S'espee, et cil la li garda. (Pe 3171). Or vos reparlerai del dart Qui m'est comandez et bailliez, Comant il est fez et tailliez. (Cl 763). Li chevaliers n'a cuer que un Et cil n'est mie ancor a lui, Einz est comandez a autrui Si qu'il nel puet aillors prester. (La 1230). Autrui, par le mien esciant, Avez bailliee et comandee L'amor que vos ai demandee. (La 5487).

II. Empl. pronom. Soi comander à aucun. "Se confier à qqn, s'en remettre à qqn" : Et qui a Amor se comande Son mestre et son seignor an feit (Cl 3842). Car li vilains dit an sa verve : « Qui a prodome se comande Malvés est se de lui n'amande ». (Cl 4525).