I. Empl. trans.

A. [Le compl. d'obj. désigne une pers.]

    1. Vengier aucun (d'aucun). "Dédommager qqn en punissant son offenseur " : Quant li autres vit celui mort, S'il l'an pesa, n'ot mie tort ; Par mautalant vangier le va. (Er 4425). El chastel avoit grant moleste Del conte qui estoit ocis ; Mes n'i ot nul, tant fust de pris, Qui voist aprés por le vangier. (Er 4877). Quant il ot mangié et beü, Furent par leanz espandu Li chevalier qui le queroient, Qui lor seignor vangier voloient, Qui ja estoit an bieres mis. (Yv 1056). Et si disoit messire Ques : « Por Deu, qu'est ore devenuz Messire Yvains, qui n'est venuz, Qui se vanta aprés mangier Qu'il iroit son cousin vangier ? (...) » (Yv 2182). Beneoit soient li santier Par ou il vint a mon ostel, Car d'un mien anemi mortel Me vencha, don si lié me fist Que tot veant mes ialz l'ocist. (Yv 4903). « (...) Sire, dist Yonez au roi, Par mon chief, il mande par moi A la pucele la reïne, Que Kex feri par ahatine, Par mal de lui et par despit, Qu'il la vangera, se il vit Et s'il an puet venir an leu. » (Pe 1246). Mes ce li vint bien a creant Que an la prison se metroit Le roi Artus et si diroit A la pucele son message, Que Kex feri par son oltrage, Dont il li fist si tres grant duel, Mes il la vangera son vuel, Se Dex l'an vialt force doner. (Pe 2696). « (...) Mes il dist qu'il la vangera, Se Damedex le li consant. » (Pe 2860). Et il meïsmes de ses mains Ocist de mes cosins germains .I. chevalier vaillant et preu. Onques ne poi venir an leu De lui vangier an nule guise. (Pe 8519).

    - Vengier Forré.

Rem. Voir FORRÉ

    2. Vengier aucun d'aucune chose. "Venger qqn d'(un affront)" : ...Et il li dist : « Cil me pria, Pucele, qui ça m'anvea, Que de par lui vos saluasse Ne ja mes piez ne remuasse Tant que je vos eüsse dit Que ja puis Dex ne li aït Qu'il anterra por rien qu'aveigne An cort que li rois Artus teigne Tant que il vos avra vangiee De la bufe et de la frangiee Qui por lui donee vos fu. » (Pe 4051).

B. [Le compl. d'obj. désigne une chose] Vengier aucune chose. "Tirer réparation de qqc." : « (...) Ancores n'ai ge pas vangié Le let que cil vasax sofri, Quant ses nains el bois me feri. » (Er 918). « Haï! fet ele, ce est il. Mout a esté an grant peril ; Conbatuz s'est. Ce ne sai gié Se Erec a son duel vangié Ou se cist a Erec vaincu (...). » (Er 1144). De mautalant li sans li troble, Mes force et hardemanz li doble, Et vet ferir de tel angoisse Le conte que sa lance froisse, Car volantiers, se il pooit, La mort son ami vangeroit. (Cl 1886). Et se je muir por lui a tort, S'il vit, il vengera ma mort. (Cl 6464). Messire Yvains maintenant monte, Qu'il vangera, s'il puet, la honte Son cosin einz que il retort. (Yv 746). Bien a vangiee, et si nel set, La dame la mort son seignor ; Vangence en a feite greignor Que ele panre n'an seüst S'Amors vangiee ne l'eüst, Qui si dolcemant le requiert Que par les ialz el cuer le fiert (Yv 1364, 1368). N'en a pitié ne tant ne qant, Mes de ce se voit mout en grant Des cos vangier que l'en li done. (Yv 3221). ...Que ainz que past une semainne Avra li chevaliers vangié Le cop qu'il me dona del pié, Et la bufe ert mout chier vandue Et bien conparee et randue Que il dona a la pucele (Pe 1261). « Danz rois, se Dex me beneïe, Or iert bien vangiee la bufe, Et si nel tenez mie a trufe, Que le braz brisié en avra, Ja si garder ne s'an savra, Et desnoee la chanole. » (Pe 2865).

    - Prov. Tieus cuide vengier sa honte qui l'acroist. "Tel pense venger sa honte qui l'accroît" : Mes tiex cuide, se il li loist, Vangier sa honte qui l'accroist. (Cl 2892). Itant bien prometre vos vuel Que, se ge puis, je vangerai Ma honte ou je la crestrai (Er 245). Erec regarde vers s'amie Qui mout dolcemant por lui prie; Tot maintenant qu'il l'ot veüe, Se li est sa force creüe, Por s'amor et por sa biauté A reprise mout grant fierté ; Remanbre li de la reïne Qu'il avoit dit an la gaudine Que il sa honte vangeroit Ou il ancore la crestroit. (Er 915). Er 246 et 915 sont des proverbes « intégrés » pour Schulze-Busacker 1985 p. 313

Rem. Voir HONTE

    - Vengier son ire à aucun. "Passer sa colère sur qqn" : Ha ! sire Kex, plus belemant, Fet il, le me poïssiez dire. Cuidiez vos or vangier vostre ire Et vostre mautalant a moi ? (Pe 4382).

II. Empl. pronom. Soi vengier (d'aucun / d'aucune chose). "Se venger (de qqn / de qqc.)" : « (...) Et ma dame ausi mangera, Vostre fame, qui mout a hui Por vos esté an grant enui ; Mes bien vos en estes vangiez. Eschapez estes, or mangiez, Et je mangerai, biax amis. » (Er 5117). Et ses genz avoec lui se rangent Au desreien jornel se vangent, Si bien que de rien ne se faignent. (Cl 2004). Certes, il ne se poïst mialz De toi vangier, en nule guise (Yv 4179). Antree estes an male painne, Que ja ne mangera d'avainne Vostre chevax ne n'iert seniez Tant que je me serai vangiez (Pe 822). S'est or ensi qu'il t'an covient A sofrir ce que ge ferai, Que le Gringalet an manrai, De plus ne me puis or vangier. (Pe 6891).

    - "Se venger de soi-même" : Mes ainz voldroit le san changier Que il ne se poïst vengier De lui, qui joie s'a tolue. (Yv 2794).

III. Inf. subst. "Action de se venger, vengeance" : Par po qu'Alixandres n'anrage, Qant de sa gent voit tel domage, Qui si est morte et afeblie. Mes au vengier pas ne s'oblie : Une barre longue et pesant Avoit trovee an .i. pandant ; S'an vet si ferir .i. gloton... (Cl 2012). Mes del vangier se poinne fort, Si lor vet si estoutemant Que il les mainne si vilmant Que vers lui point ne se desfandent... (Yv 4544).

IV. Part. passé en empl. adj. "Vengé" : « (...) Et tant direz a la pucele Que Quex feri sor la memele Que se je puis, ainz que je muire, Li cuit je mout bien metre cuire, Que por vangiee se tandra. » (Pe 1199). « (...) Donc est la pucele vangiee, Fet Percevax, que Kex feri. » (Pe 4452).