"Genou" : Devant son seignor s'est assise Et met sor ses genouz son chief (Er 4597). Li uns l'autre sache et detire, Si que sor les genouz s'abatent. (Er 5947). .I. grant cop mervelleus et fort Li done, tel que a ses piez Est d'un genoil agenoilliez. (Cl 4048). ...Et oltre estoit ja a bien pres Qant Cligés li vint si de pres, Et maintenant hauce l'espee, Sel fiert si qu'il li a colpee La janbe desor le genoil, Ausi con .i. raim de fenoil. (Cl 6399). Mains et genolz et piez se blece (La 3112). A mains, a piez et a genolz Fet tant que de l'autre part vient. (La 3116). Des les espaules contreval Furent armé jusqu'aus genolz, Mes les chiés orent et les volz Desarmez et les james nues (Yv 5511). ...si li paroit la face Ou avoit mainte leide trace, Que ses lermes par tot sanz fin I avoient fet le traïn ; Que jusqu'au manton li coloient Et par desor sa robe aloient Jusque sor les genolz colant. (Pe 3721).

    - À genouz. "À genoux" : Trop avez esté a genolz : Relevez sus, jel vos comant (Cl 374). Li altre barbe ne grenon N'avoient, et de cez li dui Furent a genolz amedui, Si servi li uns del taillier Et li autres del vin baillier. (Pe 7990). ...Les lermes et la contenance A toz jorz an sa remanbrance, Com il vint devant li plorer Con s'il la deüst aorer, Humbles et sinples, a genolz. (Cl 4325). S'an sont cil del païs mout lié Et li estrange si irié Qu'il ne se pueent sostenir, Einz an i estut mainz venir Jusqu'a terre toz esperduz, Ou as genolz, ou estanduz (La 3688). Messire Yvains maintenant joint Ses mains, si s'est a genolz mis Et dit, come verais amis : « Dame, voir, ja ne vos querrai Merci, einz vos mercierai De quanque vos me voldroiz feire (...). » (Yv 1973). Lunete, qui mout fu cortoise, Li fist isnelemant fors traire .I. mout precieus saintuaire ; Et la dame a genolz s'est mise. (Yv 6621). Percevax se met a genolz Tantost con antre an la chapele (Pe 6136). Atant vindrent vaslet a flotes, Et tuit mout bien vestu de cotes, Si se metent tuit a genolz Et dïent tuit : « Biax sire dolz, Noz servises vos presantomes (...) » (Pe 7633). Et uns lyons mout mervellos (...) Parmi l'uis de la chanbre saut Et monseignor Gauvain assaut (...), Que tot ausi con parmi cire Totes ses ongles li anbat An son escu et si l'abat Si qu'a genolz venir le fet. (Pe 7607).