"Bruit, tapage, vacarme" : Lances brisent et escuz troent, Li hauberc faussent et descloent, Seles vuident, chevalier tument ; Li cheval suent et escument. La traient les espees tuit Sor cez qui chieent a grant bruit (Er 2114). Par l'ost corent les armes prandre, Si se fierent an l'ost a bruit : Chascuns de ces de la s'anfuit, Qui lor remenance n'i voient. (Cl 1325). Ez vos le tornoi comancié Et li bruiz et l'escrois des lances. (Cl 4747). Enyde ot la noise et le bruit De lor armes, de lor chevax, Et vit que plains estoit li vax. (Er 3538). Mes a grant eise reposa Et dormi trestote la nuit, Qu'an ne li fist noise ne bruit. (Er 5130). A l'esmovoir a mout grant noise Et grant bruit par totes les rues, Car les granz genz et les menues Disoient tuit : « Haï !Haï ! Chevaliers, Joie t'a traï, Ceste que tu cuides conquerre ; Mes ta mort et ton duel vas querre. » (Er 5653). Mout i avra demain grant bruit Quant il seront assanblé tuit (Er 563). Aprés lui ot grant bruit de gent : Li chevalier et li sergent Et les dames corent aprés Et les puceles a eslés. (Er 789). Par les rues et par les places Vont querolant totes et tuit. Mout orent el chastel grant bruit, Que nus nes asaut ne guerroie. (Pe 2744). L'ostel gaires esloignié n'oi Qant je trovai en uns essarz Tors salvages, ors et lieparz Qui s'antreconbatoient tuit Et demenoient si grant bruit Et tel fierté et tel orguel, Se voir conuistre vos an vuel, C'une piece me treis arriere (Yv 280).