"Charrette" : Qui lors veïst dras anmaler, Et covertors et orelliers, Cofres anplir, trosser somiers Et chargier charretes et chars, Dont il n'i ot pas a eschars, Tantes et pavellons et trez, Uns clers sages et bien letrez Ne poïst escrire an .i. jor Tot le hernois et tot l'ator Qui fu aparelliez tantost. (Pe 4127). De fer i ot bien une charre Tant con une charrete porte. (Pe 4877).

    - En partic. "Charrette d'infamie à l'époque arthurienne" : N'i a pas granmant aresté, Einz passe outre grant aleüre, Tant qu'il revit par avanture Le chevalier tot seul a pié (...) Si ot une charrete atainte. De ce servoit charrete lores Don li pilori servent ores, Et en chascune boene vile, Ou or en a plus de .iii. mile, N'en avoit a cel tans que une, Et cele estoit a ces comune, Ausi con li pilori sont, A ces qui murtre et larron sont, Et a ces qui sont chanpcheü, Et as larrons qui ont eü Autrui avoir par larrecin Ou tolu par force an chemin. (La 320, 321). Qui a forfet estoit repris, S'estoit sor la charrete mis Et menez par totes les rues (La 334). Por ce qu'a cel tens furent tex Les charretes et si cruex, Fu premiers dit : « Qant tu verras Charrete et tu l'ancontreras, Fei croiz sor toi, et te sovaigne De Deu, que max ne t'an avaigne. » (La 340, 342). Mes Amors est el cuer anclose Qui li comande et semont Que tost an la charrete mont. (La 372). Qant messire Gauvains l'oï, Si le tint a mout grant folie Et dit qu'il n'i montera mie, Car trop vilain change feroit Se charrete a cheval chanjoit. (La 392). Del chevalier, que cil aporte Sor la charrete, se mervoillent Les genz, mes mie nel consoillent, Einz le huient petit et grant, Et li veillart et li anfant, Parmi les rues a grant hui (La 403). Honiz est chevaliers an terre Puis qu'il a esté an charrete (La 487). L'ore que charrete fu primes Pansee et feite soit maudite, Car mout est vix chose et despite. (La 2608).

    . [Titre (ou élément du titre) du roman de Chrétien, continué par Godefroy de Lagny] : Del Chevalier de la Charrete Comance Crestiens son livre (La 24). Godefroiz de Leigni, li clers, A parfinee la Charrete, Mes nus hom blasme ne l'an mete Se sor Crestien a ovré, Car ç'a il fet par le boen gré Crestien qui le comança. (La 7103).